dëgjoni

Më 28 janar u mbyllën në qytetet verirore kineze Qiqihar dhe Harbin Lojërat e 11-ta Kombëtare Dimërore të Kinës. Gjatë një interviste të posaçme për korrespondentin e radios sonë, përgjegjësi i Qendrës së Sportive Dimërore pranë Drejtorisë së Përgjithshme Kombëtare të Fizkulturës dhe të Sporteve të Kinës u shpreh se nga përparimet në bord dëbore në pistën në formë U-je për meshkuj dhe në patinazh artistik mund të shihet se strategjia e Kinës në zhvillimin e sporteve dimërore ka pasur efektivitet të dukshëm. 

Për të nxitur zhvillimin e sporteve dimërore, Drejtoria e Përgjithshme Kombëtare të Fizkulturës dhe e Sporteve të Kinës hartoi strategjinë e zhvillimit afatgjatë të sporteve dimërore, që ka për qëllim të arrihjë ekuilibrimin në zhvillimin e sporteve, d.m.th. "ekuilibrimi i sporteve verore dhe dimërore" si dhe "ekuilibrimi midis sporteve mbi akull dhe atyre në dëborë".

Për shkak të klimës, në të kaluarën sportet dimërore ishin përhapur vetëm në krahinat veriperëndimore me dimër shumë të ftohtë. Mirëpo sot pista akulli dhe dëbore nuk kufizohen vetëm në këto krahina, edhe në shumë qytete jugore si Shangai, Shenzhen etj. u krijuan pista akulli ose dëbore. Në këtë drejtim, pa u mjaftuar vetëm me iniciativën dhe investimet nga qeveria, funksionimi sipas rregullave të tregut është bërë mënyra kryesore e përhapjes së sporteve mbi akull dhe në dëborë. Drejtori i Qendrës së Sporteve Dimërore pranë Drejtorisë së Përgjithshme Kombëtare të Fizkulturës dhe të Sporteve të Kinës, z. Wang Jitao u shpreh:

"Tani, pjesa dërrmuese e pistave të akullta dhe të dëborës janë investime nga ndërmarrje private, sigurisht ka edhe me investime qeveritare. Sportet dimërore janë me kosto të lartë, prandaj duhet të themi se zhvillimi i sporteve dimërore është rezultati i zhvillimit në njëfarë shkalle të një vendi."

Për të nxitur ekuilibrimin e zhvillimit të sporteve dimërore me ato verore, në Lojërat e 10-ta Kombëtare të Kinës u përfshinë 14 sporte dimërore, ndërsa kësaj here në Lojërat e 11-ta, u përfshinë edhe 4 sporte të tjera dimërore.

Krahas "ekuilibrimit midis sporteve verore dhe dimërore", edhe ekuilibrimi midis sporteve mbi akull dhe atyre në dëborë është gjithashtu drejtimi i zhvillimit të sporteve dimërore të Kinës. Tani sportistët kinezë kanë potencial për medaljen e artë olimpike në 6 disiplina sportive, si patinazhi i shpejtësisë 500 metrash në pistë të shkurtër për femra, patinazhi i shpejtësisë 1000 metrash për femra, stafeta e patinazhit të shpejtësisë për femra, patinazhi artistik si çift, teknika ajrore në rrëshqitjen me ski në stil të lirë për femra dhe për meshkuj. Ndër këto 6 disiplina, vetëm dy janë në dëborë. Kundrejt kësaj situate, Kina ka vërë theksin në disa disiplina të reja, si bord dëbore në pistë në formën U-je për meshkuj etj., me qëllim që të realizojë "ekuilibrimin midis sporteve mbi akull dhe në dëborë". Tani sportistë kinezë në këtë disiplinë radhiten në vendin e 5-të në Kampionatin Botëror dhe vendin e dytë në Kupën e Botës, duke disponuar potencial të madh në fitimin e medaljes së artë olimpike.

Kina ka bërë përpjekje gjithashtu në disiplinat mbi akull me epërsi tradicionale. Zv/drejtori i Qendrës së Sporteve Dimërore të Kinës Ren Hongguo mori për shembull patinazhin artistik. Ai tha se në krahasim me gjendjen 4 vjet më parë, në këtë edicion të Lojërave Kombëtare Dimërore, niveli i garave të patinazhit artistik pati përparim të madh dhe u panë shumë të rinj e të reja me perspektivë. Në fakt, ndër patinatorët kinezë artistikë ka ekzistuar prej kohësh problemi në paraqitjen artistike. Kundrejt këtij problemi, në Lojërat Kombëtare Dimërore është vendosur në veçanti shfaqja e lirë e patinazhit për meshkuj dhe për femra, që të nxitë patinatorët të shtojnë forcën e paraqitjes në patinazh. Z. Ren Hongguo tha:

"Pse shfaqja e lirë të patinazhit është ruajtur në Lojërat Kombëtare për disa edicione? Sepse kjo është dobësia e patinatorëve kinezë dhe duhet të ngjallë vëmendje të madhe të trajnerëve. Në këtë edicion pamë shumë shfaqje të mrekullueshme, por në fakt ky është rezultati i përpjekjeve shumëvjeçare."

Mbeten afro dy vjet nga hapja e Lojërave Olimpike Dimërore 2010. Si është planifikimi i përgatitjes së sportistëve kinezë për to? Z. Ren Hongguo bëri të ditur:

"Për disiplinat sportive dimërore, parimi ynë është vënia e theksit në disiplinat dhe sportistët kryesorë dhe ngritja me përpjekje e rezultatit të disiplinave të tjera." (Wang Lei)