dëgjoni

Megjithëse u hap zyrtarisht Olimpiada e Berlinit nën retë e zeza të nazizmit, megjithëse nazistët ishin shumë armiqësorë ndaj sportistëve zezakë, paraqitja e mrekullueshme nga zezaku amerikan Jesse Owens i dha një goditje të fortë teorisë së kombeve të shquara të Hitlerit dhe vetë Owens-i është quajtur si 'vetëtima e zezë'.

Në Olimpiadën e Berlinit, Jesse Owens fitoi gjithsej katër medalje të arta. Ai është ylli më i ndritshëm i atletikës në historinë e olimpiadave moderne.

Ai ka lindur në pjesën jugore të SHBA-së në një familje të varfër fshatare që merrej me mbjelljen e pambukut.

Kur ishte një fëmijë i vogël, Jesse Owens tregoi një talent të shquar në sport. Ai barazoi një rekord botëror në spartakiadën e atletikës të shkollës së mesme, ndërsa në spartakiadën kombëtare të studentëve të SHBA-së në vitin 1935, Jesse Owens theu katër rekorde botërore dhe barazoi një tjetër brenda vetëm 45 minutave. Rekordi botëror i vendosur nga ai në kërcim së gjati është 8 metra dhe 13 centimetra dhe është ruajtur për 25 vjet. Qysh nga ajo kohë, emri i Jesse Owens-it është bërë i famshëm në atletikën botërore.

Para olimpiadës së Berlinit, Owens vendosi edhe rekordin botëror në vrapimin e 100 metrave, rezultati ishte 10 sekonda e 2 të dhjetat. Edhe ky rekord është ruajtur mbi 20 vjet.

Në Olimpiadën e 11-të që u zhvillua në Berlin në vitin 1936, Owens fitoi medalje të arta në vrapimin e 100 metrave, 200 metrave, kërcim së gjati dhe në stafetën 4x100. Në garat e përmendura, vetëtima e zezë barazoi dhe theu gjithsej 12 herë rekorde olimpike. Në Berlin, me paraqitjen e tij, Jesse Owen jo vetëm krijoi magjinë që tronditi të gjithë botën sportive, por edhe kundërshtoi në mënyrë të fortë diskriminim racial të Hitlerit, çka inkurajoi thellësisht paqedashësit e botës.

Në Lojërat Olimpike të Berlinit, Jesse Owens u bë ylli sportiv më i preferuar nga spektatorët. Sa herë që ai shfaqej në fushë, kishte menjëherë brohoritje dhe duartrokitje në të gjithë stadiumin. Por nga ana tjetër, magjia e Owens-it u urrye shumë nga liderët e nazistëve, posaçërisht pasi Jesse Owens dhe një atlet gjerman i treguan të gjithë botës një miqësi në kërcimin së gjati, gjë që i dha Hitlerit një shuplakë të fortë në fytyrë..

Në fillim të garës, Owensi shkeli disa herë rregullat pasi preku vijën e nisjes, kurse një atlet shumë i njohur gjerman ishte në vendin e parë. Duke shikuar veprimin e Owensit, ky gjerman i tregoi në mënyrë të pasionuar si të shmangte një gabim të tillë. Me udhëzimin e këtij gjermani, Owensi u radhit në vendin e parë në kërcimin e fundit të garës eliminatore, duke shmangur skualifikim para finales. Në garën finale, Owensi ia mori dorën dhe fitoi medaljen e artë, ndërsa gjermani fitoi medaljen e argjendtë. Pasi e pa këtë, Hitleri u largua nga stadiumi shumë i inatosur, për të evituar shtrëngimin e duarve me Jesse Owens dhe dhënien e çmimit për të.

Për refuzimin e dhënies së çmimit për sportistët zezakë, Komiteti Olimpik Ndërkombëtar i bëri kritika të rrepta liderit të shtetit të Gjermanisë. Komiteti Olimpik Ndërkombëtar u shpreh se në se Hitleri nuk i trajtonte sportistë me ngjyrë të ndryshme në të njëjtën mënyrë, komiteti do të hiqte të gjitha ceremonitë e dhënies së çmimeve. Lidhur me veprimin e pasjellëshëm të Hitlerit, Owensi u shpreh se ai vajti në Berlin ishte për të fituar medalje të artë, jo për të shtrënguar duart me ndonjë person dhe se meqë synimi i tij ishte plotësuar, nuk ia vlente të përmendeshin çështjet e tjera. Kështu, Jesse Owens korri jo vetëm medalje të arta, por edhe respekt moral. Dhe më pas, moral sportiv i lartë, stili i mirë si sportist dhe natyra e tij miqësore janë bërë shembulli i të gjithë sportistëve në botë.

Në vitin 1980, kur ndërroi jetë, Owensi u vlerësua nga mediat e Evropës dhe SHBA-së si sportisti më i shkëlqyer në shekullin e 20-të. Për të kujtuar kontributin e tij për sportin, institucionet sportive në SHBA krijuan çmimin 'Jesse Owens', për të vlerësuar sportistët që arrijnë rezultate të shkëlqyera në sport. (Jiang Lei)