dëgjoni

Që nga gushti i vitit 2007, kur polici tibetian Ciren mori vesh se u përcaktua si kandidat për mbajtës i pishtarit olimpik, ai ka intensifikuar stërvitjen për vrapim gjatë javës. Ai tha: "Kur pishtari olimpik do të vijë në Lhasa, këtë qytet që ndodhet në një rrafshnaltëku mungon oksigjeni, unë, duke mbajtur pishtarin olimpik në dorë, nuk mund të vrapoj me frymëmarrje të shpeshta, sepse në atë moment unë do të demonstroj frymën e kinezëve dhe do të përfaqësojë Kinën. "

Ciren u shpreh se nëse do të zgjidhet si mbajtës i pishtarit olimpik, ai do të kryejë misionin e madh duke "përfaqësuar Kinën" për here të dytë. Në tetor 2004, reparti i parë kinez policor kundër prishjes së rendit shkoi në Haiti për detyra paqëruajtëse. Në këtë repart u përfshi fatmirësisht edhe 30 vjeçari Ciren, kur ishte polici i Administratës së hyrje-daljeve në kufi pranë Drejtorisë së Sigurimit Publik të rajonit autonom të Tibetit. Si polici i parë tibetian që mori pjesë në detyrat paqëruajtëse ndërkombëtare, Ciren tha se ajo ishte hera e parë që "përfaqësoi Kinën".

"Gjatë mandatit në Haiti, reparti ynë kreu detyra të ndryshme në mënyrë të mrekullueshme. Policët e posaçëm të Haitit na vlerësuan 'shumë profesionalë'."

Ndryshe nga policët e zakonshëm paqëruajtës, reparti kundër prishjes së rendit merr përsipër edhe detyrat e luftimit. Më 4 janar 2005 në mbrëmje, kur Ciren dhe disa kolegë po bënin patrollim, një vendas erdhi për të kërkuar shpëtim, që vëllai i tij u qëllua nga disa banditë të armatosur në këmbë dhe plagosja ishte shumë e rëndë. Pasi mbërriti në terren, Ciren zbriti i pari nga makina që të kërkonte të plagosurin dhe e çoi në kohë në spital, më në fund shpëtoi jetën e këtij të plagosuri. Ciren kujtoi: "Në ato momente ishte errësirë e thellë dhe përreth nuk ndërpriteshin të shtënat e armëve, ndërsa para asaj, shumë policë paqëruajtës ranë viktima të sulmit. Kur më kujtohet kjo ngjarje, trembem edhe sot, por atëkohë s'kisha asnjë mendim tjetër, përveç shpëtimit të të plagosurve.Mund të them se ajo ishte detyra më e rrezikshme për repartin tonë."

Veprimet paqëruajtëse gjashtëmujore përbëjnë një eksperiencë të veçantë në jetën e Cirenit. Për punët e dalluara, reparti kundër prishjes së rendit u vlerësua nga qeveria e Haitit, komuniteti ndërkombëtar dhe nga qeveria kineze dhe u dekorua nga OKB-ja me medaljen e "Paqes". Pas kthimit në atdhe, edhe Ciren u lavdërua me "meritën e shkallës së parë" për paraqitjen e shquar gjatë veprimeve paqëruajtëse.

Pasi u kthye në postin e mëparëshëm në Tibet, Ciren vazhdoi të zbatojë përgjegjësinë si një polic popullor. Ai u shpreh se para të bëhej kandidat si mbajtës i pishtarit olimpik, ai nuk kishte menduar asnjë herë për lidhjen e drejtëpërdrejtë me Lojërat Olimpike. Para kësaj, për të Lojërat Olimpike i kishte pare vetëm në televizion. Prandaj nëse do të ketë rast të ngrejë pishtarin olimpik, do të jetë një nder për të dhe gjithashtu njohje për punën e tij. Si një polic i kaluar i paqëruajtjes kundër prishjes së rendit, Ciren tha se shpreson nga zemra që bota do të bëhet më paqësore dhe me më shumë miqësi.

"Si përfaqësues i policëve të Tibetit, unë vendos që nëpërmjet stafetës së pishtarit olimpik, të ndezë një pasion, të transmetojë një ëndërr dhe të përhapë në mbarë botën shpirtin olimpik me paqe, miqësi dhe harmoni." (Wang Lei)