Tani problemi i cilësisë së produkteve bujqësore ka tërhequr vëmendjen e madhe të shoqërisë kineze. Zbatimi i standardit bujqësor është rrugë e duhur. Provinca Siçuan është një nga provincat më të mëdha bujqësore të Kinës. Ajo ka pasur një progres të madh në zbatimin e standardit bujqësor. Më poshtë do të dëgjoni njoftimet e korrespondentit të Radios sonë për këtë.

Në zonën qendrore të qytetit Lëshan të provincës Siçuan ka një bazë të mbjelljes së preshit prej 10 hektarësh. Kjo është bazë mbjelljeje e një ndërmarrjeje të prodhimit të ushqimeve të eksportit të qytetit Lëshan. Këtu zbatohet standardi bujqësor unik nga prodhimi deri në eksportin e ushqimeve.

Fshatai Zhou Zhiwu që përgjigjet për këtë bazë, tha se prodhimi i preshit në këtë bazë bëhet seriozisht sipas kërkesave të korporatës.

"Plehërimi i plehrave është sipas kërkesave të korporatës. Gjatë plehërimit të preshit, korporata dërgoi një agronom atje për të drejtuar plehërimin e plehrave."

Në Kinë, tani ka dy lloje të formave bujqësore. Sëpari, korporata nënshkroi përkatësisht kontrata me familje të ndryshme fshatare dhe ka vendosur marrëdhëniet e prodhimit, furnizimit dhe shitjes. Një formë tjetër është që sipas kërkesave të tregut, Shoqata e Bujqësisë do të drejtojë prodhimin dhe shitjen e produkteve bujqësore. Para përhapjes së standardit bujqësor në zonën qendrore të qytetit Lëshan, është zbatuar forma e parë bujqësore. Duke folur për këtë, drejtori i Drejtorisë së Bujqësisë të zonës qendrore të këtij qyteti Zhang Qiang tha se zbatimi i standardit bujqësor ka për qëllim të garantojë cilësinë e produkteve bujqësore dhe të përgjithësojë mësime dhe përvojë.

"Për shembull: plehrat bujqësore janë kualifikuar sipas kontrollit të vendit, ndërsa këto plehra bujqësore nuk janë kualifikuar sipas standardit të Japonisë. Si pasojë, humbjet e drejtpërdrejta ekonomike të korporatës ishin 3 milionë juanë. Pala japoneze i paraqiti kërkesën për dëmshpërblim Ministrisë së Tregtisë të Kinës.

Për të pakësuar humbjet ekonomike, ne duhet të ngremë nivelin e standardit bujqësor dhe të forcojmë administrimin për tokat e punueshme. Pastaj, administrata e zonës qendrore të këtij qyteti parashtroi krijimin e bazës së mbjelljes midis korporatës dhe familjes fshatare. Gjatë prodhimit të kulturave bujqësore, përgjegjësi i bazës ka zbatuar standardin bujqësor. Baza e mbjelljes ka marrë me qera tokat e punueshme nga fshatarët. Kështu që fshatarët janë bërë punonjësit e kësaj korporate. Të ardhurat e tyre janë garantuar dhe fshatarët nuk kanë rrezik në prodhim.

Drejtori i përgjithshëm i Korporatës me përgjegjësi të kufizuar të prodhimit të ushqimeve natyrore, z. Wu Xicheng që merr pjesë në përpunimin e produkteve bujqësore të eksportit, është i mendimit se mbjellja e bimëve me copë copë toka nuk përputhet me prirjen e zhvillimit shoqëror. Mbjellja në mënyrë të përqëndruar do të favorizojë përhapjen e standardit bujqësor.

"Ne kemi një sërë sistemimesh të mbjelljes. Kur ndodhi problemi në ndonjë tokë, ne mund ta gjejmë menjëherë."

Zoti Wu Xicheng tha se fshatarët duhet të ndryshojnë konceptin e mbjelljes tradicionale. Ata duhet ta konsiderojnë mbjelljen e produkteve bujqësore si prodhimin e rregullt të repartit. Korporata me përgjegjësi të kufizuar e prodhimit të ushqimeve natyrore ka zbatuar një sërë masash efikase, duke arritur suksese të mira.

Metoda e qytetit Lëshan është vetëm një shembull i përhapjes së standardit bujqësor në provincën Siçuan. Qysh nga zbatimi në vitin 2005 i standardit bujqësor në Siçuan, tani janë krijuar mbi 80 baza të mbjelljes sipas standardit bujqësor, duke zënë 30% e tokave të punueshme të gjithë provincës. (Sihai)