degjoni

Në krahasim me disa vende evropiane e amerikane, sporti i lundrimit me vela nisi relativisht vonë në Kinë. Ndërsa tani, në qytetin Qingdao të Kinës lindore, ku do të zhvillohen garat e lundrimit me vela të Lojërave Olimpike 2008, gjithnjë e më shumë banorë kanë marrë pjesë në këtë sport me rrezik? por njëkohësisht shumë stimulues dhe shumë tërheqës. Do të ndiqni tani një reportazh lidhur me këtë nga korrespondenti i Radios sonë Zhang Xiaoxiao.

Në mes të shkurtit 2008, në Bazën olimpike të lundrimit me vela të Qingdaos, mijëra banorë të këtij qyteti u mblodhën me iniciativë për të pritur 10 varka me vela, që morën pjesë në Garën Kliper të lundrimit me vela nëpër botë 2007-2008 dhe, veçanërisht varkën e madhe me vela me titull "Qingdao" që do të kthehej së shpejti në portin mëme.

Gara Kliper e lundrimit me vela nëpër botë u nis nga anglezi Sër Robin Knoks-Xhonston dhe gjatësia e lundrimit arrin në 35000 milje detare. Që nga fillimi i saj në vitin 1996, kjo garë është bërë një nga veprimtaritë më të famshme në botë . Njëkohësiht, ajo është e vetmja veprimtari e tillë që pranon njerëz të thjeshtë. Në vitin 2006, porti Qingdao u përfshi për herë të parë në këtë garë si pikë e ndalesës, ndërsa këtë vit, 3 kinezë marrin pjesë në këtë garë si anëtarë të ekuipazhit, që janë Gao Qun dhe Du Fei nga Qingdao dhe Yan Ximin nga Pekini. Duke folur për ndjenjat e pjesëmarrjes së parë në këtë garë, Yan Xinmin i tha korrespondentit:

"Besoj se lundrimi Kliper është një eksperiencë shumë e çmuar për çdo pjesëmarrës. Për mua, gjatë këtij udhëtimi m`u desh të bashkëpunoj me njerëz me prejardhje të ndryshme kulturore, kështu shijova jo vetëm ndryshimet në konceptet e lundrimit, por më e rëndësishmja është që mësova si të bashkëpunoj me persona me kulturë, gjuhë dhe zakone të ndryshme të jetesës dhe veçanërisht t'i trajtoj këto ndryshime në një mjedis ekstrem."

Për ekuipazhin, Gara Kliper ka sjellë përplasjen midis kulturave të ndryshme dhe i shton trimëri për vetësfidim. Ndërkohë, për qytetin Qingdao që titullohet si "kryeqytet kinez i lundrimit me vela", çfarë kupton kjo garë? Nënkryetarja e këtij qyteti Zang Aimin tha:

"Për qytetin Qingdao, Gara Kliper na shton ngjyrë në pritjen e Lojërave Olimpike dhe njëkohësisht, kontrollon aftësinë tonë e organizimit dhe të funksionimit. Si 'kryeqytet i lundrimit me vela', këtu duhet pjesëmarrja e veprimtarive të nivelit më të lartë."

Në fakt, sporti i lundrimit me vela nuk është aq lirik ashtu si mendojnë njerëzit e thjeshtë, sepse për të pjesëmarrësit duhet të paguajnë me përpjekje shumë të vështira. Mirëpo, për shumë dashamirës, forca tërheqëse e këtij sporti ndodhet pikërisht në vështirësi të ndryshme, që jo vetëm fuqizojnë trupin e pjesëmarrësve, por kalitin edhe vullnetin e tyre në përballimin kundër motit të keq dhe gjendjes së papritur gjatë lundrimit.

Gjatë kësaj gare, pjesëtarja e ekuipazhit Du Fei kaloj një gjendje shumë të rrezikshme për jetën, , por vullneti i fortë e përkrahu deri në fund. Pavarësisht nga vështirësitë e rreziqet e ndryshme, 3 pjesëtarët e ekuipazhit kuptojnë më thellë sportin e lundrimit me vela. Yan Xinmin i tha korrespondentit duke iu referuar një fjale të Sër Robinit se nëse ka mundësi, çdo person duhet të provojë një lundrim detar, që mund të ndryshojë jetën tuaj.

Sër Robin inkurajon persona të marrin pjesë në lundrim për të paktën një herë, ndërsa ai vetë filloi veprimtarinë e lundrimit detar që nga mosha 17 vjeçare. Pas lundrimit të parë, ndjenjat e lirisë i la përshtypje aq të thellë, që ai nuk mund të ndahet më nga ky sport. Kur u pyet që gjatë veprimtarisë së tij mbi 50 vjeçare në lundrim me vela, cili ishte lundrimi më i paharrueshëm për të, ky Sër i moshuar tha duke qeshur: "Më i paharrueshmi do të jetë gjithmonë hera tjetër."

Në vitin 2007, Sër Robin 68 vjeçar sfidoi edhe një herë veten. Ai mori pjesë në Garën sfiduese të lundrimit solitar nëpër 5 oqeane, duke kryer lundrimin e tij të dytë solitar dhe pandërprerje nëpër botë. Sër Robin sqaroi forcën tërheqëse të këtij sporti duke marrë si shembull këtë udhëtim.

"Lundrimi im i dytë nëpër botë ishte shumë interesant, sepse përdora një varkë të re dhe shumë të shpejtë. Nganjëherë hasa erë të madhe dhe varka gati fluturoi! Shumë i eksituar!"

Duke folur për këtë, Sër Robin rreth 70 vjeç shprehu në fyryrë lumturinë e fëmije. Megjithse ky sport sapo filloj në Kinë dhe pjesëtarë kinezë të ekuipazhit duhet të kalojnë një proces shumë të gjatë, me zhvillimin e Lojërave Olimpike 2008 gjithnjë e më shumë kinezë do të futen në këtë sport që përballon detin dhe sfidon veten. (Wang Lei)