degjoni

Para disa kohësh, rreth 30 muzikantë të njohur kinezë u mblodhën së bashku duke zhvilluar diskutime rreth burimeve muzikore dhe folkloristike të provincës Yunan të Kinës jugore....

Kënga që po dëgjoni titullohet " Shangri-la". Shangri-la ndodhet në rajonin autonom Diqing të provincës Yunan të Kinës jugore, është një vend shumë i bukur. Rreth Shangri-la" përhapen edhe shumë gojëdhëna të bukura.

Provinca Yunan është një vend margaritar në kufirin jug-perëndimor të Kinës, ku ka territore të gjera, male dhe lumenj madhështorë, burime të pasura dhe është një provincë meshumë pakica kombëtare. Provinca Yunan është edhe një nga zonat e rëndësishme të prejardhjes njerëzore, ka histori të gjatë dhe civilizim të lashtë.

Vitet e fundit, pjesët madhështore koreografike me doket e zakonet e banorëve të provincës Yunan si temë sic janë "Përshtypjet nga provinca Yunan", "Malet në mes reve", "Vallet me re shumëngjyrëshe" etj kanë tërhequr vëmendjen e krahinave të ndryshme të mbarë Kinës, të cilat janë një pasqyrim i sukseseve të zhvillimit muzikor të provincës Yunan vitet e fundit. Ish-kryebashkiaku i provincës Yunan z, Xu Kairong është pjesëmarrës i kësaj rruge.

" Provinca Yunan ka burime shumë të pasura të kulturës nacionale, në këtë provincë jetojnë banorë të 25 pakicave kombëtare me gjithë kombësinë Hane, ka gjithësej 26 kombësi. Gjatë zhvillimit të tyre, këto kombësi kanë ruajtur një sërë traditash kulturore nacionale duke përfshirë edhe këngë, valle, mënyrat festive të festave dhe karakteristikat e banesave etj. Unë kam punuar 5 vjet e gjysëm në provincën Yunan, si kryebashkiaku i provincës, e kam kuptuar thellë këtë. Tani, duke patur më shumë kohë të lirë, unë shkruaj tekstet e këngëve duke bashkëpunuar me disa kompozitorë në mbarë vendin. Deri tani kam shkruar tekstet e 10 këngëve si " Rruga e lashtë Cama", " Festa e gëzuar e pishtarit" etj.

Gjatë dhjetra vjetëve, kultura e pasur folkloristike e provincës Yunan ka tërhequr gjithmonë muzikantë kinezë. Veprat e kompozuara nga muzikantë të brezit të vjetër kinez si " Rrjedhjet e lumenjeve të vegjel", " Ju lutem të qendroni këtu mysafirë nga largu" etj janë përhapur gjerësisht dhe për një kohë të gjatë në krahina të ndryshme të Kinës.

Pas viteve 90-të të shekullit të kaluar, një numër muzikantësh me moshë të mesme dhe të re u thelluan në jetën e provincës Yunan duke përfituar shumë nga kultura folkloristike vendase edhe duke i kushtuar rëndësi stilit bashkëkohor. Njëkohësisht kanë dalë një numër krijuesish të shquar vendas, që kanë ushtruar një ndikim të madh brënda e jashtë vendit. Njeri prej tyre është pikërisht artisti Liu Xiaogëng...

" Veprat e mia përfaqësuese janë ' një tufë zogjsh' e përpunuar në bazë të këngës popullore ' një grup zogjsh në fshatin Sixiang', me materialet e kësaj kënge popullore, ne i dhamë një temë mbrojtjes së mjedisit, megjithëse kjo është një vepër e muzikës së bukur zanore, por kjo është një shkrirje e elementëve muzikore kineze me estetikën bashkëkohore dhe mjeshtrinë kompozuese moderne botërore pas shekullit të 20 .

Në muzikën e provincës Yunan vihet re një shumëllojshmëri, përveç këngëve, ka edhe balete, drama muzikore etj, të gjitha veprat muzikore të përpunuara me temën e Yunanit dhe të përpunuara në bazë të këngëve popullore të Yunanit janë si margaritarë që lidhin këto gjëra të cmuara të Yunanit duke treguar në skenën muzikore vecorinë e saj. Veçanërisht veprat muzikore burimore të nxjerra nga provinca Yunan i kanë tërhequr vëmendjen e të gjithëve, dhe këto vepra muzikore burimore të përcaktuara si një lloj muzike, u përhapën shumë shpejt në krahinat e mbarë Kinës.

Kompozitori i njohur kinez Jia Ding tha; "Karakteristikat e veprave muzikore burimore të Yunanit janë në radhë të parë shumëllojëshmëria, sepse në Yunan jetojnë më se 20 kombësi të pakicave kombëtare, në këtë provincë me banimin e shumë kombësive krijohet shumëanëshmëria e veprave shumëngjyrëshe burimore. Në zbulimin dhe ruajtjen e veprave burimore provinca Yunan ka arritur suksese të mëdha, të gjithë figurat artistike burimore janë të lidhura ngushtë me malet e lumenjt e kësaj province, prandaj, janë shumë të gjalla, jo vetëm të dëgjueshme, por edhe të shikueshme. Në vitin l984, kam qenë më se 40 ditë për vizitë në provincën Yunan dhe i kam njohur shumë herët veprat burimore. Gjatë krijimtarisë time, veprat burimore të provincës Yunan kanë ushtruar një ndikim të madh mbi kompozimin tim duke me nxitur të gjej thelbin e artit nacional dhe folkloristik. (Zhai)