dëgjoni

Fatkeqësitë natyrore të reshjeve të dëborës dhe të ngricave që ndodhën në Kinën Jugore, kanë shkaktuar humbje të rënda në pylltarinë kineze. Tani gjendja e fatkeqësisë në pylltari po vazhdon. Sektorët e pylltarisë të Kinës kanë marrë një sërë masash për të shmangur me të gjitha forcat humbjet në pylltari të shkaktuara nga fatkeqësitë natyrore.

Në një pjesë të zonave të Kinës Jugore ndodhën në janar të këtij viti fatkeqësitë e rënda natyrore të reshjeve të dëborës dhe të ngricave, duke shkaktuar fatkeqësi të shkallëve të ndryshme në 20 provinca ose rajone e qytete. Humbjet e drejtpërdrejta ekonomike arritën në mbi 110 miliardë juanë.

Në një konferencë shtypi të organizuar kohët e fundit në Pekin, zv/drejtori i Drejtorisë Shtetërore të Pylltarisë të Kinës, z. Zhu Liekë foli për gjendjen më të re të humbjeve në pylltari të shkaktuara nga fatkeqësitë natyrore të reshjeve të dëborës dhe të ngricave.

"Sipas të dhënave më të reja statistikore, sipërfaqja pyjore e 20 provincave, ose rajoneve e qyteteve, e prekur nga fatkeqësitë natyrore të reshjeve të dëborës dhe të ngricave arriti në 18 milionë e 600 mijë hektarë, numri i kafshëve të egra të mbrojtura kryesisht nga shteti të ngordhura dhe të sëmura arriti në 30 mijë, infrastruktura e pylltarisë u dëmtua rëndë, humbjet e drejtpërdrejta ekonomike arritën në 5 milionë e 730 mijë juanë. Tani kjo gjendje e pylltarisë po vazhdon dhe humbjet janë zgjeruar më tej."

Zoti Zhu është i mendimit se fatkeqësitë natyrore të reshjeve të dëborës dhe të ngricave do të ushtrojnë ndikim negativ për zhvillimin e pylltarisë dhe mjedisin ekologjik gjatë disa vjetëve të ardhshëm. Deri në fund të vitit të kaluar, përqindja e pyjeve në Kinë i kaloi 18%. Por fatkeqësitë natyrore të reshjeve të dëborës dhe të ngricave ndodhën në zonat e pylltarisë të Kinës me burimet më të mira pyjore, me zhvillimin më të shpejtë dhe me vitalitetin më të madh. Sipërfaqja e pyjeve të prekura nga fatkeqësitë natyrore zë një të dhjetat e sipërfaqes së përgjithshme pyjore të mbarë vendit. Fatkeqësitë natyrore kanë acaruar edhe kontradiktat në furnizimin me dru midis ofertës dhe kërkesës dhe kanë shkaktuar pakësimin e të ardhurave të fshatarëve që merren me pylltari.

Drejtori i degës së burimeve pranë Drejtorisë Shtetërore të Pylltarisë, z. Xiao Xingwei tha se nga pikëpamja makroekonomike del se fatkeqësitë natyrore të reshjeve të dëborës dhe të ngricave që ndodhën në Kinën Jugore nuk mund të ushtrojnë ndikim të madh për sistemin e tërësisë ekologjike të Kinës dhe të botës. Por pakësimi i madh i sipërfaqes pyjore në një pjesë të zonave do të shkaktojë uljen e tërësisë së funksioneve të pyjeve të këtyre zonave të prekura nga fatkeqësitë natyrore, si pakësimin e shpejtë të shumëllojshmërisë bimore, keqësimin e gërryerjeve etj.

Tani sektorët e pylltarisë të Kinës kanë marrë masa konkrete për të ulur me të gjitha forcat ndikimet e fatkeqësive natyrore mbi mjedisin ekologjik. Drejtori i degës së burimeve pranë Drejtorisë Shtetërore të Pylltarisë, z. Xiao Xingwei tha:

"Në radhë të parë ne do të forcojmë makrokontrollin për zonat e prekura nga fatkeqësitë natyrore për të përvetësuar ndryshimin e burimeve pyjore. Së dyti, ne do të shpejtojmë pyllëzimin dhe do të krijojmë sa më parë sistemin e përmirësuar të ekologjisë pyjore për të pakësuar humbjet e shkaktuara nga fatkeqësitë natyrore."

Njëkohësisht për të rifilluar sa më parë prodhimin e pylltarisë, sektorët përkatës dhe do të përmirësojnë më tej planifikimin e rindërtimit, do të organizojnë punonjësit të zhvillojnë shërbimet tekniko-shkencore për të siguruar punën e rindërtimit.

Në një konferencë shtypi të organizuar ditët e fundit, drejtori i Drejtorisë Shtetërore të Pylltarisë Zhu Liekë vuri në dukje se nga fatkeqësitë natyrore të reshjeve të dëborës dhe të ngricave del se në ndërtimin e infrastrukturës dhe në disa anë të tjera të sistemit të pylltarisë në Kinë ekzistojnë disa probleme. Në të ardhmen, sektorët përkatës do të krijojnë sistemin e sigurimeve pyjore, dhe do të forcojnë ndërtimin e infrastrukturës në pylltari për të ngritur aftësinë e sistemit të pylltarisë kundër fatkeqësive natyrore. (Sihai)