degjoni

Ju flet Radio e Jashtme e Kinës, të dashur të dëgjues, mirë se erdhët në minirubrikën tonë "Tregime Olimpike", unë jam tregues i saj, Jiang Lei. Në programin e sotëm, do t'ju tregojmë për një epokë të re në historinë e lojërave olimpike, çka ka ndikuar shumë në zhvillimin e lojërave olimpike. Tani, do të ndiqni materialin me titull "Për herë të parë, transmetim global televiziv i lojërave olimpike verore".

Olimpiada e Romës e vitit 1960 ka një karakteristikë shumë të madhe, se në të u realizua për herë të parë transmetim global televiziv i lojërave olimpike verore. Dhe qysh nga kjo olimpiadë, teknologjia televizive është përdorur gjithnjë e gjerë në lojërat olimpike, duke luajtur një rol të rëndësishëm nxitjeje në përhapjen e lojërave olimpike në të gjithë planetin.

Para zhvillimit të Lojërave Olimpike të Romës, Komiteti Organizativ Olimpik i Romës po bënte bisedime me kompaninë amerikane të transmetimit CBS mbi të drejtën e transmetimit televiziv. Transmetimi televiziv i lojërave olimpike filloi në vitin 1936, kur u zhvilluan Lojërat Olimpike të Berlinit, por ky ishte vetëm transmetim i drejtpërdrejtë rajonal dhe mbuloi një sipërfaqje shumë të vogël.

Gjatë Lojërave Olimpike të Melburnit në vitin 1956, transmetimi televiziv i lojërave olimpike mbuloi një sipërfaqje pak më të madhe. Në atë kohë, kompania angleze BBC bëri disa dokumentarë televizivë mbi Lojërave Olimpike të Melburnit dhe e çoi në vendet e ndryshme të Evropës, megjithatë kjo mënyrë nuk mund të quhet transmetim televiziv global, se të gjitha raportazhet ishin mbi lajmet e 3 ose 4 ditëve më parë dhe nuk ishin në kohë në krahasim me ato të radiove dhe gazetave.

Kur u zhvilluan Lojërat Olimpike të Romës në vitin 1960, gjithçka ndryshoi, se lindi teknologjia e satelitëve komunikatorë, çka krijoi mundësinë për transmetim global televiziv. Ndërkohë, rrjete të ndryshme televizive u shndërruan në mediat kryesore. Në fillim të vitit 1960, kompania amerikane CBS e bleu të drejtën e transmetimit televiziv të Olimpiadës së 8-të Dimërore me 50 mijë dollarë. Por kur kompania CBS dërgoi një përfaqësues në Romë për bisedime mbi të drejtën e transmetimit, italianët treguan mjaftë shkathësi dhe i ofruan atij një çmim të lartë në shitjen e të drejtës së transmetimit. Kështu, kompania CBS nuk mund të marrë të drejtën e transmetimit të lojërave olimpike me një çmim aq të ulët si 50 mijë dollarë. Pas disa pazarllëqeve, të dyja palët ranë dakord për çmimin prej 394 mijë dollarë dhe kompania CBS bleu të gjitha të drejtat e transmetimit televiziv mbi Lojërat Olimpike të Romës.

Prandaj, të gjitha pamjet dhe tablotë e ndeshjeve e garave të shumta dhe ato të aktiviteteve të rëndësishme të Olimpiadës së Romës iu transmetuan gjithë botës nëpërmjet sinjallëve satelitorë, çka ishte hera e parë në historinë e lojërave olimpike.

Ndërhyrja e teknologjisë televizive në lojërat olimpike e nxiti shumë përhapjen e tyre dhe ka zgjeruar shumë ndikimet e tyre në të gjithë botën. Mund të themi që ky është një ngjarje epokale në historinë e zhvillimit të lojërave olimpike.

Ju flet Radio e Jashtme e Kinës, të dashur dëgjues,

(Jiang Lei)