dëgjoni

Nuk mbeten as 170 ditë nga hapja e Lojërave Olimpike 2008. Si një hallkë e rëndësishme e punëve përgatitore të Lojërave Olimpike, zhvillimi i tregut olimpik të Pekinit ka arritur rezultat të dukshëm. Lidhur me këtë do të ndiqni njoftimin e korrespondentit të radios sonë.

Në një konferencë shtypi të organizuar më 20 shkurt nga Komiteti Organizativ i Lojërave Olimpike të Pekinit, drejtorja e Departamentit të Zhvillimit të Tregut, pranë këtij komiteti, zj. Yuan Bin u shpreh se që nga nisja e planit të zhvillimit të tregut olimpik të Pekinit në shtator të vitit 2003, Komiteti Organizativ i Lojërave Olimpike të Pekinit ka ngulur këmbë në kursin "zhvillimi i Lojërave Olimpike në mënyrë të hapur" dhe punët e zhvillimit të tregut kanë tërhequr pjesëmarrjen aktive të ndërmarrjeve brenda e jashtë Kinës. Ajo tha:

"Në korrik të vitit 2007, përfunduam plotësisht regjistrimin e ndërmarrjeve sponsorizuese të Lojërave Olimpike të Pekinit. Nëpërmjet planit të bashkëpunimit global të Komitetit Olimpik Ndërkombëtar, planit të kompanive për transmetimin televiziv si dhe planit të zhvillimit të tregut të Komitetit Organizativ të Lojërave Olimpike të Pekinit, kemi gjetur përkrahje të mjaftueshme në fonde, materiale, teknologji dhe shërbime për organizimin dhe funksionimin e Lojërave Olimpike të Pekinit. "

Aktualisht, 12 partnerë të Komitetit Olimpik Ndërkombëtar u ofrojnë Lojërave Olimpike të Pekinit përkrahje në fonde e shërbime; 11 ndërmarrje kineze dhe të huaja janë bërë partnerë të Lojërave Olimpike të Pekinit; 9 ndërmarrje janë bërë sponsorë të Lojërave Olimpike të Pekinit. Krahas këtyre, janë zbatuar normalisht edhe plani i mallrave olimpike si dhe plani i furnizuesve. Nga gjendja aktuale, zhvillimi i tregut olimpik të Pekinit ka arritur rezultat të mirë dhe të ardhurat kanë mundësi të kalojnë objektivin e parashikuar.

Në disa nga edicionet e kaluara të Lojërave Olimpike, punët e zhvillimit të tregut olimpik, nga njëra anë bënë të mundur gjetjen e fondeve, materialeve e shërbimeve përkatëse për organizimin e Lojërave Olimpike dhe, nga ana tjetër, bënë të mundur nxitjen edhe zhvillimin endërmarrjeve sponsorizuese dhe bashkëpunuese. Korrespondenti i radios sonë mësoi nga Departamentit i zhvillimit të tregut pranë Komitetit Organizativ të Lojërave Olimpike të Pekinit, se si e para ndërmarrje kineze që merr pjesë në planin e partnerëve globalë të Komitetit Olimpik Ndërkombëtar, që nga viti 2004, Grupi kinez Lenovo ka ngritur përqindjen e njohjes së markës së tij nga 62% në 68% dhe përqindjen e vlerësimit pozitiv nga 53% deri në 62%. Me zbatimin e planit të zhvillimit të tregut të Lojërave Olimpike të Pekinit, është forcuar më tej ndërgjegjshmëria e gjithë shoqërisë në mbrojtjen e të drejtave të pronësisë intelektuale dhe u është krijuar ndërmarrjeve sponsorizuese atmosfera e mirë e tregut.

Krahas pjesëmarrjes aktive të ndërmarrjeve kineze e të huaja, në planin e zhvillimit të tregut të Lojërave Olimpike të Pekinit, pjesa që ka lidhje më të ngushta me publikun e thjeshtë është plani i mallrave olimpike, sepse mallrat e përfshira në këtë plan mund të shihen, preken dhe blihen nga çdo njeri. Zj. Yuan Bin u shpreh se mallrat e Lojërave Olimpike të Pekinit përfshijnë një shumllojshmëri të pasur, si mallra tradicionale të Olimpiadës, ashtu edhe produkte me karakteristika kineze dhe pekinase, si porcelan, mëndafsh etj. Zj. Yuan bin është e mendimit se hovi i shitjes së mallrave olimpike nuk ndahet nga synimi i publikut brenda e jashtë Kinës për frymën olimpike dhe nga përkrahja dhe preokupimet e tyre për Lojërat Olimpike të Pekinit. Ajo i tha korrespondentit, se Komiteti Organizativ i Lojërave Olimpike të Pekinit do të vazhdojë t'i krijojë publikut lehtësira në blerjen e mallrave olimpike.

"Planifikojmë që të hapen dyqane të posaçme për mallrat olimpike në të gjitha pallatet e stadiumet olimpike. Ndër to, në Parkun Olimpik do të krijojmë një supermarket 'Pekin 2008' dhe sipërfaqja e tij do të arrijë në 3 mijë km."

Parashikohet se me afrimin e Lojërave Olimpike të Pekinit dhe me daljen e produkteve të reja, në shitjen e mallrave olimpike do të duket një prirje e ngritjes. Zj. Yuan Bin u shpreh se Komiteti Organizativ i Lojërave Olimpike të Pekinit do të forcojë administrimin e dyqaneve të mallrave olimpike dhe do të ngrejë cilësinë e shërbimeve, me qëllim që të krijojë një mjedis më të mirë për konsumatorët. (Wang Lei)