dëgjoni

Sesioni vjetor i Asamblesë Kombëtare Popullore të Kinës dhe ai i Komitetit Kombëtar të Konferencës Konsultative Politike të Kinës janë evenimente të rëndësishme në jetën politike të Kinës. Dy sesionet e sivjetshme, që sapo u mbyllën në Pekin, kanë tërhequr pjesëmarrjen e mbi 800 gazetarëve të huaj, shifër kjo që është shtuar me 200 veta më shumë se ajo e vitit të kaluar. Gjatë këtyre sesioneve, Lojërat Olimpike, që do të zhvillohen në gusht të këtij viti, kanë qenë fokusi i gazetarëve nga vende të ndryshme. Do të ndiqni tani një korrespondencë lidhur me këtë.

"E mbarë bota po ndjek me vëmendje Lojërat Olimpike të Pekinit. Të gjitha diskutimet në 'dy sesionet' e Kinës rreth Lojërave Olimpike të Pekinit, si punët përgatitore, gjendja e fondeve, të sigurimit e të komunikacionit si dhe pritja e aq shumë turistëve e gazetarëve të huaja etj., të gjitha këto janë tema që i interesojnë botës."

Xhoni Erling është korrespondent i gazetës gjermane "Die Welt" në Pekin. Ndër problemet që ai do të trajtojë, Lojërat Olimpike zënë një peshë shumë të madhe.

Shumë gazetarë të huaj preokupohen për përpjekjet e Kinës në zgjidhjen e ndotjes së ajrit dhe në ngushtimin e komunikacionit. Njëri prej tyre është Gjilberto Skofild, korrespondent në Kinë i gazetës braziliane "Globo". Nga këndvështrimi i tij, zgjidhja e problemit të komunikacionit vet mund të përmirësojë shumë cilësinë e ajrit të Pekinit.

"Ashtu si qyteti më i madh i Brazilit San-Paulo, edhe Pekini po përballon problemin serioz në komunikacion, por unë mund të ndjej nga afër përpjekjet e mëdha të qeverisë kineze në këtë drejtim. Më i dukshmi është vënia në fuksion i linjës së 5-të të metros së Pekinit, që ka zbutur në tërësi presionin e komunikacionit. Kjo linjë u ndërtua jo vetëm për Lojërat Olimpike, por edhe do të favorizojë banorët e Pekinit për një kohë të gjatë. Tjetër masë efikase është eksperimenti në gusht të vitit të kaluar për kufizimin e qarkullimit të automjeteve, që do të thotë automjetet qarkullojnë sipas numrit tek dhe çift të liçencës. Gjatë eksperimentit, qarkullimi i automjeteve u përmirësua dukshëm dhe në përgjithësi nuk pati ndonjë bllokim në rrugë. Më e rëndësishmja është që u pakësua shkarkimi dhe u ngrit cilësia e ajrit. Kjo është me të vërtetë një metodë që 'vretë dy zogj me një gur'."

Tjetër problem olimpik që tërhoqi vëmendje të gazetarëve të huaj në "dy sesionet" janë punët përgatitore të Lojërave Olimpike të Pekinit. Shumë gazetarë që bënë intervistë në "dy sesionet" janë gazetarë të përhershëm në Pekin. Nëpërmjet një sërë garash eksperimentale, ata panë nga afër gjendjen e ndërtimit të pallateve e stadiumeve të Lojërave Olimpike.

Korrespondenti i Televizionit "France 24" në Pekin, Heri Amol tha:

"Nga ndërtimi i pallateve e stadiumeve sportive, punët përgatitore të Lojërave Olimpike të Pekinit janë zhvilluar normalisht. Para ceremonisë së hapjes, të gjitha veprat e pallateve e stadiumeve si dhe metrotë përkatëse do të jenë përuruar. Në programin tonë, unë u njoftova shikuesve francezë se me përparimin e punëve përgatitore, Pekini po kalon ndryshime dita ditës."

Kolegia e Heri Amolit, Xhulie Depli u habit shumë që aq shumë gazetarë të huaj përqendruan në "dy sesionet".

"Është e pabesueshme që kaq shumë gazetarë erdhën këtu për njoftimin e 'dy sesioneve'. Nuk mund të përfytyroj se sa do të jetë numri i gazetarëve gjatë Lojërave Olimpike të Pekinit."

Në fakt, shumë media të huaja e konsiderojnë njoftimin e "dy sesioneve" si parapërgatitje për njoftimet për Lojërat Olimpike. Ata pohojnë plotësisht punët organizatore dhe shërbyese të Qendrës së Shtypit të "dy sesioneve". Francezi Heri Amoli tha:

"'Dy sesionet' na ka dhënë shërbime të mira. Problemet e paraqitura nga ne mund të zgjidhen brenda ditës ose disa orësh. Në krahasim me këtë, duhet të presim më shumë kohë kur u lidhëm me Komitetin Organizativ të Loëjrave Olimpike të Pekinit për intervistë. Shpresoj se pala organizatore e Lojërave Olimpike do të dërgojë më shumë punonjës për ne gazetarët, që të ngrihet efektiviteti i punës." (Wang Lei)