dëgjoni

Në një konferencë shtypi të zhvilluar më 27 shkurt në Pekin, zv/drejtori i Drejtorisë së Mbrojtjes së Mjedisit të Pekinit z. Du Shaozhong premtoi se Kina do të mbajë premtimin për përmirësimin e cilësisë së ajrit të Pekinit dhe gjatë Lojërave Olimpike nuk do të mbetet si problem i pezullt arritja e cilësisë së ajrit sipas standardit të duhur. Ai bëri të ditur se Pekini do të marrë një sërë masash, si mbylljen dhe ndalimin e ndërmarrjeve me ndotje të mëdha dhe kufizimin e qarkullimit të automjeteve, që të garantojë cilësinë e ajrit gjatë Lojërave Olimpike. Do të ndiqini tani një reportazh lidhur me këtë.

Gjatë disa vjetëve të fundit, Pekini ka bërë përpjekje në përmirësimin e cilësisë së ajrit dhe ka pasur efektivitet të dukshëm. Që nga viti 1998, Pekini ka marrë mbi 200 masa kontrolluese kundrej ndotjeve nga automjetet, nga industria e rëndë dhe nga pluhurat e katiereve. Sipas të dhënave vëzhguese, në vitin 2007 përqindja e ndotësve kryesor në mjedisin ajror të Pekinit u ul shumë në krahasim me atë të 9 vjetëve më parë dhe numri i ditëve me cilësi të mirë ajrore u shtua nga 100 në 246.

Në konferencën e shtypit të zhvilluar më 27 shkurt në Qendrën e Informacionit Olimpik, zv/drejtori i Drejtorisë së Mbrojtjes së Mjedisit të Pekinit z. Du Shaozhong u shpreh se sivjet Pekini do të marrë masa më të rrepta në sistemimin e ndotjeve ajrore dhe do të pakësojë në maksimum shkarkimet, që të garantojë cilësinë e mirë ajrore gjatë Lojërave Olimpike.

"Ne do të zbatojmë standardin më të rreptë të shkarkimit, duke forcuar eliminimin e sistemimin e automjeteve me shkarkim të madh; do të mbyllim një kontingjent ndërmarrjesh e instalimesh me ndotje të rënda; do të kontrollojmë më rreptësisht edhe ndotjen nga pluhrat në kantiere."

Z. Du Shaozhong bëri të ditur se gjatë Lojërave Olimpike, Pekini do të marrë masa përkatëse për kufizimin e qarkullimit të automjeteve. Në vitin 2007, Pekini bëri një eksperiment në këtë drejtim dhe arriti në një rezultat optimist. Ky eksperiment jep bazën e besueshme dhe metodën efektive për hartimin e masave të kontrollit gjatë Lojërave Olimpike dhe për kontrollin në të ardhmen të ndotjeve nga automjetet.

Krahas këtyre, para dhe gjatë Lojërave Olimpike, Pekini do të ndërmarrë veprime të përbashkëta me krahinat përreth në sistemimin e ndotjeve nga pluhurat, automjetet, industria dhe djegia e qymyrgurit. Në krahinat përkatëse është bërë rregullimi i strukturës së industrive, duke elimunuar një kontingjent ndërmarrjesh me konsumin e lartë të energjisë, me ndotje të rënda dhe me teknika të prapambetura dhe do të zbatohen disa masa të përkohshme të shkarkimit gjatë Lojërave Olimpike. Sipas llogaritjes fillestare, këto masa të Pekinit dhe të krahinave përreth do të pakësojnë mbi 50 mijë tonë ndotësit kryesorë të shkarkuar.

Zv/drejtori i Drejtorisë së Mbrojtjes së Mjedisit të Pekinit z. Du Shaozhong u shpreh se pikërisht me këto masa, Pekini ka besim të plotë që gjatë Lojërave Olimpike cilësia e ajrit do të arrijë në standartin e vendit dhe do të plotësojnë kërkesat e Organizatës Botërore të Shëndetësisë.

"Me kontrollin e shumë vjetëve me radhë, në gusht, kur do të zhvillohen pjesa dërrmuese të garave olimpike, cilësia e ajrit të Pekini është përmirësuar pandërprerë. Në bazë të analizave të specialistëve, në kushte të zakonshme meteorologjike, kemi besim të plotë për arritjen e standardit të cilësisë së ajrit gjatë Lojërave Olimpike. Në këtë drejtim nuk mbetet ndonjë problem i pezullt."

Z. Du Shaozhong sqaroi se nga kushtet meteorologjike, në verë hasen shumë rryma të ndryshme ajri në Pekin dhe do të ketë reshje relativisht të pasura, gjë që do të jetë shumë në dobi të zhdukjes e të lëvizjes së ndotësve në ajër. Ky funksionar u shpreh gjithashtu se edhe pas Lojërave Olimpike Pekini do të vazhdojë masat për sistemimin e ndotjes ajrore, që të përmirësojë më tej mjedisin e ajrit. (Wang Lei)