dëgjoni

Li Baochuni lindi në një familje aktorësh të operës së Pekinit, babai i tij është mjeshtri i operës së Pekinit i Kinës Li Shaochun. Li Baochuni filloi të mësojë operën e Pekinit qysh në moshë të re duke fituar mjeshtër të lartë të interpretimit. Njëkohësisht Li Baochuni ka bërë përpjekje të mëdha për të krijuar risi në interpretimin e operës së Pekinit duke i sjellë këtij arti të lashtë kinez gjallëri të re.

Tani po dëgjoni operën e Pekinit "Hakmarrja" të interpretuar nga Li Baochuni. "Hakmarrja" është një pjesë e lashtë e operës së Pekinit dhe lindi në dinastinë Yuan në shekullin e 13-të. Personazhi kryesor i kësaj vepre Liu Shichang është një biznesmen. Një ditë, ai u grabit dhe u vra nga një grabitës. Nëpërmjet përpjekjeve të palodhshme, fantazma e Liu Shichangut e ndëshkoi më në fund vrasësin.

Në këtë vepër, Li Baochuni interpreton biznesmenin Liu Shichang dhe fantazmën e tij. Ai e përshtati këtë pjesë dhe shtoi valle në të për të forcuar më tej magjinë e saj. Duke folur për përshtatjen e veprës, Li Baochuni tha:

"Nuk kemi hequr tiparet më të spikatura të veprës, përkundrazi e kemi pasuruar me mënyra të veprave të arteve të tjera. Në operën e Pekinit, personazhi i fantazmës është zakonisht shëmtak, por në 'Hakmarrjen' ne krijuam një fantazmë të pashme. Kjo është një provë dhe shumë shikues e kanë mirëpritur këtë provë."

Në vitin 1969, Li Baochuni u diplomua në Shkollën e Operës të Pekinit. Krahas mësimit nga babai, Li Baochuni mori edhe mësime nga aktorët e famshëm të operës së Pekinit Ma Lianliang, Wang Shaolou, Yang Jufen etj. Zëri i Li Baochunit është i këndshëm, ai është i aftë të interpretojë personazhe të ndryshme në skenë.

Në vitet '80 të shekullit të kaluar, Li Baochuni shkoi jashtë vendit për të mësuar arte të tjera dhe për të përhapur operën e Pekinit. Për shkak të kontributit të madh në fushën e shkëmbimeve kulturore, Li Baochuni fitoi titullin e doktorit të nderit të Institutit Verior të Operës të Italisë, titullin e artistit të shquar aziatik të Qendrës Artistike "Linkoln" të Nju-Jorkut etj. Li Baochuni i kushton rëndësi mësimit të tipareve të arteve të ndryshme duke i përdorur këto tipare në shfaqjen e operës së Pekinit. Li Baochuni u shpreh:

"Kam qëndruar në SHBA për shumë vjet dhe mësova shumë gjëra atje. Nëpërmjet krahasimit të arteve të ndryshme, zbulova se në operën e Pekinit mund të përdorim shumë elemente të arteve të tjera për të nxitur zhvillimin e operës së Pekinit."

Në vitet '90 të shekullit të kaluar, Li Baochuni dhe disa aktorë të operës së Pekinit në Tajvan krijuan së bashku "Trupën e Re të Tajpeit". Kjo trupë përshtat posaçërisht pjesë të lashta të operës së Pekinit dhe i jep këto pjesë në mënyra moderne. Li Baochuni u shpreh:

"Ne kemi përdorur shumë mënyra të dramës moderne në shfaqjen e operës së Pekinit. Shpresojmë se kjo provë do të fitojë miratimin e shoqërisë."

Shfaqjet e Trupës së Re të Tajpeit tërheqin shpesh vëmendjen e qarqeve kulturore. Para 3 vjetëve, Li Baochuni drejtoi dhe interpretoi operën e Pekinit "Shkrimtari në malin Bashan" duke fituar përshëndetjen e dashamirësve të vjetër dhe të rinj të operës së Pekinit.

Vitet e fundit, Li Baochuni jep gjithmonë mësime të operës së Pekinit në shumë shkolla të larta në Tajvan për të përhapur këtë art të lashtë kinez. Shumë yje artistike tajvaneze shkojnë posaçërisht tek Li Baochun për të mësuar operën e Pekinit dhe japin shfaqje së bashku me të. (Fani)