dëgjoni

Sot do të vazhdojmë duke i kushtuar vëmendjen qytetit Shenyang të Kinës verilindore. Organizimi i çdo edicioni të Lojërave Olimpike do të mbetet në trashëgiminë shpirtërore të qyteteve organizative dhe bashkërenduese. Si qytet bashkërendues i Lojërave Olimpike të Pekinit, Shenyang e ka konsideruar zhvillimin e ndeshjeve futbollistike olimpike si rast për ngritjen e cilësisë së civilizimit të banorëve të tij.

Për një "qytet olimpik", vetëm pallatet e stadiumet moderne sportive nuk janë të mjaftueshme. Ai duhet të arrijë në nivelin e civilizimit në përshtatje me statusin si "qytet olimpik". Ky nivel i civilizimit mishërohet në anë të pamjes së një qyteti dhe pasqyrohet edhe në cilësinë kulturore të banorëve. Gjatë procesit të përgatitjes për ndeshjet olimpike futbollistike, qyteti Shenyang ka bërë përpjekje të paepura në këto dy anë.

Si qyteti më i madh në krahinat verilindore të Kinës, tregtia ka qenë e lulëzuar në Shenyang. Pas fitimit të të drejtës si qytet bashkërendues i Lojërave Olimpike, edhe pamja e tij ka ndryshuar shumë. Sot, duke bërë shëtitje nëpër rrugë e këtij qyteti, shihen kudo gjelbërim, lule të freskëta dhe ndërtesat gjatë rrugëve janë të rregullta.

I moshuari Huang Jinchen, që ka jetuar këtu për shumë vjet, na tregoi ndryshimet e Shenyangut vitet e fundit. Ai tha se Shenyangu ka qenë një qytet industrial. Ndryshimi më i madh i viteve të fundit në mjedisin e qytetit është se shumë fabrika janë shpërngulur nga zona urbanistike dhe mjedisi i qytetit është bërë gjithnjë e më i mirë. Ai tha:

"Ka ndryshuar shumë. Rendi i qytetit është përmirësuar. Fabrikat e mëdha u shpërngulën në periferi dhe kjo u realizua me shumë përpjekje. Vendimi i qeverisë është i drejtë. Tani në terrenin e fabrikave të mëparëshme janë ndërtuar kopshte. Ne banorët e qytetit jemi gëzuar për këto ndryshime."

Në kohën e përmirësimit të pamjes së qytetit, gjatë viteve të fundit, Shenyangu ka bërë shumë punë edhe në ngritjen e cilësisë të civilizimit të banorëve. Funksionari i administratës së qytetit Wang Jiucheng na tregoi:

"Për krijimin e atmosferës së mirë shoqërore për Lojërat Olimpike, kemi zhvilluar aktivitete në 8 drejtime, përkatësisht në anën e edukimit dhe të mirësjelljes, të shikimit të ndeshjeve me sjellje të kulturuar, të shërbimeve vullnetare, të rendit të komunikacionit etj."

Zoti Wang tha se këto aktivite janë zhvilluar normalisht dhe ndër to aktivitetet për përmirësimin e rendit të komunikacionit kanë pasur efekt të dukshëm. "Aktivitetet për përmirësimin e rendit të komunikacionit" përfshijnë që shoferët të mos shkelin dritën e kuqe të semaforit, këmbësorët të mos kalojnë rrugën sipas qejfit, hyrja në autobus sipas radhës etj. Z. Wang tha:

"Pas zbatimit të këtyre aktiviteteve që nga viti 2006, në kryqëzimet e rrugëve kryesore 95% këmbësorëve me biçikletë i respektojnë rregullat. Efektiviteti i tillë pohohet plotësisht nga banorët e qytetit."

Drejtimi i banorëve për shikimin e ndeshjeve olimpike me sjellje të kulturuar është tjetër punë kryesore e qytetit Shenyang. Në ndeshtjet futbollistike shikuesit janë lehtësisht të emocionuar. Gjatë ndeshjeve olimpike futbollistike, garantimi i rendit për shikuesit me entuziazëm të madh në stadium është problem i madh për qytetin Shenyang. Për këtë, Shenyangu paraqiti parullën për shikuesit "Brohoritet për Olimpiadën", që u bën thirrje tifozëve jo vetëm të japin forca për ekipin kinez, por edhe të tregojnë respekt e mirësjellje për ekipin kundërshtar dhe të japin duartrokitje në rastet kur zhvillohet një lojë e bukur. Tifozi i Shenyangut, z. Fu Cheng i tha korrespondentit se gjatë Lojërave Olimpike, ai pa dyshim që do të respektojë mirësjelljen gjatë shikimit të ndeshjeve dhe do të japë duartrokitje për ekipet kundërshtare.

"Futbolli s'ka kufij midis vendeve. Pavarësisht nga ekipi vendas apo ekipe kundërshtare, ne duhet të brohorasim për lojrat e mrekullueshme në fushë."

Me afrimin dita ditës të Lojërave Olimpike, pamja e qytetit Shenyang si dhe shpirti i banorëve të këtij qyteti janë përputhur gjithnjë e më shumë me kërkesat e një qyteti olimpik dhe pikërisht kjo është pasuria e Shenyangut e sjellë nga Lojërat Olimpike. (Wang Lei)(Klajd)