dëgjoni

Qingdao, që ndodhet në bregdetin elindore është qytet i njohur turistik bregdetar i Kinës. Në gusht 2008, atje do të zhvillohen garat e vozitjeve dhe të lundimit me varka të lehta me vela të Lojërave Olimpike të Pekinit. Që nga qershori i vitit 2003 kur u krijua komisioni organizativ i Qingdaos për garat olimpike të lundimit me vela, ky qytet ka bërë përpjekje për krijimin e mjedisit dhe atmosferës në përshtatje me Lojërat Olimpike. Ky qytet hartoi planin e saktë për veprimet olimpike dhe e ka zbatuar atë sistematikisht. Kryetari i Bashkisë së qytetit të Qingdaos, Xia Geng u shpreh:

"Këto vite, duke djekur konceptin 'Olimpiada e gjelbër, teknike dhe humanitare', kemi nxitur zhvillimin e qytetit me Olimpiadën dhe kemi nxitur punët përgatitore për garat olimpike të lundrimit me vela në bazë të zhvillimit të qytetit. Konkretisht, kemi hartuar 88 objekte kryesore në pritje të Lojërave Olimpike dhe tashmë të gjitha zhvillohen normalisht sipas parashikimit dhe një pjesë prej tyre kanë përfunduar."

Për organizimin e garave olimpike, qyteti Qingdao ndërtoi një qendër moderne olimpike të lundrimit me vela, e cila është përmbledhje e teknologjive të larta. Në këtë qendër, sistemi i kondicionerëve funksionon përdor ujë detar si energji, , ndriçimi i rrugëve realizohet me energji të prodhuar nga eradhe parku tematik olimpik e muzeu i garave olimpike të lundrimit me vela janë shumë tërheqës. Çdo hallkë tregon brendësinë e pasur të konceptit 'Olimpiada e gjelbër, teknike dhe humanitare'.

Në gusht të vitit 2006 dhe 2007 Qingdao organizoi me sukses dy edicione të Garës ndërkombëtare të lundrimit me vela, që u zhvillua në kuadër të veprimtarisë seriale "Paç fat, Pekin!", si eksperimente të garave olimpike. Si rezultat, niveli i organizimit të garave ndërkombëtare nga qyteti Qingdao u vlerësua lartë nga Komiteti Olimpik Ndërkombëtar, Federata Ndërkombëtare e Lundrimit me Vela si dhe sportistë e trajnerë pjesëmarrës të vendeve të ndryshme.

Në pritje të garave olimpike të lundrimit me vela, Qingdaoja ka bërë përgatitje edhe në anë të ndërtimit urbanistik dhe të administrimit. Gjatë disa vjetëve të kaluar, qyteti Qingdao ka pasur zhvillimin e vazhdueshmë ekonomik, të ardhurat e banorëve janë shtuar në vazhdimisht, është përmirësuar dukshëm mjedisi ekologjik, janë lehtësuar më shumë lidhjet inter-urbane dhe është ngritur më tej cilësia e jetesës së banorëve. Gjatë procesit të përgatitjes, Qingdao është përpjekur të shkrijë elemente olimpike në jetën e banorëve. Kryetari i Bashkisë së qytetit Xia Geng u shpreh:

"Rreth konceptit thelbësor 'Olimpiada humanitare', kemi organizuar një sërë aktivitetesh me pjesëmarrjen e banorëve, si shërbimet me mirësjellje, edukimi i Olimpiadës në shkollë, në lagje e në familje."

Me afrimin e Lojërave Olimpike, Qingdao nuk guxon të lehtësohet në asnjë mënyrë dhe po kryen detyrat e përgatitjes sipas planit. Xia Geng u shpreh:

"Pas përfundimit të ndërtimit të të gjitha objekteve në qendrën olimpike në fund të vitit 2007, do të shpejtojmë edhe sistemimin e mjedisit përreth qendrës dhe të krijojmë mekanizmin efikas të administrimit të instalimeve në këtë qendër."

Në fund të intervistës, kryetari i bashkisë së qytetit Qingdao, Xia Geng Uroj që të gjithë mysafirët që do të shkojnë në Qingdao gjatë Lojërave Olimpike 2008 të kënaqen në këtë qytet. (Wang Lei)