dëgjoni

Si një nga qytetet bashkërenduese të Lojërave Olimpike 2008, Shenyangu do të organizojë një pjesë të ndeshjeve futbollistike olimpike, të cilat do të zhvillohen në Qendrën Olimpike të Shengyangut. Në programin e sotëm, do të shkojmë së bashku në këtë qendër sportive moderne.

Qendra Olimpike e Shenyangut filloi punën e ndërtimit që nga marsi i vitit 2006 dhe përurua në korrik të vitit 2007. kjo qendër ndodhet në distriktin e ri Hunnan, pozitën e artë gjeografike të qytetit. Në jug të qendrës ndodhen dy ura mbi lum. Po të rrish mbi urë, mund të shikosh nga largësia pamjen madhështore të qendrës.

Menaxheri i përgjithshëm i Qendrës Olimpike të Shenyangut, z. Lu bo i tha korrespondentit të radios sonë se kjo qendër u ndërtua sipas projektit të një kompanie japoneze dhe vizatimit të Institutit të Arkitekturës të Shangait. Pamja e saj e jashtme i ngjan Teatrit të Operas në Sidnei. Duke folur për ndërtimin e kësaj qendre, z. Lu Bo u shpreh:

"Gjatë ndërtimit të kësaj qendre, u gjet përkrahja dhe prokupimi i shumë tifozëve. Komiteti Organizativ i Lojërave Olimpike të Pekinit na ofroi shumë informacione të vlefshme. Përkrahjet dhe ndihmat nga palët e ndryshme na ndihmuan të përfundonim ndërtesat e qendrës brenda 15muajve."

Qendra Olimpike e Shenyangut përbëhet nga stadiumi kryesor dhe 3 pallate sportive. Nga pamja e jashtme, stadiumi kryesor që mund të mbajë 60 mijë shikues, duket si një kurorë mbretërore e kristaltë në dorë të mbretëreshës Viktoria, ndërsa dy pallatet sportive në drejtimin lindor dhe atë perëndimor duken si krahët e mbretëreshës. Kështu, banorët e Shenyangut e quajnë qendrën me një tjetër emër të bukur, Stadiumi "Kurora mbretërore". Menaxheri Lu Bo u shpreh:

"Nënkuptimi i arkitekturës është 'kurora mbretërore', edhe harqet kryesorë dhe dytësor të stadiumit janë projektuar sipas kësaj ideje. Të dy anët e stadiumit mbulohen me tavan xhami, që shkëlqen shumë nën rrezet e diellit."

Olimpiada teknike, humanitare dhe e gjelbër janë 3 konceptet e Lojërave Olimpikë të Pekinit. Gjatë projektimit dhe ndërtimit të Qendrës Olimpike të Shenyangut, mishërohen gjithashtu faktorët kryesorë për shërbimet kundrejt njerëzve, mbrotjen e mjedisit dhe teknologjia e lartë.

Në projektimin e stadiumit, projektuesit e kësaj qendre janë përpjekur t'u krijojnë në maksimum lehtësi shikuesve. Sipas zakonit, platforma e shikuesve e një stadiumi ndahet në 3 shkallë, por shikimi i ndeshjeve nga shkalla më e lartë nuk është i rehatshëm. Prandaj në projektimin e platformës së shikuesve u thye moda tradicionale dhe u përdor struktura me dy shkallë. Kështu shikuesit në shkallën e dytë mund të kenë këndvështrim më të mirë. Ndërkohë, në shkallën e parë, vendet e shikuesve afrohen me pistën, duke u zvogëluar distanca midis shikuesve me sportistët.

Edhe në anën teknologjike, në Qendrën Olimpike të Shenyangut u realizuan përparime. Gjerësia e harkut kryesor të stadiumit arrin në 360 m, që është më e madhja në Kinë dhe radhitet në vendet e para në botë. Në tërë stadiumin ka 30 dalje si dhe 24 shkallë të jashtme. Sipas eksperimentimit, për daljen e të gjithë 60 mijë shikuesve nga stadium duhen vetëm 7 minuta e 55 sekonda, ky rezultat nuk është më i keq në krahasim me stadiumin më të mirë në botë.

Duke folur për shfrytëzimin pas Lojërave Olimpike të kësaj qendre me shpenzime prej 110 milionë dollarësh, menaxheri i përgjithshëm Lu Bo u shpreh:

"Në fillim të projektimit të kësaj qendre, u mor parasysh shfrytëzimin pas Olimpiadës. Nëse do të funksionojë normalisht, të ardhurat nga ndërtesat për tregti mund të plotësojnë funksionimin e qendrës."

Në fakt, Qendra Olimpike e Shenyangut nuk është e thjeshtë një stadium, ajo ka mbledhur mirëpritjen dhe pjesëmarrjen e banorëve të këtij qyteti për Lojërat Olimpike. Ndërsa për çështjen sportive të Shenyangut, kjo do të jetë një pikënisje e re, një shpresë e re. (Wang Lei)