Gjatë 9 muajve të parë të vitit 2007, ekonomia kineze ka ruajtur një rritje të qëndrueshme dhe të shpejtë, niveli i të ardhurave të banorëve të qyteteve dhe fshatrave u ngrit në mënyrë të dukshme dhe puna për kursimin e energjisë dhe pakësimin e shkarkimit të gazit ka pasur një progres të ri. Këto suksese kanë pasur vëmendjen e madhe të komunitetit ndërkombëtar. Disa personalitete të qarqeve politike të huaja, funksionarë dhe ekonomistë të institucioneve ndërkombëtare dhanë një intervistë të gazetarëve, duke folur mendimet e tyre për ekonominë kineze.

Gjatë 9 muajve të parë të vitit 2007, vëllimi i prodhimit të përgjithshëm kombëtar të Kinës i kaloi 16 trilionë juanët, duke u shtuar 11.5% në krahasim me të njëjtën periudhë të vitit 2006. Nënkryetari i delegacionit të Bashkimit Evropian në Kinë, z. Franz Jesen vlerësoi lart rritjen e shpejtë të ekonomisë kineze.

"Në vitin 2000, qeveria kineze parashtroi objektivin e dyshimit të GDP-së gjatë 10 vjetëve të ardhshëm. Unë jam i bindur se sipas rritjes së tillë, qeveria kineze do të realizojë patjetër objektivat e ndryshme planit të 11-të pesëvjeçar."

Qysh nga viti 2007, konsumi i banorëve kinezë është rritur në mënyrë relativisht të shpejtë. Gjatë 9 muajve të parë të këtij viti, vëllimi i rritjes së konsumit të banorëve kinezë arriti në 37%, eksporti u shtua 0.6% në krahasim me të njëjtën periudhë të vitit 2006, ndërsa investimet u ulën në mënyrë të përshtatshme.

Korporata me përgjegjësi të kufizuar Humanity e Anglisë është ndërmarrja më e madhe në sektorët e pëlhurave pa thurje të mbarë botës. Drejtori i përgjithshëm i kësaj korporate Michael Jet është i mendimit se shtimi i të ardhurave të banorëve dhe forcimi i sigurimeve shoqërore janë faktorë kryesorë të rritjes së konsumit të Kinës.

"Konsumi i Kinës ka pasur një rritje të shpejtë. Kjo tregon se mënyra e jetesës dhe niveli i të ardhurave i Kinës është ngritur."

Sipas të dhënave statistikore, gjatë 9 muajve të parë të vitit 2007, të ardhurat mesatare të banorëve të qyteteve dhe të fshatrave të Kinës u shtuan 13.2%.

Në vitin 2007, sfera e sigurimeve shoqërore të Kinës është zgjeruar më tej. Numri i njerëzve që kanë marrë pjesë në sigurimet e pleqerisë, të mjekësisë, etj., është shtuar pandërprerë. Kjo tregoi se financat qendrore kanë shtuar investime në çështjet shoqërore. Për këtë, kryepërfaqësuesi i Zyrës së FMN-së në Kinë Vivek Arora bëri një vlerësim të lartë.

"Unë jam i mendimit se qeveria kineze ka shtuar në mënyrë të dukshme investimet në disa fusha shoqërore, si në fusha arsimore e mjekësore. Kjo do të favorizojë ngritjen e nivelit të jetesës së popullit dhe zhvillimin përpjesëtimor ekonomik."

Sukseset ekonomike të arritura në vitin 2007, nuk ishin të lehta. Qysh nga viti 2006, rritja einvestimeve ishte tepër e shpejtë. Në vitin 2007, u dukën disa probleme të reja, si ngritja e çmimit të mallrave. Për të garantuar zhvillimin e qëndrueshëm ekonomik, qeveria kineze ka marrë masën e makrokontrollit për të koordinuar ekonominë.

Përveç politikës monetare, kursimi i energjisë dhe pakësimi i shkarkimit të gazit janë bërë edhe një masë e rëndësishme e makrokontrollit e Kinës.

Në vitin 2007, Kina pakësoi dhe ndaloi kredinë ndaj ndërmarrjeve me konsum të lartë të energjisë dhe ndotje të rëndë. Në fund të vitit 2007, nga të dhënat statistikore të sektorit përkatës të Kinës del se gjatë 9 muajve të parë të këtij viti, sasia e ndotjeve kryesore u ul në mënyrë të dukshme. Në një mbledhje për ndryshimin e klimës të OKB-së që sapo u mbyll, kryetari, kryetari i Komisionit të Posaçëm Ndërqeveritar për Ndryshimin e Klimës të OKB-së, z. Rajendra Paçauri Pohoi se ai shprehu admirimin për përpjekjet që ka bërë Kina në shfrytëzimin e energjive të ripërdoritshme.

"Kina po përpiqet për shfrytëzimin e energjisë diellore, energjisë së erës dhe të energjive të tjera të ripërdoritshme. Kina po punon edhe për ngritjen efektivitetit të përdorimit të energjisë dhe për kontrollin e shkarkimit të gazit serrë."

Ekonomistët e huaj janë të mendimit se zhvillimi i shpejtë i ekonomisë kineze ka dhënë kontribut shumë të madh për botën. Nga raporti mbi perspektivën e ekonomisë botërore i publikuar këtë vit nga FMN-ja, del se këtë vit, Kina do të bëhet vend me kontributin më të madh për rritjen e ekonomisë botërore. Drejtori i Zyrës studimore pranë FMN-së Simon Johnson tha se një konkluzion i tillë është shfaqur për herë të parë në raportin e FMN-së.

"Këtë vit, Kina do të jetë vend me kontributin më të madh për rritjen e ekonomisë botërore. Në të dhënat statistikore të FMN-së është shfaqur për herë të parë një gjendje e tillë."

Megjithëse, në vitin 2007, sukseset e zhvillimit të ekonomisë kineze ishin të dukshme, ekzistojnë edhe disa probleme, si investimet tepër të shpejta në disa zona të Kinës, ngritja e çmimit të mallrave. Këto probleme do të kërcënojnë zhvillimin e qëndrueshëm dhe të shpejtë të ekonomisë kineze. Në një mbledhje qendrore mbi punën ekonomike që u zhvillua pak kohë më parë, qeveria kineze vuri në dukje se detyra kryesore e makrokontrollit i Kinës është parandalimi i inflacionit ekonomik.

Nga raporti i Bankës Botërore del se me forcimin e politikës së makrokontrollit, këtë vit përqindja e rritjes ekonomike të Kinës do të ulet në mënyrë të përshtatshme. Por qëndrueshmëria e qarkullit ekonomik do të forcohet gradualisht. Duke folur për perspektivën e zhvillimit të ekonomisë kineze, drejtori i Drejtorisë Kineze të Bankës Botërore, z. David Dallar tha: "Unë jam optimist për ekonominë e vitit 2008 të Kinës. Politikat financiare të Kinës do të nxitin qarkullimin e mirë të ekonomisë kineze." (Sihai)