Së pari, le të dëgjojmë këngën "Pse këtu ka shumë njerëzi të çuditshëm?" e kënduar nga këngëtarja Longkuan.

Në vitin 2005, grupi muzikor Longkuan Jiuduan bëri emër me këngën "Pse këtu ka shumë njerëz të çuditshëm?". Por pas suksesit të shkurtër, ky grup muzikor u nda. Longkuan dhe Jiuduani u zhdukën nga sytë e njerëzve. Por pas një viti, Longkuani u kthye në fushën e muzikës me 2 këngë të reja. Tani, të dyja këngët janë në fazën e propagandimit.

Kënga që po dëgjoni këndohet nga Longkuan dhe mban titullin "Pse këtu ka shumë njerëz të çuditshëm?". Kjo këngë ka melodi të stilit të huaj, vargjet janë të mbushura plot me ëndërr dhe këndimi i Longkuanit është si një fëmije. Në këtë këngë thuhet: "Pse këtu ka shumë njerëz të çudishëm? Ç' po bëjnë? Tani jemi ti dhe unë, ne do të gëzojmë jetën e lumtur."

Gjatë kohës së largimit nga skena muzikore, Longkuani përveç se bëri muzikën që i pëlqen, pikturonte dhe mësoi prodhimin e flashit dhe krijoi ueibsajtin e saj e markën e veshjes së saj "Fëmija qeros". Këto janë "lojëra" të mbushura plot me sfidë. Ajo shijoi gëzimin e thjeshtë dhe lumturinë e vogël nga këto lojëra. Prandaj, lindi kënga "Në botën time më pëlqen të luaj lojëra". Longkuani tha se kompozimi i kësaj kënge është për të kujtuar atë kohë kur nuk ka presion.

Kënga që po dëgjoni është pikërisht "Në botën time më pëlqen të luaj lojëra". Kjo është një këngë me stilin e muzikës elektronike dhe është e freskët me pak shqetësim.

Në këngë thuhet: "Çdo e diel është e mirë, një autobus sjell përqafimin tim. Vetë në dhomë është mirë, sepse jam mësuar në kalanë time. Në botën time më pëlqen të luaj lojëra. Nëse e humb këtë kohë, nesër ndoshta nuk do të kem rast. "

Tani, le t'i kushtojmë vëmendje grupit muzikor "Yusiyuan dhe BIZ". Me këngën "Këndojmë për dashurinë", ky grup muzikor bëri emër në pjesën kontinentale duke fituar shumë çmime të mëdha si "Këngëtari më i mirë i ri", "Grupi muzikor më i mirë", "Grupi më i mirë për aftësinë e kompozimit" etj.. Ata ruajnë gjithmonë shpirtin e kompozimit dhe qëndrimin e sinqertë për muzikën.

Pas një viti, me dëshirën e publikut, grupi muzikor "Yusiyuan dhe BIZ" publikoi albumin e dytë "Në zemër kam atë". Shumë këngë të këtij albumi janë mirëpritur nga fansat. Kënga "Në zemër kam atë" zuri vendin e parë në Listën e Këngëve Kineze. Rezultati i mirë tregon përsëri aftësinë e tyre. Tani, le ta dëgjojmë këngën "Në zemër kam atë", që tregon këmbënguljen në dashuri.

Në këngë thuhet: "E gjithë bota kundërshton, përsëri të dua, megjithëse nuk do të ketë një përfundim të mirë. Në zemrën time kam atë. Ato thashetheme lëshohen në erë. Megjithatë vazhdojmë të luftojmë?duart nuk do të lëshohen."

Pasi dëgjuam këngën "Në zemër kam atë", le ta dëgjojmë këngën "Ngjyra" e kënduar nga Man Wenjun. Këngëtari i Kinës kontinentale Man Wenjun ka nisur rrugën e këngës para 10 vjetësh. Me figurën e sinqertë dhe të thjeshtë dhe stilin e muzikës prekës, ai fitoi shumë vlerësime të mira nga fansat e shdresave të ndryshme dhe fitoi emrin e bukur "Këngëtar i afërt me banorët e thjeshtë".

Në këngë thuhet: "Ti je ngjyra ime. Jam i lumtur dhe vetëm dëshiroj të pushoj. Koha ndalon dhe mbaj gëzim. Ti je ngjyra ime. Shikoj malin, ujin dhe detin por nuk është më bukur se të të shikoj ty. "

Në fund të programit, le të dëgjojmë këngën e Man Wenjunit "Kënga jote" nga albumi i tij "Kuptimi" i vitit 2006. Kjo është vepra e parë e kompozuar nga Man Wenjuni. Ajo shënon ndjenjën e tij kur u bë baba për herë të parë. Vargjet tregojnë dashurinë për të afërmit dhe djalin. (Çang Çuo)