dëgjoni

Ju flet Radio e Jashtme e Kinës. Të dashur dëgjues, në rubrikën e sotme "Shkenca, arsimi dhe shëndetësia" do të japim reportazhin "Lidhjet e miut me mjekësinë".

Kohët e fundit, në Kinë përmendet më shpesh miu, sepse viti 2008 është viti i miut sipas kalendarit tradicioinal kinez, që quhet kalendari hënor. Miu u ka lënë njerëzve përshtypje të keqe për shkak se ai mund të përhapë sëmundjet. Por me zhvillimin e shkencës së mjekësisë, edhe minjtë në laborator kanë dhënë kontribut të madh për shëndetësinë e njerëzimit.

Në një laborator të Shangait, doktori Ding Yuqiang po bënte një eksperimentim. Ai vuri disa minj të vegjël në një tavolinë 1 metër të lartë. Vetëm në gjysmën e tavolinës kishte parmak, kurse në gjysmën tjetër jo. Disa prej minjve u strukën pranë parmakut, ndërsa të tjerët filluan të luanin kudo në tavolinë. Doktori Ding tha se minjtë e strukur pranë parmakut ndienin shqetësim sepse iu bë trajtimi mjekësor.

"Në fushën mjekësore, përdorim kryesisht disa lloje minjsh të vegjël për të studiuar sëmundjet psikike, siç janë zymtësia shpirtërore, shqetësimet dhe sëmundja komplekse e stimulimit pas plagosjes."

Eksperimentime të tilla bëhen çdo ditë në laboratorët e Kinës dhe të vendeve të tjera. Që nga fillimi i shekullit të 20-të, miu shërben si mjet për studimin e sëmundjeve të njeriut dhe për kontrollin e efektit të ilaçeve, duke dhënë kontribut të madh në përpjekjet e njerëzimit për të mposhtur sëmundjet.

Në qarqet e kërkimeve mjekësore të Kinës, gëzon famë Qendra Kombëtare Kineze të kafshëve brerëse eksperimentale, që gjendet në Pekin. Që nga viti 1998, kur u formua kjo qendër, shkencëtarët e panumërt morën prej këtej minj të llojeve të ndryshme që përdoren për kërkime shkencore. Për këtë, foli Vang Jinheng, zv-drejtori i kësaj qendre.

"Detyra kryesore e qendrës sonë është që të importojë, të grumbullojë e të ruajë kafshët eksperimentale të llojeve të ndryshme dhe të furnizojë konsumatorët brenda e jashtë vendit me këto kafshë. Sipas të dhënave të përafërta statistikore, që nga formimi i saj, qendra jonë u ka ofruar 50 sektorëve të mbi 20 provincave 30 mijë minj eksperimentalë."

Vang Jinheng tha se shkencëtarët e marrin miun për të bërë eksperimentime sepse kjo kafshë ka mjaft të mira. Së pari, shumë prej gjeneve të miut janë të përafërta me ato të njeriut dhe, së dyti, ndër kafshët gjitare miu ka fuqi më të madhe shumëzimi, gjë që është e përshtatshme për eksperimentime të përmasave të mëdha. Përveç këtyre, miu ka trup të vogël, prandaj është punë e lehtë për t'i rritur. Një nga të mirat e minjve është se efekti i ilaçeve shfaqet më shpejt në trupin e tyre.

Korrespondenti ynë vizitoi këtë qendër kombëtare të rritjes së kafshëve brerëse eksperimentale dhe vuri re se kushtet e saj janë më të mira se ato të hoteleve me yje. Ndërsa jashtë bënte të ftohtë, këtu ishte si në pranverë, temperatura e lagështia janë konstante dhe ajri është i filtëruar në mënyrë të përsëritur. Pastërtia e ajrit të këtushëm është realizuar sipas standartit të laboratorit të pastërtisë biologjike të Drejtorisë amerikane të kozmonautikës. Këtu, numri i grimcave të pluhurit në ajër është nën 270 mijë në çdo metër kub, ashtu si në sallën e operimit të pavionit kirurgjik.

Minjtë e këtushëm ushqehen me tagji koplekse të ofruara nga një ndërmarrje profesionale dhe fortësia e tyre është e përpiktë për minjtë që t'i fërkojnë dhëmbët. Para të sillen këtu, tagjitë e këtyre minjve sterilizohen me rrezatim, kurse pasi sillen këtu, hiqen lëndët e paketimit dhe sterilizohen më tej nën rrezet ultra-vjollcë, pastaj çohen për të ushqyer minjtë. Edhe uji i pishëm për minjtë është shumë i pastër dhe i sterilizuar, madje sterilizohen edhe shishet e ujit.

Sterilizohen nën rreze ultra-vjollcë edhe të gjithë njerëzit që shkojnë te këta minj, të cilët rritësit e tyre i quajnë "minjtë vëllezër". Çdo ditë, para se t'u afrohen minjve, rritësit duhet medoemos të lahen, të ndërrojnë rrobat dhe të pastrojnë dhëmbët me pastë mjekësore. Zhang Yebin, bashkëpunëtor shkencor i kësaj qendre, bëri shaka duke thënë se puna e parë e rritësve të porsaardhur është të mësojë se si të lahen.

"Rritësit tanë të minjve lajnë dy herë në ditë me sapun trupin dhe flokët e tyre, kurse duart dhe këmbët i lajnë disa herë me sapun. Me një fjalë, ata lahen përfundimisht."

Jetëgjatësia mesatare e minjve është më pak se dy vjet, kurse minjtë e bardhë, që flijohen për kërkimet shkencore të njerëzimit, rrojnë më shkurtër. Për të mbrojtur kafshët në mënyrë humanitare, Qendra e rritjes së kafshëve u bën atyre "përfundimin në qetësi dhe me kremacion".

Në shumë laboratorë të Kinës janë ngritur monumente të kujtimit të minjve të eksperimenteve, madje në një shesh të provincës Guangdong është ngritu një skulpturë prej metali me figurë miu, i emërtuar "Vogëlushi i artë", ku janë gdhendur fjalët "Përshëndetje kafshëve të eksperimentimeve që u flijuan për hir të njerëzimit". (Zheng)