dëgjoni

Erdhi pranvera edhe përfunduan edhe stërvitjet dimërore 4-mujore të ekipit kinez të kërcimit nga trampolina. Gjatë këtyre stërvitjeve, u zhvilluan edhe gara nga të cilat u përcaktuan edhe sportistët që do të marrin pjesë në Lojërat Olimpike. Duke kujtuar këto stërvitje dimërore, notari i kërcimit nga trampoline prej 3 metrash e lartë, He Chong tha:

"Gjithë periudha e stërvitjeve ka qënë shumë e vështirë dhe, fill pas përfundimit të stërvitjeve, pa asnjë rregullim, morëm pjesë në Kupën Botërore të Kërcimit nga Trampolina. Megjithse ishim shumë të lodhura, prapësëprapë paraqitëm nivelin e duhur në garë dhe u vërtetua cilësia e stërvitjeve tona."

Si ekip më i shquar në qarqet botërore të kërcimit nga trampolina, notarët kinezë kanë potencial të lartë në teknikë dhe kanë pranuar stërvitje me regjim të rreptë e sistematikë të përditëshm. Mirëpo, kërcimi nga trampolina është një disiplinë sportive që kërkon shumë në cilësinë psikologjike. Përballë gjendjes së nderë në garë, edhe pse një fije ndryshimi në gjendjen shpirtërore të notarit do të ndikojë në kontrollin e muskujve nga nervi. Veçanërisht në veprimtari të mëdha sportive ndërkombëtare, gjendja e paqëndrueshme shpirtërore e notarëve do të ndikojë seriozisht paraqitjen në garë. Duke marrë parasysh se Lojërat Olimpike 2008 do të zhvillohen në Pekin dhe garat në fushën e vetë do të sjellin presion të madh psikologjik, prandaj gjatë këtyre stërvitjeje dimërore, ekipi kinez i kërcimit nga trampoline vuri theksin në stërvitje të cilësisë psikologjike. Duke folur për këtë, drejtuesja e këtij ekipi, zj. Zhou Jihong tha:

"Stërvitjet psikologjike janë të rëndësishme për çdo sportist, sepse për paraqitjen e nivelit të vetë në sport duhet garantimi bazë shpirtëror. Pavarësisht nga çfarë ndodh, sportisti duhet të ruajë gjakftohtësinë dhe të ketë vetkontrollë. Stërvitjet psikologjike, nga njëra anë u realizuan me konkurrencë në gara dhe, nga ana tjetër, kishin këshilla psikologjike gjatë stërvitjeve të zakonshme."

Gjatë stërvitjeve dimërore, në ekipin kinez zhvilloi edhe një konkurs ligjerate, që 15 anëtarëve të ekipit ju kërkua të shprehnin ëndërrat e tyre për Lojërat Olimpike të Pekinit, duke u kombinuar me eksperiencën e vet në të kaluarën. Megjithëse bënë përgatitje serioze, këta sportistë të dalluar ishin më nervoz se në trampolinë. Duke folur për eksperiencën e vet në këtë konkurs ligjetare, notarja e kërcimit nga trampolina prej 10 metrash e lartë, Wang Xin tha:

"Në konkursin e ligjeratës, ndoshta isha më nervose se në trampolinë. Qëllimi i këtij konkursi është që të na stërvit të trajtojmë gjendjen e qetë shpirtërore përballë kushteve të ndryshme në tension dhe nën presion."

Krahas konkursit të ligjeratës, drejtuesja Zhou Jihong shpjegoi se gjatë stërvitjeve dimërore, trajnerët matën pandërprerë edhe gjendjen psikologjike të anëtarëve të ekipit për lodhje dhe shkëmbenin shpesh mendime me ta. Në bazë të një sërë stërvitjesh, anëtarët e ekipit ndjejnë në përgjithësi rritje në cilësi shpirtërore.

Nga 19 deri më 24 shkurt, u zhvillua në Pekin edicioni i 16-të i Kupës Botërore të Kërcimit nga trampolina, një veprimtari e rëndësishme ndërkombëtare pas stërvitjeve dimërore. Në këtë veprimtari, notaret Chen Ruolin dhe Wang Xin, nën presionin e madh, u shpallën kampione në kërcimin nga trampolina prej 10 metrash e lartë. Ndërsa djali He Chong, që përmendi në fillim të programit, fitoi medaljen e tij të parë të artë botërore për trampolinën prej 10 metrash e lartë për meshkuj. Drejtuesja e ekipit Zhou Jihong shprehu kënaqësi për këtë rezultat dhe trajnerët thanë se sportistët kanë më shumë mendime të pavarura në stërvitje dhe janë më gjakftohtë në garë. Kjo do të thotë se anëtarët e ekipit kinez të kërcimit nga trampolina janë në një gjendje relativisht ideale në anë tekinike dhe psikologjike. (Wang Lei)