dëgjoni

Në programet e mëparshme, ju treguam për magjinë e krijuar nga "vetëtima e zezë", Jesse Owens, për holandezen fluturuese, Fanny Koen që fitoi katër medalje të arta me shtatzënë, si dhe hitorinë më të lumtur të shënuar nga çifti çekosllovak, Zatopek.

Këtë herë, do të vazhdojmë "tregime olimpike" me një material lidhur me olimpiadën e zhvilluar në dy kontinente.

Nga 22 nëntori deri më 8 dhjetor të vitit 1956, Olimpiada e 16-të Verore u zhvillua në Melburnin e Australisë. Melburni është qyteti i dytë më i madh në Australi dhe është porti i rëndësishëm i tregtisë ndërkombëtare. Sipas ligjeve përkatëse të Australisë, të gjitha kafshët që futen në territorin australian duhet të pranojnë një karantinë prej 6 muajsh. Për të shmangur halle të mundshme, Komiteti Olimpik Ndërkombëtar e vendosi Stokholmin e Suedisë si vend organizator i hipizmit të kësaj olimpiade. Kështu, Olimpiada e Melburnit u bë e vetmja në historinë olimpike që zhvillohet në dy kontinente. Sipas programit të atëkohshmëm, kjo olimpiadë duhej të zhvillohej në muajin shkurtë të vitit 1956, por në fund u ndryshua në nëntor dhe dhjetor. Kjo kohë e zhvillimit është më e afër me fund të vitit ndër të gjitha lojërat olimpike.

Ceremonia e hapjes e kësaj olimpiade u zhvillua në stadiumin e famshëm të kriketit në Melburn. Për herë të parë, zjarr i shenjtë olimpik i marrë nga Olimpia e Greqisë u dërgua në Melburn pas një udhëtimi prej mbi 20 mijë kilometrash me aeroplan. Ai që ndezi zjarrin e shenjtë olimpik ishte atleti i njohur australian Ron Clarke. Në këtë olimpiadë, u përcaktuan 17 sportet kryesore, si noti, shtanga, çiklizmi, qitja, basketbolli, futbolli, hokej mbi bar, gjymnastika, skerma, etj. Në disiplina, noti në stilin flutur u nda nga noti në stilin e bretkocës.

Në garat atletike, u tërhoqën 883 sportistët nga 61 vende e rajone, të cilët vendosën gjithsej 28 rekorde olimpike dhe 5 nga ato ishin botërore. Ylli amerikan në atletikë Bob Marrow që është quajtur edhe "Owens i bardhë" ndriçonte shumë dhe fitoi 3 medaljet e arta brenda 10 ditësh me rezultate të shkëlqyera. Në finalen e vrapimit 100 metra, ai fitoi medaljen e parë të artë me vetëm 10 sekonda 5 të dhjetat për shkak të erës së kundërt, por në garën eliminatore ai e barazoi rekordin olimpik me 10 sekonda e 3 të dhjetat. Tre ditë më pas, ai fitoi prapë titulllin kampion në vrapimin 200 metra, duke barazuar rekordin olimpik. Më pas, bashkë me shokët e tij të ekipit, ai fitoi medaljen e tretë të artë në stafetën 4X100 metra me rezultatin 39 sekonda e 5 të dhjetat, duke shënuar njëkohësisht rekordin e ri botëror.

Ylli tjetër në këtë olimpiadë është notarja australiane Dawn Fraser, që fitoi dy medalje të arta. Në Olimpiadën e Melburnit, Fraser fitoi titulllin kampion në notin e stilit të lirë 100 metra dhe në Olimpiadën e vitit 1960 dhe në atë të vitit 1964, ajo fitoi edhe dy herë medaljet e arta në këtë disiplinë, duke u bërë notarja e vetme që fitoi titullin kampion me tre herë radhazi në historinë e lojërave olimpike.

Ju flet Radio e Jashtme e Kinës, të dashur dëgjues, ky është fundi i kësaj minirubrike "Tregime Olimpike". Në programin e sotëm, ju treguam për një olimpiadë të veçantë që u zhvillua në dy kontinente. Ju falënderojmë për shoqërinë, mirupafshim. (Jiang Lei)