Ditët e fundit u organizua në qytetin Shëjiazhuang të provincës Hëbei të Kinës veriore takimi i 11-të ndërkombëtar i cirkut i Wuqiaos. Takimi ndërkombëtar i cirkut i Wuqiaos, që filloi të organizohet në vitin l987, është një nga 3 takimet e mëdha botërore të cirkut. Takimi i cirkut kinez dhe të huaj Wuqiao është bërë tani një festival madhështor i qarqeve botërore të cirkut.

Historia e cirkut kinez ka filluar qysh para 2 mijë vjetësh në dinastinë Han. Të dhënat arkeologjike tregojnë se në lashtësi, cirku ka qenë një nga aktivitetet dëfryese të banorëve. Nëpër sheshe dhe fusha, artistët e cirkut kinez me shkopinj, pjata dhe tava, shigjeta dhe thika bënin shumë numra aventureske dhe mahnitëse.

Wuqiao, që ndodhet në pjesën jugore të provincës Hëbei, është "vendlindja e cirkut kinez". Nga ky distrikt kanë dalë shumë talente dhe numra të bukur cirku. Në distriktin Wuqiao ka jo vetëm shkolla dhe trupa cirku, por këtu ndodhet edhe parku tematik i cirkut. Këtu vijnë çdo vit për vizitë shumë turistë kinezë dhe të huaj, edhe shumë të huaj kanë ardhur këtu për të përvetësuar cirkun kinez.

Santosi është një artist cirku nga Venezuela. Për të ngritur mjeshtërinë e tij të cirkut, ai erdhi posaçërisht për studim në shkollën ndërkombëtare të cirkut Wuqiao : "Kam 4 muaj që kam ardhur këtu nga Venezuela, sepse cirku kinez është më i miri. Unë erdha me kënaqësi dhe po përvetësoj mjeshtërinë e rrotullimit rreth litarit në lartësi të madhe dhe mjeshtërinë në karrige".

Shkolla ndërkombëtare e cirkut Wuqiao u krijua në vitin l983. Në të studiojnë jo vetëm nxënës kinezë, por edhe shumë nxënës të huaj. Duke filluar nga viti 2002, qeveria kineze u jep nxënësve të huaj që kanë ardhur për studimin e cirkut në Wuqiao ndihmë financiare. Çdo nxënës mund të vazhdojë një vit studim. Tani këtu studiojnë 24 nxënës të huaj, ndër ta, më i vogli është me moshë 8 vjeçe, kurse më i madhi është mbi 20 vjeç. Të gjithë ata kanë një interes shumë të madh për cirkun kinez. Drejtori i shkollës bëri të ditur se në këtë shkollë janë përgatitur më se 150 nxënës të huaj.

Qysh nga pjesëmarrja e parë në konkursin ndërkombëtar të cirkut në vitin 1956, trupat e cirkut kinez kanë arritur vazhdimisht suksese të shkëlqyera. Gjatë 20 vjetëve të fundit, arti i cirkut kinez ka arritur zhvillim të vazhdueshëm, duke bërë krijime të reja, dhe trupat kineze të cirkut kanë fituar më se 100 medalje të arta në konkurse të ndryshme ndërkombëtare të cirkut.

Artisti 20-vjeçar i cirkut Liang Zhen tha se atij i pëlqen shumë cirku dhe ka shumë qejf të shkojë për turne në vende të ndryshme të botës. Kjo jetë është shumë e çuditshme dhe e pasur për të."Kam qenë për vizitë dhe shfaqje në Malajzi, Korenë e Jugut etj., në qytete të mëdha, si në Seul të Koresë së Jugut, në Kuala Lumpur të Malajzisë etj. Ne kemi shumë programe të bukura, si kalimet në unaza, ngjitjet në shkopinj, rrotullimet e pjatave etj. Jeta jonë e artistëve të cirkut është shumë e pasur çdo ditë". ( Zhai) 

Qysh nga pjesëmarrja e parë në konkursin ndërkombëtar të cirkut në vitin 1956, trupat e cirkut kinez kanë arritur vazhdimisht suksese të shkëlqyera. Gjatë 20 vjetëve të fundit, arti i cirkut kinez ka arritur zhvillim të vazhdueshëm, duke bërë krijime të reja, dhe trupat kineze të cirkut kanë fituar më se 100 medalje të arta në konkurse të ndryshme ndërkombëtare të cirkut.

Artisti 20-vjeçar i cirkut Liang Zhen tha se atij i pëlqen shumë cirku dhe ka shumë qejf të shkojë për turne në vende të ndryshme të botës. Kjo jetë është shumë e çuditshme dhe e pasur për të."Kam qenë për vizitë dhe shfaqje në Malajzi, Korenë e Jugut etj., në qytete të mëdha, si në Seul të Koresë së Jugut, në Kuala Lumpur të Malajzisë etj. Ne kemi shumë programe të bukura, si kalimet në unaza, ngjitjet në shkopinj, rrotullimet e pjatave etj. Jeta jonë e artistëve të cirkut është shumë e pasur çdo ditë".

Cirku ka lindur në gjirin e popullit. Vitet e fundit, qeveria kineze ka forcuar mbrojtjen e kulturës popullore, duke përfshirë edhe cirkun, dhe ka emëruar një numër trashëgimtarësh të artit popullor, duke u dhënë atyre edhe ndihmë financiare për trashëgiminë e artit të tyre.

Z. Wang Baohe, 63-vjeçar, është trashëgimtari i cirkut Wuqiao. Ai tha se cirku kinez ka veçorinë e tij dhe ai po studion me gjithë shpirt cirkun klasik kinez, në mënyrë që mjeshtëritë e këtij cirku të trashëgohen brez pas brezi."Cirku dhe magjia klasike kineze kanë një veçori të madhe, se interpretimi i tyre nuk kufizohet nga skena dhe pajisjet, mund të shfaqen në kushte të ndryshme dhe shfaqjet mbështeten kryesisht tek mjeshtri. Prandaj këta numra klasikë të cirkut dhe të magjisë nuk mund të humbin. Unë jam konfirmuar si trashëgimtar i trashëgimisë së kulturës jomateriale, djali im po vazhdon mjeshtërinë time, kam edhe shumë nxënës, mjeshtëritë e mia do të trashëgohen brez pas brezi".

Z. Wang Baohe tha se cirku tradicional kinez shpesh shfaqet nëpër sheshe, artistët dhe spektatorët mund të shikojnë njëri-tjetrin, dhe pajisjet janë mjete të përdorimit të përditshëm dhe janë shumë të thjeshta. Shikuesit mund të kontrollojnë këto mjete të shfaqjes.

Regjisori i trupës shtetërore të cirkut të Rusisë Vladimir Sergounine tha se ai ka ftuar shumë herë trupat e cirkut kinez për shfaqje në Rusi, programet e cirkut kinez janë shumë të mirëpritura nga spektatorët rusë. Sipas tij, cirku i Lindjes dhe ai i Perëndimit kanë secili të mirat e tij, por pa dyshim, cirku kinez është një cirk shumë i veçantë.

"Cirku i Lindjes dhe ai i Perëndimit kanë ndryshime, kurse cirku kinez është unik, ka programe të veçanta dhe shumë numra të çuditshëm që nuk mund t'i përvetësojnë të tjerët. Prandaj ai është shumë i mirëpritur nga shikuesit."

Z. Vladimir Sergounine tha se kësaj here, ai vinte për herë të dytë në Kinë për të bashkëpunuar me trupat kineze dhe për të shkëmbyer me ta përvojë. Të gjitha këto janë shumë të rëndësishme për të.

Z. Nikolay Nikolaivych nga Ukraina është anëtar i jurisë i këtij takimi të cirkut. Pasi u njoh gjerësisht me historinë dhe aktualitetin e cirkut Wuqiao, ai tha se cirku kinez përmban forcë të brendshme dhe magji tradicionale, prandaj programet dhe numrat e këtij cirku kanë mjeshtëri të posaçme, kurse cirku i vendeve të tjera i kushton një rëndësi më të madhe formës.

 Çdo vend ka karakteristika dhe të mirat e tij, prandaj duhet të mësojmë nga njëri-tjetri."Në Kinë ka shumë njerëz që zotërojnë mjeshtërinë e cirkut, kurse në Ukrainë ka vetëm disa artistë profesionistë në rang kombëtar. Ukraina nuk ka ato që ka në Kinë, por në Ukrainë ka edhe karakteristika që nuk i ka Kina. Në përgjithësi cirku kinez ka mjeshtëri të lartë dhe vështirësi të madhe, shfaqjet e cirkut kinez zhvillohen në një atmosferë shumë të ngrohtë, artistët mund të komunikojnë me shikuesit, kjo është shumë e rëndësishme"

Në botën e sotme, aktivitetet e shkëmbimeve të kulturave dhe arteve të ndryshme janë të shumta, midis Kinës dhe vendeve të tjera zhvillohen edhe shkëmbime dhe bashkëpunim në fushën e artit të cirkut. Cirku kinez po bën krijime të reja në bazë të cirkut tradicional. Përgjegjësi i këtij takimi të cirkut tha se vitet e fundit, edhe trupat e cirkut kinez kanë marrë të mirat e trupave të cirkut të vendeve të tjera, duke i kushtuar një rëndësi atmosferës skenike, dhe cirku tradicional kinez po pasurohet gjithnjë e më shumë dhe është bërë një art më bashkëkohor dhe me një forcë më të madhe tërheqëse. ( Zhai)