dëgjoni

Ju flet Radio e Jashtme e Kinës! Të dashur dëgjues, unë jam Pina, po takohemi përsëri në programin e sotëm të këngëve popullore. Në këtë program do të vazhdoj t'ju paraqit disa këngë të kënduara nga këngëtarjare Song Zuying. Song Zuying, që ka lindur në provincën Hunan, është një nga këngëtaret e reja më të talentuara sot në Kinë, ajo ka zë të bukur dhe quhet nga të gjithë "Zëri i artë". Ajo është në gjendje të interpretojë me shije të veçantë këngët popullore të provincës Hunan. Tani le të shijojmë disa këngë popullore të provincës Hunan të interpretuara prej saj.

Kënga që po ndiqni është një këngë popullore e provincës Hunan me titull "Vajza e vogël Megu", kënduar nga Song Zuying. Këtë këngë ajo e këndon në mënyrë të gëzueshme dhe të shkathët, duke përshkruar figurën e bukur të një vajze të re. Në këngë thuhet: "Megu-ja e vogël shkon në mars për ekskursion pranveror, e veshur me rroba të kuqe dhe me zbukurime në bel, duket si një engjëll e ardhur nga qielli."

Provinca Hunan ndodhet në jug të liqenit Dongting në jug të Kinës. Këngët popullore të kësaj province kanë histori të lashtë dhe karakterizohen nga tipare artistike të larmishme dhe të pasura. Meloditë e tyre janë të freskëta dhe me ngjyrë të theksuar romantike. Për shkak të kushteve gjeografike të ndryshme, të gjuhës, të dokeve e zakoneve, stilet dhe temat e këtyre këngëve janë shumë të pasura.

Kënga që po ndiqni është një këngë popullore e provincës Hunan me titull "Po shkoj në Sichuan". Kënga me melodi harmonike e elegante përshkruan dashurinë e përzemërt dhe të thellë midis vajzës e djalit që ndodhen në dy krahina të ndryshme dhe dëshirën e tyre të madhe për t'u takuar.

Distrikti Sangzhi, që ndodhet në veriperëndim të provincës Hunan, është një distrikti i banuar kryesisht nga pakicat kombëtare tujia, bai dhe miao. Sanzhi pati nderin të quhet "Deti i këngëve popullore" dhe "Vendlindja e këngëve popullore". Këngët popullore të kësaj zone, me melodi të pasura e të bukura dhe me ritme të qarta, tregojnë stilin e vet të theksuar popullor dhe shijen e këndshme fshatare. Më poshtë do të shijojmë së bashku këngën popullore të Sanzhi-ut me titull "Me pemën e manit si taban të llambës".

Kjo është një këngë revolucionare e përhapur gjerësisht në Hunan. Kënga me tekstin e gjallë dhe me ndjenjat e përzemërta përshkruan dashurinë besnike dhe të pastër midis djalit që shkoi ushtar dhe nuses së tij.

Në këngë thuhet: "Me pemën e manit si taban të llambës, shkruaj një letër për t'ia çuar së dashurës. Unë shkova ushtar, ti je vetëm në shtëpi, nuk mund të kthehem brenda 2 ose 3 vjetëve. Me pemën e manit si taban të llambës, shkruaj një letër për t'ia çuar burrit. Të pres ty një vit, dy vjet, derisa të kthehesh. Lulet nuk çelin pa ardhur pranvera."

Në fund të programit ju ftoj të dëgjoni këngën popullore të Hunan-it "Çelin lulet në të 4 stinët", kënduar nga Son Zuying. Kënga me ritme të gëzueshme dhe të gjalla përshkruan peizazhin e bukur të 4 stinëve me lulet e çelura. Le ta dëgjojmë.

Ju flet Radio e Jashtme e Kinës! Të dashur dëgjues, ndoqët disa këngë popullore të provincës Hunan të interpretuara nga këngëtarja e njohur kineze Song Zuying. Mirudëgjofshim të shtunën tjetër. Në mikrofon për ju, Pina.