dëgjoni

Kohët e fundit, u organizua në qytetin e Haikout të provincës Hainan të Kinës jugore "Biseda dhe mitingu dekorues me rastin e 15-vjetorit të 'Udhëtimit shekullor të mbrojtjes së mjedisit të Kinës'". Nënkryetari i Komitetit të Përhershëm të Asamblesë Kombëtare Popullore të Kinës Redi vuri në dukje në mbledhje se mbrojtja e mjedisit dhe e burimeve natyrore është një detyrë e ngutshme dhe afatgjatë. Kina do të forcojë kontrollin e opinionit për mbrojtjen e mjedisit dhe të burimeve natyrore të krahinave të ndryshme të Kinës, për të nxitur zhvillimin e vazhdueshëm ekonomik e shoqëror.

"Udhëtimi shekullor i mbrojtjes së mjedisit i Kinës" është një aktivitet i madh i mbrojtjes së mjedisit dhe i kontrollit të opinionit që është organizuar bashkërisht nga Komisioni i mbrojtjes së mjedisit dhe të burimeve natyrore pranë Asamblesë Kombëtare Popullore të Kinës, Drejtoria e Përgjithshme Shtetërore e Mbrojtjes së Mjedisit, Drejtoria Shtetërore e Pylltarisë e Kinës etj. Në këtë aktivitet marrin pjesë disa dhjetëra media kryesore kineze. Çdo vit organizohet një aktivitet i mbrojtjes së mjedisit dhe të burimeve natyrore. Sipas të dhënave statistikore të publikuara kohët e fundit, mbi 30 mijë korrespondentë të mediave të ndryshme kanë marrë pjesë në këtë aktivitet dhe janë botuar mbi 100 mijë lajme, korrespondenca, reportazhe etj.

Në bisedën dhe mitingun me rastin e 15-vjetorit të "Udhëtimit shekullor të mbrojtjes së mjedisit dhe të burimeve natyrore të Kinës" që u organizua në qytetin e Haikout, nënkryetari i Komitetit të Përhershëm të Asamblesë Kombëtare Popullore të Kinës Redi vuri në dukje se gjatë procesit të zhvillimit të shpejtë ekonomik e shoqëror të Kinës, ekzistojnë ende shumë shumë faktorë, si pikëpamja e prapambetur e zhvillimit, struktura jo e arsyeshme industriale etj. Prandaj, ai u shpreh se në këtë gjendje, "Udhëtimi shekullor i mbrojtjes së mjedisit dhe të burimeve natyrore" duhet të forcojë kontrollin e opinionit për mbrojtjen e mjedisit dhe të burimeve natyrore.

"Në gjendjen e re, duhet të vazhdojnë të organizohen këto aktivitete për mbrojtjen e mjedisit dhe të burimeve natyrore. Mbrojtja e mjedisit dhe e burimeve natyrore është një detyrë e ngutshme dhe afatgjatë."

Redi tha se gjatë 5 vjetëve të fundit, janë organizuar shumë aktivitete për nxitjen e ndërtimit të shoqërisë së tipit të kursimit të burimeve natyrore dhe miqësore ndaj mjedisit.

Nënkryetari i Komisionit të mbrojtjes së mjedisit dhe të burimeve natyrore pranë Asamblesë Kombëtare Popullore të Kinës Ye Rutang tha se për të vënë në jetë pikëpamjen e zhvillimit shkencor të parashtruar nga qeveria kineze, sivjet "Udhëtimi shekullor i mbrojtjes së mjedisit dhe të burimeve natyrore i Kinës" do të forcojë njoftimet në këtë drejtim.

"Së pari, duhet të bëhen njoftime në fushën e mbrojtjes së burimeve natyrore, si të ujit, mineraleve, pyjeve, deteve etj. Së dyti, duhet të bëhen njoftime në fushën e mbrojtjes së mjedisit."

Mësohet se në vitin 2008, "Udhëtimi shekullor i mbrojtjes së mjedisit dhe të burimeve natyrore" do të bëjë njoftime kryesisht për mbrojtjen e mjedisit ekologjik. (Du) (Artan)