dëgjoni

Krahas këtyre, edhe kultura kineze po shkon për shkëmbime jashtë vendit. Në shtator të këtij viti, Kina dhe Rusia organizuan së bashku "Turizmin artistik të lumit Vollga". Artistët kinezë, duke u nisur nga Moska, bënë vizita dhe shfaqje në ll qytete në brigjet e dy lumenjve të mëdhenj të Rusisë, lumit Vollga dhe lumit Don, duke i treguar popullit rus veprat thelbësore artistike të Kinës, si operën e Pekinit, cirkun, muzikën, vallet, punimet artistike të artizanatit popullor etj.

Në tetor të këtij viti, Kina si vend kryesor mysafir mori pjesë në festivalin më të madh artistik të Amerikës Latine - Festivalin e 35-të artistik ndërkombëtar "Cervantino". Kurse festivali ndërkombëtar i Houston-it të SHBA-së e mori për herë të parë Kinën si temë kryesore. Vizitorët mund të ndiejnë në modelin e Murit të Madh, që është simbol i kulturës kineze, krenarinë burrërore të ngjitjes në Murin e Madh kinez.

Zv.drejtorja e përgjithshme e kompanisë kineze për shfaqje në botë, znj. Song Lihong, tha se mundësia e organizimit të festivaleve artistike me temën kineze në botë është krijuar për arsye të interesimit të botës për Kinën.....

"Aktivitetet kulturore janë të shpeshta, shumë të huaj i kushtojnë një rëndësi të madhe Kinës dhe kanë dëshirë ta njohin atë nëpërmjet këtyre aktiviteteve kulturore. Ata interesohen shumë për Kinën, për historinë e artin kinez. Edhe shfaqjet e Operës së Pekinit që nuk ishin aq të mirëpritura më parë, tani po japin rezultate të mira".

Siç bëri të ditur znj. Sun Lihong, në Japoni dhe Korenë e Jugut, që kanë ndikime të thella të kulturës kineze, shkojnë çdo vit disa trupa të Operës së Pekinit. Në vendet perëndimore, spektatorët gjithashtu mahniten për delikatesën dhe karakteristikat e veçanta të Operës së Pekinit dhe të operës Kunqu etj.

Përveç operave tradicionale kineze, edhe filmat kinezë u kanë lënë përshtypje të thella spektatorëve të huaj. Gjatë vitit 2007, Kina ka shfaqur në mbi 30 vende e rajone më se 600 filma të saj. Më se 20 filma artistikë të xhiruar nga regjisorët e brezit të ri kanë fituar mbi 50 çmime ndërkombëtare. Shefi i zyrës së shkëmbimeve ndërkombëtare të Drejtorisë Shtetërore të kinematografisë kineze, z. Luan Zhiguo, tha se kinematografia kineze ka arritur suksese të mëdha jo vetëm në sasinë e shfaqjeve, shitjeve dhe të çmimeve të fituara jashtë vendit, por është zhvilluar edhe në drejtim të rrugëve të gjetjes së investimeve, të bashkëpunimit në përmbajtje dhe në qarkullim.

"Ne inkurajojmë bashkëpunimin në fushën e xhirimit të filmave me vendet e huaja, në mënyrë që filmat tanë të qarkullohen në botë me ndihmën e epërsisë së tregtarëve bashkëpunues të huaj. Deri tani, ne kemi realizuar 35 filma artistikë në bashkëpunim dhe 9 filma të xhiruar me ndihmën e vendeve të tjera. Këto filma jo vetëm përbëjnë një pjesë të madhe në tregun e vendit, por janë gjithashtu forcë kryesore e filmave kinezë në tregun e jashtëm".

Siç mësohet, gjatë këtij viti, deri tani sasia e përgjithshme e shitjes së biletave të 27 filmave artistikë kinezë në botë ka arritur në 2 miliardë juanë, duke shënuar rekord botëror.

Edhe veprat e pikturave dhe të skulpturave të artistëve të brezit të ri të Kinës kanë arritur sukses të madh në tregun artistik botëror. Para disa kohësh, në shitjen në ankandin e "Artit bashkëkohor aziatik" të organizuar në Christie's i Hong-Kongut, "14 pamje nga shfaqjet e fishekzjarrëve për APEK-un" e artistit kinez Cai Guoqiang u shit 74 milionë e 240 mijë dollarë hongkongas, duke shënuar rekordin botëror të shitjes në ankand të veprave artistike bashkëkohore.

Drejtori i përgjithshëm ekzekutiv i Galerisë Ndërkombëtare të Kinës, z. Dong Mengyang, është i mendimit se qysh nga ky vit, veprat e artistëve bashkëkohorë kinezë janë mirëpritur gjithnjë e më shumë nga koleksionuesit e botës.

Në vitin 2008 do të organizohen Lojërat Olimpike të Pekinit. Në Pekin dhe në krahina të tjera kineze do të organizohen një sërë aktivitetesh të pasura dhe të larmishme të shkëmbimeve kulturore midis Kinës e botës së jashtme dhe jo vetëm do të vijnë shumë vepra kulturore artistike të huaja në Kinë, por do të dalin edhe gjithnjë e më shumë vepra kulturore e artistike kineze në botë. ( Zhai)