dëgjoni

Vitet e fundit, provinca Shandong e Kinës Lindore ka shpejtuar ndryshimin ekonomik dhe ka bërë me të gjitha forcat sistemimin e sektorëve me konsum të lartë të energjisë, duke mbyllur një grup ndërmarrjesh të vogla me konsum të lartë të energjisë dhe me ndotje të rënda. Një kohësisht ajo ka zhvilluar aktivisht industrinë e mbrojtjes së mjedisit, duke nxitur zhvillimin e vazhdueshëm ekonomik.

Me çmontimin e një fabrike të prodhimit të çimentos në qytetin Zaozhuang të provincës Shandong, një grup agregatesh të vogla me ndotje të rënda dhe me konsum të lartë të burimeve u mbyllën. Drejtori i Drejtorisë së Mbrojtjes së Mjedisit të Provincës Shandong Sy Gang tha se sistemimi i ndërmarrjeve të vogla me konsum të lartë të energjisë dhe me ndotje të rënda është një nga masat e rëndësishme të koordinimit të strukturës industriale të provincës Shandong.

"Këto ndërmarrje të vogla kanë luajtur një rol të përshtatshëm për zhvillimin ekonomik e shoqëror. Por krahas zhvillimit të mëtejshëm ekonomik e shoqëror, ndotjet e shkarkuara nga këto ndërmarrje, janë më të mëdha se kontributi i tyre. Prandaj ne i mbyllëm në radhë të parë këto ndërmarrje."

Vitet e fundit, provinca Shandong ka marrë shumë masa për shpejtimin e ndryshimit ekonomik dhe ka zhvilluar me të gjitha forcat objektet e pastra dhe të mbrojtjes së mjedisit, duke sistemuar ndërmarrjet e vogla me ndotje të rënda. Për shembull: pas mbylljes së centraleve të vogla, është zhvilluar aktivisht prodhimi i energjisë elektrike nga era dhe energji të tjera të pastra, duke mbrojtur mjedisin dhe duke nxitur zhvillimin e vazhdueshëm të ekonomisë vendore. Provinca Shandong ka marrë seriozisht standarde të huaja, duke kontrolluar objektet e ndërtimit me ndotje të rënda. Duke folur për këtë, zv/drejtori i Drejtorisë së bashkëpunimit të tregtisë së jashtme dhe të ekonomisë të provincës Shandong Meng Jianxin tha: "Të gjitha objektet e mëdha të importuara nga jashtë, duhet të vlerësohen sipas standardeve të mbrojtjes së mjedisit. Kjo metodë është e dobishme për zhvillimin e ardhshëm të provincës Shandong."

Qysh nga viti 2003, distrikti Wenquan i qytetit Qingdao të provincës Shandong ndërtoi centralin e prodhimit të energjisë elektrike nga era. Çdo vit mund të kursehen mbi 10 mijë tonë qymyrgur, duke ulur shumë ndotjen e mjedisit vendor. Një përgjegjëse e administratës së këtij distrikti, zj. Li Ruihong tha se distrikti Wenquan ka përcaktuar rregullore serioze në tërheqjen e biznesmenëve e të investimeve.

"Disa ndërmarrje me ndotje të rënda dhe ndërmarrjet që ndikojnë zhvillimin afatgjatë të ekonomisë vendore, ne nuk i lejojmë të krijojnë uzina ose fabrika këtu, megjithëse këto ndërmarrje kanë bërë shumë investime. Për objektet e kursimit të energjisë, politika jonë do të jetë relativisht e favorshme. Në gjendjen e pamjaftueshmërisë së trojeve, ne kemi importuar një objekt të tillë për prodhimin e energjisë elektrike nga era. Vlera e tij është shumë e lartë."

Objektet e kursimit të energjisë e të mbrojtjes së mjedisit janë mirëpritur nga banorët vendas. Fshatari i këtij distrikti Liu tha se këto objekte jo vetëm kanë mbrojtur mjedisin, por edhe u kanë sjellë vendasve përfitime.

"Ne jemi shumë të gëzuar, sepse objekti i prodhimit të energjisë elektrike nga era jo vetëm ka pakësuar ndotjen, por edhe u ka sjellë njerëzve përfitime. Përveç këtyre ai do të jetë shumë i dobishëm për brezat tanë."

Duke zhvilluar ekonominë, ne i kushtojmë rëndësi edhe mbrojtjes së mjedisit. Ky është koncepti i përgjithshëm i të gjithë banorëve të provincës Shandong. Zv/drejtori i Drejtorisë së Bashkëpunimit të tregtisë dhe të ekonomisë të provincës Shandong Meng Jianxin tha se provinca Shandong do të vazhdojë të nxitë zhvillimin ekonomik për të shpejtuar ndryshimin ekonomik, duke u mbështetur te mbrojtja e mjedisit. Ne duhet të evitojmë shpërdorimin e burimeve dhe duhet të bëjmë si duhet punën e mbrojtjes së mjedisit. (Sihai)