dëgjoni

Ju flet Radio e Jashtme e Kinës, të dashur dëgjues, mirë se vini në minirubrikën "Stadiume Olimpike", unë jam tregues i saj, Jiang Lei. Në programin e sotëm do t'ju tregojmë për një qendër të madhe sportive që ndodhet në Wukesong të Pekinit.

Tani në anën veriore të rrugës Fuxing që ndodhet në linjën zgjatëse të bulevardit Chang'an, është ndërtuar buzë unazës së katërt një qendër moderne sportive---Qendra Sportive e Wukensong-ut. Kjo qendër zë një sipërfaqe prej afro 52 hektarësh dhe sipërfaqja e ndërtimit është afërsisht 350 mijë metra katrorë. Në këtë qendër, janë përfshirë përkatësisht stadiumi kryesor i Wukesongut, stadiumi i bejzbollit i Wukesongut, instalimet e shërbimeve kulturore e sportive dhe një qendër e madhe për argëtimin kulturor.

Ndër këto ndërtesa, stadiumi i bejzbollit i Wukesongut është një stadium ku do të zhvillohen ndeshjet e bejzbollit të Lojërave Olimpike të Pekinit, kurse stadiumi kryesor i Wukesongut do të jetë vend zhvillimi i ndeshjeve të basketbollit të Olimpiadës së Pekinit.

Për përcaktimin përfundimtar të projektit të ndërtimit të stadiumit të Wukesongut, organizatorët në Pekin kanë harxhuar shumë energji dhe procesi i përcaktimit ishte plot me zigzage.

Në vitin 2002, gjatë procesit të zgjedhjes së projekteve të ndërtimit, një kompani amerikane e projektimit dhe një kompani zvicerane u futën në fazën finale. Projekti i kompanisë amerikane parashikon që të hapet një gropë për të krijuar një liqen artificial dhe pastaj do të ndërtohen stadiumi i basketbollit dhe ai i bejzbollit me dheun e hequr. Ky është një projekt me forcë tërheqëse si parqet kineze të kohës së lashtë. Ndërsa, projekti i kompanisë zvicerane është me një stil modern. Në këtë projekt, të gjitha ndërtesat duke përfshirë edhe stadiumin e basketbollit, do të mbulohen nga një pamje me ngjyrën e gjelbër të pemëve e bimëve rreth tyre. Pjesa e poshtme e stadiumit të basketbollit që është në formë drejtkëndëshe do të ndodhet nën nivelin e horizontit, duke u rrethuar nga një fushë e pjerrët me ngjyrë të gjelbër. Dhe në anët e jashtme të katër mureve të stadiumit do të instalohen katër ekrane të mëdha televizive, nëpërmjet të cilave ndeshjet dhe garat mund të transmetohen për spektatorët jashtë stadiumit.

Të dyja projektet i pëlqyen komisionit përzgjedhës dhe të dyja kompanitë fituan bashkë çmimin e dytë në projektimin e qendrës sportive të Wukesongut dhe çmimin e parë nuk e fitoi askush. Pas diskutimeve të mëtejshme, projekti i arkitektëve zviceranë u zgjodh si projekt fitues.

Por pas studimeve të kujdesshme, specialistët kinezë gjetën disa probleme në sigurinë dhe vështirësinë teknike të këtij projekti. Në projektin origjinal, qendra tregtare duhej të vendosej mbi stadiumin kombëtar të basketbollit, kurse specialistët kinezë ishin të mendimit se ky projektim nuk përputhej me logjikën e peshëmbajtjes dhe kishte disavantazhe në drejtim të sigurisë dhe në MKZ. Krahas këtyre, në anët e jashtme të katër murëve të stadiumit, duhej të instaloheshin katër ekrane të mëdha televizive, çka patjetër do të kishte një shpenzim të madh dhe do të ndikonte në jetesën normale të banorëve të thjeshtë që jetojnë në tre drejtimet afër stadiumit. Në fund, specialistët kinezë morën vendimin që të pakësohet numri i ekraneve nga katër në një. Pas rishkrimeve të projektit, qendra tregtare me sipërfaqen 100 mijë metra katrorë është lëvizur në zonën e jashtme të stadiumit. Stadiumi kombëtar i basketbollit është një ndërtesë e pavarur dhe në pjesën e jashtme është ruajtur stili i mëparshëm në projektin origjinal. Në krahasim me projektin e mëparshëm, niveli i fushës së basketbollit i këtij stadiumi është ngritur me 7.8 metra dhe hyrjet e spektatorëve janë ngritur në nivelin e horizontit. Krahas këtyre, unaza e makinave dhe sheshi nën horizont janë anuluar dhe projektimi i tunelit është thjeshtuar.

Pas një sërë thjeshtimesh, projekti përfundimtar i qendrës sportive të Wukesongut është ndryshuar shumë nga ai origjinal, por specialistët janë të mendimit se nuk ka vend për t'u penduar: stili i mëparshëm është vërtet i veçantë, i bukur dhe modern, por projekti i fundit ka ruajtur thelbin e projektit origjinal, duke marrë parasysh më shumë faktorët e sigurisë së ndërtimit. Prandaj qendra sportive e Wukesongut do të jetë një vepër klasike ndër stadiumet sportive.

Ju flet Radio e Jashtme e Kinës, të dashur dëgjues, në minirubrikën "Stadiume olimpike", ju treguam për qendrën sportive të Wukesong-ut. Herën tjetër, do t'ju flasim për stadiumin e çiklizmit të Lojërave Olimpike të Pekinit. Ju falënderojmë për shoqërinë, mirudëgjofshim herën tjetër. (Jiang Lei)