dëgjoni

Chen Xiaoyi është aktore e Teatrit të Artit Popullor të Pekinit. Vitet e fundit, personazhet e shumëllojshme të interpretuara nga ajo në drama televizive kanë fituar përshëndetjen e gjerë të shikuesve kinezë. Pak kohë më parë, Chen Xiaoyi u kthye në skenën dramatike dhe interpretoi personazhin kryesor të dramës "Lian Hua".

"Lian Hua" është një dramë me stilin e dukshëm të Teatrit të Artit Popullor të Pekinit. Subjekti i dramës ndodh në Pekin dhe aktorët flasin krejt;sisht në dialektin e Pekinit. Në dramë, një antikë e çmuar i ndihmoi bashkëshortët e varfër Tian He dhe Lian Hua të shkëputen nga varfëria por prishi edhe dashurinë midis tyre. Drama është ndërtuar në mënyrë retrospektive. Në fillim, Lian Hua vrau me pushkë burrin që ndryshoi zemrën, pastaj vrau veten. Chen Xiaoyi u shpreh se interpretimi në mënyrë retrospektive është një provë për aktorët:

"Interpretimi në këtë dramë është shumë i vështirë. Drama arrin kulmin sapo fillon, prandaj aktorët duhet të shfaqin plotësisht talentin në skenë për të tërhequr vëmendjen e shikuesve."

"Lian Hua" është vepra e fundit dramatike e Chen Xiaoyi-së gjatë 5 vjetëve të fundit. Personazhi Lian Hua i interpretuar nga ajo është një grua me ndjenja të pasura. Chen Xiaoyi ka futur të gjitha ndjenjat në interpretimin e këtij personazhi. Chen Xiaoyi u shpreh se në veprat e Teatrit të Artit Popullor të Pekinit ka shumë personazhe të rëndësishme meshkuj, ajo është aktore fatmirë që fitoi këtë rast të interpretojë personazhin kryesor të dramës "Lian Hua". Chen Xiaoyi u shpreh se interpretimi në skenën dramatike është më i vështirë se interpretimi në film ose në dramën televizive, sepse në çdo shfaqje ajo duhet të ruajë pasionin e madh.

40-vjeçarja Chen Xiaoyi lindi në një familje artistësh në provincën Siçuan të Kinës jugperëndimore. Jeta e saj artistike shkon mbarë. Para mbi 10 vjetëve, Chen Xiaoyi që studionte në fakultetin e interpretimit të Institutit Qendror të Dramës të Kinës u zgjodh për dramën televizive "Vajza nga jashtë" dhe interpretoi një fshatare të thjeshtë që punon në qytet. Interpretimi i vërtetë dhe i natyrshëm i saj i preku thellë shikuesit. Kjo dramë ngjalli jehonë të gjerë në Kinë dhe Chen Xiaoyi fitoi famë të madhe. Pas kësaj, Chen Xiaoyi filloi të interpretojë personazhe të ndryshme femra në ekranin televiziv, për shembull gruan e virtytshme të ushtarit në dramën televizive "Këngët ushtarake", nënën në dramën televizive "Nëna", policen në "Bashkëshortët" etj. Personazhet e interpretuara nga Chen Xiaoyi janë zakonisht gra të mira, Chen Xiaoyi u shpreh se tani ajo shpreson të luajë disa role negative. Ajo tha:

"Në dramën 'Shqetësimet e grave' interpretova një personazh negativ duke u lënë shikuesve përshtypje të thellë. Jam e mendimit se një aktor duhet të provojë personazhe të ndryshme."

Për shkak të interpretimit të natyrshëm që përputhet me jetën e banorëve të thjeshtë, Chen Xiaoyi është një nga aktoret më të mirëpritura nga shikuesit në Kinë. Në jetën e zakonshme, Chen Xiaoyi është një njeri i sinqertë dhe bën çdo gjë me seriozitet. Ajo u shpreh se në fakt interpretimi i saj i ngjan karakterit të saj:

"Nëse nuk kam ndjenja të vërteta, nuk mund ta interpretoj mirë personazhin. Unë kërkoj interpretimin e vërtetë."

Chen Xiaoyi u shpreh se pas martesës dhe lindjes së djalit, eksperienca e saj e jetës është pasuruar më tej duke shtuar përvojën në interpretim. Personazhet e interpretuara me ndjenja të vërteta do të përshëndeten patjetër nga shikuesit. (Fani)