degjoni

Në një konkurs këngëtaresh të reja "Supergirls" të organizuar në vitin 2005 nga televizioni i provincës Hunan, 21-vjeçarja Li Yuchun fitoi çmimin e parë duke u bërë idhulli i shumë të rinjve në mbarë vendin.

Në vitin 2005, Li Yuchun ishte studente e vitit të katërt mësimor e Institutit të Muzikës të Sicuanit. Nga korriku deri në shtator të atij viti, Li Yuchun mori pjesë në konkursin "Supergirls" dhe hyri në finale së bashku me 9 këngëtare të tjera. Konkursi u transmetua drejtpërdrejt në televizion duke tërhequr vëmendjen e shikuesve të mbarë vendit. Duke kujtuar tensionin dhe lodhjen e konkursit, Li Yuchun tha:

"Isha shumë e lodhur. Kur fitova çmimin e parë, nuk isha shumë e emocionuar, por isha e gëzuar sepse konkursi përfundoi më në fund."

Li Yuchun lindi në qytetin Chengdu të provincës Sicuan. Kur ishte në moshën e re, si shumë fëmijë kinezë në qytet, Li Yuchun mësoi të vizatojë, të vallëzojë duke shfaqur talente në fushën e këndimit. Gjatë shkollës së mesme, Li Yuchun mori pjesë në konkursin e këngëtarëve shkollorë dhe u bë ylli i shkollës. Në vitin e diplomimit, Li Yuchun zhvilloi edhe koncertin individual:

"Një herë mora pjesë në konkursin e këngëtarëve shkollorë dhe fitova famë në shkollë. Para diplomimit, zhvillova një koncert ku këndova mbi 20 këngë pop."

Tani Li Yuchun e ka ditën shumë të zënë. Ajo nënshkroi një kontratë me shoqërinë e famshme muzikore "Taihemaitian" të Kinës. Sipas marrëveshjes, ajo do të botojë 3 deri 5 albume këngësh brenda 5 vjetëve. Jeta e saj është e mbushur me aktivitete të ndryshme tregtare si xhirimi i reklamave televizive, promocioni i disqeve muzikore etj. Ajo nuk do të kalojë më jetën e një vajze të zakonshme. Li Yuchun u shpreh se ajo është shumë e lodhur sepse ka presion të madh:

"Në fillim nuk përshtatej me jetën e zënë dhe mallohej shpesh për jetën e lirë në të kaluarën. Tani nuk kam shumë kohë të qëndroj së bashku me miq."

Megjithëse është e lodhur, Li Yuchun ka pasur sukses të madh në fushën muzikore. Albumi i parë i këngëve i saj "Mbretëresha dhe ëndrra" u shitën rreth 430 mijë brenda një muaji. Revista "Time" e SHBA-së zgjodhi personalitete heroike në Azi për vitin 2005, Li Yuchun ishte një prej tyre.

Në syrin e shumë njerëzve, Li Yuchun nuk i ngjan një vajze sepse stili i veshjes i saj i ngjan djalit, zëri i saj është pak i ngjirur. Por pikërisht ky stil i veçantë ka tërhequr shumë admirues të rinj. Shumë admirues u shprehën se Li Yuchun ka magjinë e veçantë dhe përfaqëson shumë vajza kohore kineze. Duke folur për entuziazmin e admiruesve, Li Yuchun u shpreh:

"Admiruesit më përkrahin shumë. Kur zhvilloj shfaqje në një qytet, shumë armirues më presin bile për një natë për të më parë. Por zakonisht nuk kam kohë të takohem me ta. Jam shumë e prekur nga entuziazmi i tyre."

Në skenë, Li Yuchun është një këngëtare e gjallë dhe plot me magji. Por jashtë shfaqjes, ajo është një vajzë e pamësuar dhe flet pak. Tani le të dëgjojmë këngën e saj "Love will keep us alive". (Fani)