degjoni

Si një nga 6 qytetet bashkërenduese të Lojërave Olimpike 2008, Qingdao do të përgjigjet për organizimin e garave të lundrimit me vela. Në fund të vitit 2007 u përurua plotësisht Qendra Olimpike e Lundrimit me Vela e Qingdaos. Që nga fillimi i projektimit dhe ndërtimit, në këtë qendër mishërohet kudo koncepti i "Olimpiadës së Gjelbërt". Do të dëgjoni tani një reportazh lidhur me këtë.

Qendra Olimpike e Lundrimit me Vela, që ndodhet në bregun e Gjirit Fushan në lindje të qytetit Qingdao, zë një sipërfaqe prej 45 hektarësh. Krahas terreneve të zhvillimit të garave, edhe pajisje të tjera koordinuese gjenden në këtë qendër, duke përfshirë fshatin olimpik, qendrën e sportistëve, qendrën e administrimit, qendrën e medias si dhe qendrën e garantimit të prapavijës. Bërjae një shëtitjeje në Qendrën Olimpike, zbulon se koncepti i "Olimpiadës së Gjelbër" ka depërtuar në çdo hallkë të imët. Vendet e shikuesve ndriçohen me energji me erë, ndërsa të gjitha çatitë e ndërtesave mbulohen me panele të energjisë diellore.

Drejtori i Drejtorisë së veprave dhe të mbrojtjes së mjedisit pranë komisionit organizativ të garave të lundrimit me vela në Qingdao, z. Li Zhipeng tha se në ndërtimin e të gjitha veprave të qendrës, u përdorën shumë teknologji të përparuara të mbrojtjes së mjedisit, në përputhje me konceptin olimpik në këtë drejtim. Ai tha:

"Lojërat Olimpike të Pekinit paraqitin 3 koncepte kryesore, si 'Olimpiada e gjelbër, tekniko-shkencore dhe humanitare'. Edhe në qytetin Qingdao shpresojmë se nëpërmjet mënyrave të teknologjive të larta të realizohet gjelbërimi dhe mbrojtja e mjedisit dhe, më tej të organizohen garat olimpike të lundrimit me vela me karakteristika dhe me nivel të lartë."

Li Zhipeng tha se teknologjitë e mbrojtjes së mjedisit janë përdorur gjerësisht në Qendrën Olimpike të Qingdaos, duke përfshirë këtu teknologjinë e ngrohjes me energji diellore, teknogjinë e pompave të ngrohjes me ujë deti si dhe teknologjinë e prodhimit të energjisë elektrike me erë.

Li Zhipeng u shpreh se përdorimi i këtyre instalimeve të kursimit të energjisë dhe të mbrojtjes së mjedisit do të thellojnë më tej konceptin e "Olimpiadës së gjelbër" në zemrën e banorëve të thjeshtë.

"Ne po përdorim këto metoda e materiale të teknologjive të reja dhe të larta në Qendrën Olimpike, me qëllim që të luajmë një rol shembullor në shoqëri dhe të përhapim konceptin e Olimpiadës së gjelbër në masat popullore."

Krahas ndërtimit të pallateve e stadiumeve sportive, koncepti i mbrojtjes së mjedisit është përhapur edhe në drejtime të tjera të lidhura me sportistët që do të marrin pjesë në garat olimpike të lundrimit me vela në Qingdao. Përgjegjësja e fshatit olimpik të Qingdaos, zj. Shan Liang tha se gjatë Lojërave Olimpike, në qendrën olimpike nuk do të lejohet hyrja e automjeteve, ndërsa për transportimin e njerëzve dhe të mallrave do të përdoren makina me energji elektrike. Në të gjitha pallatet e stadiumet sportive do t'u jepen falas sportistëve e punonjësve edhe biçikleta për shëtijet brenda qendrës olimpike.

Tjetër punë kryesore e Qendrës Olimpike të Qingdaos janë shërbimet ushqimore. Zj. Shan tha se i gjithë procesi i shërbimeve ushqimore gjatë Lojërave Olimpike do të respektojë parimin e sigurisë dhe të gjelbërimit. Për këtë, bashkia e qytetit Qingdao hapi posaçërisht një bazë të ushqimeve të gjelbra në periferinë e qytetit. Ajo tha:

"Kemi krijuar në veçanti bazën e ushqimeve të gjelbra dhe qendrën e shpërndaljes së ushqimeve, njëkohësisht do të zgjedhim kompani shërbyese me lisencë të standardit ndërkombëtar. Do të sigurojmë që të gjitha hallkat të përputhen me parimin e sigurisë dhe të mbrojtjes së mjedisit, sepse siguria e ushqimeve do të jetë gjithashtu një nga punët tona më të rëndësishme."

Kemi arsye të besojmë se Qendra Olimpike e Lundrimit me Vela e Qingdaos, kjo qendër sportive me konceptin e "Olimpiadës së gjelbër", do të sigurojë garat olimpike të lundrimit të nivelit të lartë dhe me karakteristikat e veta. (Wang Lei)