Zoti Park Shin Ho ka punuar dhe jetuar 7-8 vjet në krahinat verilindore të Kinës. Nga viti 1999 deri në vitin 2000, ai punoi në Shenyang si punonjës i Korporatës së Energjisë "S K". Në vitin 2005 Korporata "S K networks" krijoi një degë të investimeve në Kinë. Tani, zoti Park Shin Ho punon në Shenyang, i ngarkuar me postin e drejtorit të përgjithshëm të Korporatës me përgjegjësi të kufizuar të investimeve në Kinë pranë Grupit "S K".

Grupi "S K" është një ndërmarrje e madhe ndërkombëshe që integron fushën e energjisë, të telekomunikacionit dhe të logjistikës. Në vitin 2007 ai radhitej në vendin e 98-të ndër 500 shoqëritë më të fuqishme në botë. Tani zoti Park Shin Ho punon në Korporatën "S K networks", duke u përgjigjur për biznesin e investimeve të kësaj korporate brenda territorit të Kinës. Duke folur për ndjenjat rreth punës së tij në Kinë, ai tha:

"Përshtypja ime më e thellë është që ritmi i zhvillimit të Kinës është shumë i shpejtë. Para 8 vjetëve, ndotja e mjedisit të Shenyang-it, Changchun-it dhe të qyteteve të tjera ishte shumë e rëndë. Tani administratat vendore dhe qeveria qendrore i kushtojnë rëndësi shumë të madhe punës së mbrojtjes së mjedisit. Tani mjedisi i këtyre qyteteve është përmirësuar shumë."

Zoti Park Shin Ho tha se, megjithëse Grupi "S K" ka pasur më herët lidhje tregtare me Kinën dhe ka ruajtur një rol të madh gjatë procesit të vendosjes së marrëdhënieve diplomatike midis Kinës dhe Koresë së Jugut, zhvillimi i vërtetë i investimeve në Kinë filloi nga krijimi i Korporatës me përgjegjësi të kufizuar të investimeve në Kinë pranë Korporatës "S K networks". Ai u shpreh gjithashtu:

"Në vitin 2005, ekonomia kineze vazhdoi zhvillimin e shpejtë. Në atë kohë, 500 ndërmarrjet më të fuqishme në botë hynë në Pekin, Shangai, Guanzhou dhe disa zona relativisht të zhvilluara në ekonomi, duke zënë hapësirën e zhvillimit të atjeshëm. Korporata jonë vendosi të hyjë në krahinat verilindore të Kinës për zhvillim, sepse qeveria kineze parashtroi politikën për rigjallërimin e bazës së vjetër industriale të Kinës Verilindore."

Me prestigjin e mirë të "Grupit S K", Korporata me përgjegjësi të kufizuar e investimeve në Kinë nënshkroi kontratat e dy objekteve të mëdha publike të qytetit Shenyang. Objekti i parë ishte përmirësimi i ndotjes së ajrit, e shkaktuar nga shkarkimi i gazit të automjeteve. Një objekt tjetër ishte transformimi e zgjerimi me investime të përbashkëta i stacionit të autobusit.

Përveç investimeve në Shenyang, Korporata me përgjegjësi të kufizuar e investimeve në Kinë pranë Korporatës "S K Networks" ka bërë investime edhe në Dandong, qyteti kufitar i Kinës, që kufizohet me Korenë e Veriut.

"Dandong-i është një pikë në strategjinë e zhvillimit në Liaoning. Dandong-i ka epërsi të mirë gjeografike dhe një hapësirë të gjerë zhvillimi. Para 2 vjetëve, korporata jonë nënshkroi 4 kontrata me administratën e qytetit Dandong."

Me përmirësimin e marrëdhënieve midis Koresë së Jugut dhe Koresë së Veriut, Dandong-i si i vetmi qytet i madh kufitar në Kinë që kufizohet me Korenë e Veriut, ka vitalitet shumë të madh zhvillimi në të ardhmen. Zoti Park Shin Ho tha se ai ka mbushur moshën e daljes në pension, por, për arsye se ka aftësi relativisht të fortë administrimi, ai dëshiron të vazhdojë biznesin e investimeve të Grupit "S K" brenda territorit kinez, për të hedhur një bazë të mirë për biznesin e investimeve të Grupit "S K" në Kinë.

"Unë punoj vetëm një ditë në Grupin 'S K', duhet të bëj si duhet punën e investimeve në Kinë për të hedhur bazën e mirë për investimet e Grupit 'S K'. Kjo është dëshira ime më e madhe."

Korporata me përgjegjësi të kufizuar e investimeve të ndërtimit të komunikacionit të Shenyang-it është një objekt bashkëpunimi i Korporatës me përgjegjësi të kufizuar të investimeve në Kinë pranë Korporatës "S K networks". Zoti Kong Puo i kësaj korporate tha se gjatë 2 vjetëve të fundit, bashkëpunimi midis dy korporatave ishte shumë i kënaqshëm.

"Zoti Park Shin Ho është një njeri modest dhe i butë. Deri tani, bashkëpunimi midis nesh është shumë i mirë."

Zoti Park Shin Ho tha se për zhvillimin e ardhshëm të korporatës, përgatitja e talenteve të dalluara është një nga detyrat e rëndësishme të tij. Ai shpreson se pas 15 vjetëve, një punonjës kinez do të zërë postin e tij.

"Para 27 vjetëve, kur hyra në Grupin "S K", mendoja kështu: 'Unë dëshiroj të kem zhvillim, korporata duhet të ketë zhvillim, korporata është zhvilluar, unë mund të kem zhvillim të mëtejshëm'. Tani punonjësit kinezë duhet të mendojnë kështu: 'Unë duhet të zhvillohem së bashku me korporatën'. Për sa u përket punonjësve apo korporatës, vetëm kështu të gjithë mund të zhvillohen më tej."

Zhvillimi i qëndrueshëm dhe i shpejtë mund të ketë shans shumë të madh tregtar, në mënyrë që Kina të bëhet tokë e lulëzuar për investimet e vendeve të ndryshme. Si të kapet çdo rast për zgjerimin e biznesit të Grupit "S K" në Kinë, ky është problemi që mendon çdo ditë zoti Park Shin Ho.

Ai tha gjithashtu se gjatë 2 vjetëve të fundit, me përkrahjen e qeverisë kineze, biznesi i investimeve i Grupit "S K" në Kinë është zhvilluar në mënyrë të qëndrueshme. Ai shprehu besimin e plotë për të ardhmen e marrëdhënieve midis Kinës dhe Koresë së Jugut.

Një intervistë me zotin Park Shin Ho, një koreanojugor që punon në qytetin Shenyang të Kinës Verilindore (Sihai)