dëgjoni

Lin Yihua është regjisor i famshëm i dramës i Hong-Kongut. Ai filloi të shkruajë drama qysh nga mosha e re dhe është një nga krijuesit e trupës së famshme dramatike të Hong-Kongut "Zuni njëzetfaqësh". Kjo trupë përfaqëson nivelin më të lartë të dramës së Hong-Kongut. Dramat e Li Yihua janë të famshme për shkak të stilit të jashtëzakonshëm. Gjatë më shumë se 20 vjetëve të kaluar, ai drejtoi mbi 40 drama lidhur me tema të kulturës, të arsimit, të argëtimeve etj. Drama "Zonjat Bovari" është vepra e fundit e tij. Lin Yihua tha:

"Ideja e dramës vjen nga novela e shkrimtarit francez Gustave Flaubert 'Zonja Bovari'. Jam i mendimit se kjo novelë pasqyron edhe jetën e njerëzve modernë, por nuk dua të kopjojë qind për qind tregimet e novelës, prandaj e adaptova në një dramë moderne. Në këtë dramë ka 12 personazhe kryesore."

Para 150 vjetëve, shkrimtari francez Gustave Flaubert lexoi në gazetë një lajm: për shkak të amështisë së martesës, një grua mori shumë kredi për të blerë kostume e xhevahire duke bërë dashuri jashtë martesës. Në fund, ajo e vrau veten për shkak të presioneve të mëdha ekonomike e emocionale. Në bazë të këtij tregimi, Flaubert shkroi novelën "Zonja Bovari". Temat e moralit, të dashurisë, të dëshirës dhe të vdekjes të novelës kanë tërhequr lexues të panumërtë. Pas 150 vjetëve, Lin Yihua e vuri këtë novelë në skenë dramatike, por tregimet e dramës ndodhin në shoqërinë kohore kineze. Në Kinë me ndryshimin e shpejtë ekonomik e shoqëror, shumë gra përballen me vuajtje e hutime, Lin Yihua krijoi në dramë një sërë figurash të zonjës Bovari në shoqërinë kohore.

Skena e dramës "Zonjat Bovari" është projektuar në mënyrë të thjeshtë. Me shoqërimin e muzikës së këndshme, aktorët luajnë tregime të ndryshme.

Lin Yihua lindi në një familje të madhe dhe u rrit me kujdesjen e mbi 10 tezeve. Pas fillimit të krijimit të dramave, Lin Yihua u ka kushtuar kryesisht vëmendje problemeve të femrave. Në veprat e tij shfaqen probleme të martesës, të statusit, të dëshirës etj. të femrave. Lin Yihua tha:

"Tani femrat kanë zgjedhje të pasura dhe liri. Në fakt një grua e bukur është e lumtur, prandaj femrat bëjnë përpjekje të mëdha për të kërkuar bukurinë. Shpresoj se veprat e mia do të shfaqin plotësisht jetën e tyre."

Lin Yihua është një njeri i ndjeshëm për modë dhe ka talente në fusha të ndryshme artistike. Krahas rezultateve në fushën e dramës, Lin Yihua është edhe autori i tekstit të këngëve si dhe është skenagraf. Skenari i filmit "Trëndafili i kuq dhe trëndafili i bardhë" i krijuar nga ai fitoi çmimin "Kali i artë" të skenarit më të mirë të adaptuar të Tajvanit. Njëkohësisht Lin Yihua boton shpesh artikuj në gazetë e revistë për të komentuar ngjarje të modës dhe të argëtimeve. Ai ka mendime të veçanta për modën: 

"Jam i mendimit se moda është një lloj e drejte. Njerëzit e modës kanë të drejtë më të madhe për të ndikuar njerëz të tjerë. Në dramën 'Zonjat Bovari' ka shumë faktorë të modës."

Tani Lin Yihua është i zënë të adaptojë 4 vepra klasike letrare kineze në drama. Në çdo dramë ai ka shtuar shumë faktorë të shoqërisë kohore. Vitin e kaluar, një nga këto 4 drama "Shuihu" u shfaq në Tajpei duke fituar përshëndetjen e gjerë. Në këtë dramë, Lin Yihua shfaqi presione të mëdha të meshkujve kohorë nëpërmjet tregimeve të novelës. Admiruesit e Lin Yihuas po presin vepra të reja të tij. (Fani)