degjoni

Zheng Xulan ishte një nga këngëtaret më të famshme në vitet '80 të shekullit të kaluar kur sapo filluan reforma dhe hapja me botën e jashtme në Kinë. Këngët e buta dhe të këndshme të saj prekën thellë zemrën e çdo dëgjuesit. Megjithëse hasi shumë vështirësi, Zheng Xulani i përmbahet qëndrimit optimist për jetën. Ajo u shpreh se muzika është jeta e saj, ajo do të këndojë deri përfundimin e jetës.

Gjatë Festës së Pranverës të këtij viti, Zheng Xulani zhvilloi në Pekin koncertin recital me rastin e 30-vjetorit të fillimit të jetës artistike. Tani po dëgjoni këngën e saj "Në ishullin e diellit".

Në teatër, dëgjuesi i vjetër Zhang Hanzhong ishte shumë i emocionuar që të dëgjonte përsëri këto këngë popullore të para dhjetra vjetëve. Ai u shpreh se këngët e Zheng Xulanit prekën thellë shumë kinezë të moshuar:

"Atë kohë këngët e këndshme të Zheng Xulanit tërhoqën të gjithë dëgjuesit, veçanërisht këngë të saj 'Kënga e bariut' dhe 'Në ishullin e diellit'. Pas dëgjimit të këngës, shumë dëgjues shkuan posaçërisht në ishullin e diellit për vizitë."

Në vitin 1977, Zheng Xulani që po mësonte në shkollë të mesme u pranua në ansamblin oriental të këngëve dhe të valleve të Kinës. Ky është një grup që merret me shkëmbimet popullore artistike midis Kinës dhe vendeve të huaja. Për shumë vjet me radhë, Zheng Xulani ishte një nga këngëtaret më të famshme të ansamblit. Në vitin 1979, Zheng Xulani këndoi këngën "Në ishullin e diellit" që përshkruan panoramat e bukura në ishullin e diellit në Harbin të Kinës verilindore. Atë kohë kinezët nuk kishin rast të dëgjonin këngë të shumëllojshme, kënga e këndshme "Në ishullin e diellit" fitoi menjëherë përshëndetjen e dëgjuesve dhe u zgjodh një nga 15 këngët më të shquara të mbarë vendit. Për shkak të kësaj kënge, Zheng Xulani fitoi edhe çmimin "Disku i artë" në Kinë. Zheng Xulani u shpreh se ajo pati sukses për shkak të mbarësisë:

"Fitova me fat rastin për të kënduar këngën 'Në ishullin e diellit'. Kjo këngë u popullarizua menjëherë në mbarë vendin dhe unë fitova famë të madhe. Mendoj se jam një këngëtare me fat."

Tani ju lutem të dëgjoni këngën tjetër të famshme të Zheng Xulanit "Kënga e bariut".

Pasi u bë e famshme, Zheng Xulani regjistroi edhe shumë këngë të tjera dhe shkoi në vende të tjera për të mësuar muzikën popullore vendase duke dhënë shfaqje në vende të ndryshme.

Që nga viti 1989, Zheng Xulani jetoi në SHBA për 6 vjet. Gjatë kësaj periudhe, ajo kujdesej kryesisht për djalin dhe u shkëput gradualisht nga qarqet muzikore. Për fat të keq, në SHBA, Zheng Xulani u sëmur rëndë dhe i bënë dy herë operacione, edhe i fejuari i saj vdiq nga kanceri. Megjithëse pësoi goditje të rëndë, Zheng Xulani nuk humbi shpresën për jetë dhe u kthye në skenë. Zheng Xulani u shpreh se pas hasjes së shumë udhëkryqeve në jetë, ajo zbuloi se nuk mund të largohet nga muzika:

"Jeta ime është shumë e thjeshtë dhe bëj gjithçka për muzikë."

Këngën që po dëgjoni është "Fluturon pëllumb". Në këtë këngë Zheng Xulani këndon: "Pëllumbi fluturon më lart duke kaluar erën e shiun." Pas kthimit në skenë, këngët e Zheng Xulanit janë ende të këndshme.

Pavarësisht në Kinë apo në Evropë e SHBA, ku ka kinezë, ka admirues të këngëve të Zheng Xulanit. Megjithëse këngëtarë të rinj kanë lindur pandërprerë, shumë dëgjues të vjetër i kushtojnë ende vëmendje Zheng Xulanit. Edhe Zheng Xulani nuk ka ndaluar kërkime në fushën muzikore dhe ka krijuar shumë këngë të reja për të plotësuar kërkesën e admiruesve. (Fani)