dëgjoni

Pak kohë më parë, në Pekin u organizua "Java e filmave të Sri- Lankës". Ndryshe nga filmat evropianë dhe amerikanë, filmat e Sri-Lankës janë plot me ngjyrë fetare dhe doke e zakone karakteristike rajonale, që i bënë spektatorët kinezë të njihen më tej me këtë vend ishull të Oqeanit Indian, që quhet si "vend i margaritarëve" dhe "vend i luanëve".

Pjesa që po dëgjoni, është nga filmi "Uppalawana", që u shfaq si premierë e "Javës së filmave të Sri-Lankës". Në këtë film përshkruhet një dashuri e trishtuar: murgesha e re e bukur Uppalawana ra në dashuri me një mësues vallëzimi, por dashuria e të dyve u kundërshtua nga prindërit e Uppalawanas dhe ndodhi më në fund një tragjedi. Ky film ka ritëm të ngadalshëm dhe karakteristika të theksuara fetare dhe vendore.

Sivjet është 50-vjetori i vendosjes së marrëdhënieve diplomatike midis Kinës dhe Sri-Lankës, ndaj midis dy vendeve janë zhvilluar më shumë aktivitete të shkëmbimeve kulturore dhe u nënshkrua për herë të parë marrëveshja e bashkëpunimit kinematografik. Organizimi i javës së filmave është një pjesë përbërëse e kësaj marrëveshjeje të bashkëpunimit kinematografik midis dy vendeve. Në një intervistë me korrespondentin e Radios sonë, ambasadori i Sri-Lankës në Kinë, z. Amunugama, tha se për të organizuar si duhet aktivitetet e kësaj jave të filmave, ata kanë zgjedhur me kujdes filma të bukur, në mënyrë që shikuesit kinezë të njohin me anën e këtyre filmave Sri-Lankën.

"Ne kemi harxhuar shumë kohë për të zgjedhur filma për shikuesit kinezë. Filmi i parë është filmi i fundit në vendin tonë. Ne dëshirojmë të shfaqim disa filma karakteristikë, në mënyrë që shikuesit kinezë ta njohin nga këndvështrime të ndryshme Sri-Lankën. Këta filma përmbajnë ndjenjat dhe traditat tona dhe kemi besim që shikuesit kinezë do t'i mirëpresin".

"Java e filmave të Sri-Lankës" është vetëm një nga qindra aktivitetet e shkëmbimeve kulturore midis Kinës dhe botës së jashtme. Në vitin 2007, shumë vende kanë organizuar në Kinë vitin shtetëror kulturor, dhe kështu me anën e ekspozitave artistike, javëve të filmave dhe koncerteve janë shtuar njohjet dypalëshe. Në prill të këtij viti u organizuan në Pekin, Shangai dhe 12 qytete të tjera kineze aktivitetet e "Pranverës së shkëmbimeve kulturore kino-franceze", duke u dhënë shikuesve më se 100 shfaqje. Pastaj, Japonia dhe Koreja e Jugut organizuan në Kinë aktivitete seriale, si shfaqje të filmave, ekspozita artistike, forume etj. Aktivitetet e "Vitit kulturor të Spanjës" u dhanë spektatorëve vallet klasike flamengo, ekspozitën e veprave të projektimeve moderne dhe fotoekspozitë shumë të bukur. Më 17 tetor filloi edhe viti kulturor i Greqisë në Kinë. Si aktivitet i parë, u hap në muzeun Shoudu të Pekinit ekspozita artistike "Kujtimet e artistëve klasikë të Greqisë bashkëkohore". Në këtë ekspozitë përfshihen vepra artistike pikture dhe skulpture. Aspiranti i Universitetit të Bujqësisë të Kinës Yang Ce, pasi pa ekspozitën, tha plot emocion:"Megjithëse nuk merrem me studimin e veprave artistike, por disa piktura dhe skulptura më tronditën shumë. Këto vepra më tregojnë magjinë e artit."

Gjithashtu qeveria greke krijoi në bulevardin "Nanheyan", afër Pallatit Dimëror, Shtëpinë e Kulturës Greke, ku janë vendosur fotografi mbi kulturën greke, në mënyrë që kinezët të ndiejnë nga afër këtë kulturë. ( Zhai)