degjoni

Kombësia miao është një nga 55 pakicat kombëtare të Kinës, ajo jeton kryesisht në pjesën jugperëndimore të Kinës.

Kjo është një kombësi e gëzueshme.

Por është edhe një kombësi që ka një histori plot zigzage.

"Nën ndikimin e trazirave të luftërave gjatë historisë, banorët e kombësisë miao shpërnguleshin shpesh dhe nuk kishin banesa të përhershme)

"Ato që nuk kanë ndryshuar gjatë qindra e mijëra vjetëve janë aspiratat e tyre për jetën e bukur dhe synimet për artin"

Ju flet Radio e Jashtme e Kinës, të dashur dëgjues, duke filluar nga sot, ne do të japim një program me 3 seri "Familja trashëgimtare artistike e kombësisë miao", mirë se dëgjoni programin tonë...

Familja trashëgimtare e prodhimit të veglës muzikore lusheng.

"Familja ime e ka filluar prodhimin e veglës muzikore lusheng duke nisur qysh nga gjyshi im."

"Atëherë unë doja të gjeja një punë të përhershme, më dukej se ishte më mirë se prodhimi i veglës lusheng në shtëpi"..

"Doja vetëm t'i ndihmoja ata në prerjen e bambuve për prodhimin e materialeve për veglën muzikore lusheng".

Ju flet Radio e Jashtme e Kinës, të dashur dëgjues, lusheng-u është një lloj vegle muzikore frymore e kombësisë miao. Sot, dëgjues të dashur, ju ftoj të vini së bashku me mua në një fshat të kombësisë miao dhe të dëgjojmë historinë e një familjeje trashëgimtare në prodhimin brez pas brezi të veglës muzikore lusheng."

Kjo pjesë e gëzueshme muzikore që po dëgjoni, është interpretuar pikërisht me veglën muzikore lusheng

Në ditët e festave tradicionale ose në ditët e martesës, vajzat dhe djemtë e kombësisë miao vishen me kostume të bukura, me stolisje prej argjendi, duke i rënë veglës muzikore lusheng dhe duke hedhur valle. Një shprehje popullore e kombësisë miao thotë: "Pa dëgjuar tingujt e lushengut, të mbjellat nuk mund të rriten". Sigurisht lushengu është një pjesë e rëndësishme përbërëse e jetës së banorëve të kombësisë miao.

Lushengu prodhohet me një tufë bambush me gjatësi të ndryshme, nga larg ai duket si tubat e një flauti organo të vogël.

Ashtu si muzika popullore, edhe veglat muzikore popullore janë kondesimi i historisë së një kombësie. Në vitin 2006, mjeshtëria e prodhimit të veglës muzikore të kombësisë miao lusheng u regjistrua në listën e parë të trashëgimisë jomateriale kulturore në rang kombëtar të Kinës.

Tani le të njihemi me një plak që merret me prodhimin e veglës muzikore lusheng.

Të shoqëruar nga muzika e bukur e veglës muzikore lusheng, ne hymë në fshatin Xinguang, në pjesën juglindore të provincës Guizhou. Mos shikoni se ky fshat nuk është i madh, por ai ka një histori më se 400-vjeçare në prodhimin e lushengut. Mjeshtri i madh i prodhimit të lushengut Pan Bingëen banon pikërisht këtu.

Duke folur për historinë e prodhimit të lushengut në familjen Pan, plaku 67-vjeçar Pan Bingëen ndihet shumë krenar.

"Familja ime e ka filluar prodhimin e veglës muzikore lusheng duke nisur qysh nga gjyshi im. Unë fillova të prodhoj lusheng në moshën 14 vjeç dhe tani edhe djali im merr pjesë gjithashtu në prodhimin e saj."

Pan Bingëen-i ka 53 vjet që merret me prodhimin e lushengut. Gjatë këtyre vjetëve, ai ka prodhuar shumë vegla të shquara, duke dhënë kontributin e vet për përmirësimin e veglës muzikore lusheng. Lushengu më i madh në botë i koleksionuar tani në muzeun vendor është prodhuar pikërisht personalisht nga ai.

"Lushengu më i madh që e kam prodhuar është 7.8 metra i gjatë. Atëherë, bashkia e qytetit tim më gjeti mua dhe porositi te unë këtë lusheng për festën ndërkombëtare të lushengut në vitin 2002, për arsye se kam përvojë të pasur".

Gjatë më shumë se gjysmë shekulli, Pan Bingëen-i ka prodhuar lushengë të panumërt dhe, kur e pyeta se cili prej tyre është vepra e tij më e pëlqyer, ai nuk përmendi lushengun më të madh në botë, por filloi të fliste për djalin e tij 36-vjeçar Pan Guisheng. Kënaqësia më e madhe e tij është që ka mundur t'ia trashëgojë mjeshtërinë e vet të birit.

Në atë vend, trashëgimi i mjeshtërisë së babait nga djali është një gjë e padiskutueshme, kurse Pan Bingëeni nuk ia ka dhënë aq lehtë mjeshtërinë e tij djalit.

"Në fillim, im bir nuk interesohej për këtë"

"Atëherë unë doja të gjeja një punë të përhershme, më dukej se ishte më mirë se prodhimi i veglës lusheng në shtëpi". Kështu tha djali që ishte pranë, sikur e ktheu kohën 20 vjet më parë. Mos vallë kjo mjeshtëri nuk do të trashëgohet?

Në gusht të vitit 1988 erdhi ndryshimi.

"Në ato vite, disa distrikte organizuan bashkërisht një konkurs të lushengut. Guisheng-u, në emër të qytezës sonë, mori pjesë në këtë konkurs dhe fitoi çmimin e parë, duke marrë edhe shpërblim. Që atëherë, ai filloi të interesohej për lushengun."

Pasi fitoi çmimin e parë, Guisheng shkoi në qytetin më të madh të Kinës Shangai dhe gjeti atje një punë për të interpretuar me veglën muzikore lusheng.

Duke u ndodhur larg familjes, kur lusheng prishej, ai e rregullonte vet dhe kuptoi njëkohësisht rëndësinë e mjeshtrit të prodhimit të lushengut. Kështu ai filloi të mësonte nga babai mjeshtrinë e prodhimit të lushengut dhe pas përpjekjeve ai e përvehtësoi mirë këtë mjeshtri.

Gjatë shfaqjes së interpretimit me lusheng, Guisheng jo vetëm ka ngritur nivelin e mjeshtrisë për prodhimin e lushengut, po gjeti edhe të dashurën e tij. .

" Atëhere, jepnim së bashku shfaqje të valleve me lusheng në Shangai, ajo kërcente shumë bukur dhe kjo më tërhoqi".

Tani gruaja vazhdon shfaqjet e valleve me Lushang në Shangai, kurse Pan Guisheng me djalin e tij Pan Jianglong u kthyen në vendlindje në Guizhou për prodhimin e lushengut së bashku me të atin.

Për trashëgiminë e mjeshtrisë për prodhimin e lushengut nga djali i tij, Panguisheng mendon ndryshe nga babai i tij.

" Unë dua që djali të shkojë për studim në shkolla të larta, por duhet të dijë edhe mjeshtrinë e prodhimit të lushengut dhe pastaj do të zhvillohet sipas dëshirës së tij "

Megjithëse është me moshë të vogël, Jianglongu i vogël tregoi një interesim të madh për prodhimin e lushengut.

" Unë fillova të mësoja mjeshtrinë e prodhimit të lushengut qysh në moshën 4 vjeçe. Gjyshi dhe babai i binin shumë bukur me lusheng, mua më pëlqente t'i ndihmonja ata gjatë prodhimit të lushengut. "

Në një ditë të zakonshme, të tre brezat prodhojnë së bashku lushengun. Gruaja e Pan Bingëenit është shumë e gëzuar duke parë se mjeshtria e prodhimit të lushengut do të trashëgohet brez pas brezi. .

" Unë i përkrah shumë ata në prodhimin e lushengut duke u ngarkuar vetë me të gjithë punët në ara. Unë po mundohem me të gjitha mënyrat të përgatis rrobat më të bukura për nusen e djalit, në mënyrë që ajo me rroba shumë të bukura të kërcejë valle me lusheng".

Ju flet Radio e Jashtme e Kinës, të dashur dëgjues, dhamë reportazhin " familja trashëgimtare e prodhimit të veglës muzikore lusheng". Gjyshja Pan përmendi se për të kërcyer valle me lusheng duhen veshje të bukura, në veshjet e kombësisë miao i duhen patjetër qëndisje me dorë. Edhe kjo qëndisje me dorë e kombësisë miao është regjistruar në listën e parë të trashëgimisë jomateriale kulturore në rang kombëtar në Kinë. Në emisionin e nesërm do t'ju njohim me historinë e një familje trashëgimtare të qëndisjes më dorë të kombësisë miao. " mirudëgjofshim nesër !