Kina është një vend me shumë kombësi, përveç këmbësisë hane ka edhe 55 pakica kombëtare. Prej një periudhe të gjatë, banorët e kombësive të ndryshme jetojnë në një familje të madhe harmonike e miqësore, duke krijuar së bashku historinë dhe kulturën e ndritur të Kinës. Në këtë program do t'ju flas për kombësinë kazake, të aftë për të kënduar e vallëzuar. Në mes të këngëve të bukura kazake do të njiheni me kulturën dhe zakonet e veçanta të kësaj kombësie.

Së pari do të shijojmë së bashku këngën popullore kazake me titull "Të pres ty deri në të gdhirë". Kjo këngë me melodi lirike dhe elegante përshkruan një djalë të dëshpëruar, që pret vajzën e tij të dashur tërë natën buzë liqenit. Në këngë thuhet: "Vlon uji i liqenit Selim, pata e egër e vetmuar fluturon në qiell. Kur erdhi ndrysur, nuk të pashë ty, por dëgjohet kënga jote. Zemra ime si drita e vetmuar e rrugës, e vështron qiellin e pafund të natës. O moj vajzë e bukur, të pres ty deri në të gdhirë."

Kombësia kazake është një kombësi me tradita të lashta kulturore dhe është zhvilluar gradualisht nga shumë kombësi dhe fise të lashta. Fjala "kazak" u shfaq në mes të shekullit të 15-të dhe sipas gojëdhënave popullore, "kazak" do të thotë "Mjellma e bardhë". Ndërsa disa të tjerë shpjegojnë se "kazak" do të thotë "Njeriu i lirë".

Kjo këngë i këndon dashurisë midis vajzës kazake Maliya të bukur si trëndafil dhe djalit Dudaer. Në këngë thuhet: "Sedimaliya, ti je si një lule trëndafili. Një ditë po shkoja në mal për gjueti, ndërsa ti po këndoje rrëzë malit. Kënga jote më bëri të humb rrugën. Djali kazak Yiwandudaer, sot në mbrëmje eja në shtëpinë time, ushqeje mirë kalin duke marrë dungbulanë tënde. Kur të dalë hëna, do të këndojmë bashkë nën hijen e pemës."

Kombësia kazake ka gati 1 milion banorë që jetojnë kryesisht në ultësirat Zhungeer e Yli në veri të Singjiangut. Kazakët merren kryesisht me blegtori dhe banojnë tërë vitin në stepën e madhe e të bukur si pikturë. Malet përreth ultësirave janë kullota të mira verore, ndërsa në të dy brigjet e lumit, luginat dhe zona kodrinore janë kullota të përshtatshme dimërore. Kazakët e duan shumë muzikën, jeta e tyre shtegtare është e pandarë nga kuajt, prandaj në një proverb thuhet se "këngët e kuajt janë dy krahët e kazakëve". Të gjithë kazakët janë kalorës të mirë dhe krenohen se janë të kombësisë "në shpinën e kalit"

Në fund të programit të sotëm, ju ftoj të shijoni këngën popullore kazake me titull "Vajza e bukur". Në këngë vajza konsiderohet si lule që vjen nga rrezet mëngjesore të diellit, si engjëll në qiell dhe është më e bukur se lulet e fresktëa, duke shprehur dashurinë e djalit për vajzën e zemrës.

Ju flet Radio e Jashtme e Kinës! Të dashur dëgjues, ndoqët disa këngë popullore të kombësisë kazake. Mirudëgjofshim të shtunën tjetër. Në mikrofon për ju, Pina.