dëgjoni

Gjatë më se 20 vjetëve pas krijimit të figurave të minjve Shuk dhe Beta, shoqëria kineze ka marrë një zhvillim të madh, edhe koncepti i njerëzve pati ndryshim të madh. Ashtu edhe figurat vizatimore të minjeve janë me karakter dhe pamje të shumëllojëshme. Kjo është dukur më shumë në faqet e internetit.

" Unë të dua ty, ashtu si miu e do pilafin" kjo është pjesë vizatimor (flash) e përhapur shumë në internet. Ky flash e futi figurën e miut në jetën e përditshme të njeriut. E si mund të krahasohet dashuria e shenjtë me miun dhe pilafin? Shumë të moshuar nuk kuptuan, kurse të rinjtë e këndojnë me gjithë qejf këtë këngë.

Sivjet është viti i miut, jo vetëm në internet kanë dalë një numër i madh veprash vizatimore ose flash, edhe në treg gjenden shumë mallra në figurën e miut si monedha përkujtimore, lodra për fëmijë, vazo dhe lojëra të vogla, sikur minjtë janë bërë miq të njeriut. Lidhur me këtë, regjisori i përgjithshëm i filmit propagandistik të maskotëve të Lojërave Olimpike të Pekinit, drejtori i institutit të filmave vizatimorë të Universitetit të Mediave të Kinës, profesori Lu Shengzhang tha : ...

" Në fakt, figurat e minjve janë shumë interesante, ato janë me karakter të theksuar, të zgjuar dhe të shkathët. Cdo gjë ka dy anë të saj. Tani gjatë krijimeve, njerëzit duan t'i krijojnë figurat në bazë të dëshirës dhe idealit të tyre, minjtë janë bërë role kryesore të filmave vizatimorë, kjo është një gjë e mirë, është e dobishme për rritjen e fëmijëve, që ata të njohin fenomenet në mënyrë të gjithanshme."

Profesori Lu është i mendimit se, gjatë vitit të miut, do të dalin më shumë filma vizatimorë dhe vepra artistike që kanë lidhje me figurën e miut. Edhe instituti i tij ka vënë figurën e miut si temën e re të krijimeve duke inkurajuar studentët të krijojnë figurat e reja të miut vizatimor me përfytyrimet e tyre të pasura në bazë të kulturës tradicionale kineze. ( Zhai)