dëgjoni

44-vjeçari Li Lianjie (Jet Li) është ylli ndërkombëtar i filmit të Kungfu-së. Në vitin 1982, ai interpretoi personazhin kryesor të filmit "Tempulli Shaolin", deri sot Li Lianjie ka xhiruar 33 filma të Kungfu-së.

Kur ishte në moshën e re, Li Lianjie quhej "gjenia e Vushu-së" dhe shfaqi talent të lartë në këtë fushë. Kur ishte në klasë të dytë të shkollës fillore, Li Lianjie u pranua në ekipin e Vushu-së të Pekinit dhe u bë një sportist. Duke kujtuar jetën e sportistit të Vushu-së, Li Lianjie u shpreh se në fakt në atë kohë, ai nuk kishte ideal të madh dhe vetëm dëshironte të lehtësonte barrën ekonomike të familjes:

"Në atë kohë kisha vetëm një ide, domethënë të grumbulloj para për ta ndihmuar nënën të zgjidhë vështirësitë ekonomike të familjes. Babai vdiq herët, prandaj shpresova të bëhem djali i mirë i nënës."

Li Lianjie ishte një sportist i shquar i Vushu-së dhe fitoi shumë medalje të arta të garave të ndryshme duke vizituar mbi 40 vende për shfaqje. Për shkak të mjeshtërisë së lartë të Vushu-së dhe pamjes së pashme të jashtme, në vitin 1982, regjisori i Hong-Kongut Zhang Xinyan e zgjodhi Li Lianjien 17-vjeçe për të interpretuar personazhin kryesor të filmit të Kungfu-së "Tempulli Shaolin". Në këtë film, Li Lianjie interpretoi me sukses një bonz me Kungfu. Filmi pati jehonë të madhe në mbarë vendin dhe Li Lianjie fitoi famë të madhe.

Por pas xhirimit të filmit "Tempulli Shaolin", Li Lianjie pësoi dhembje të madhe, sepse në një stërvitje, ai u plagos rëndë dhe u detyrua të ndërpresë jetën e sportistit të Vushu-së. Li Lianjie tha:

"Operacioni zgjati 7 orë. Kjo ishte një goditje e madhe për mua. Mjeku më tha se nuk mund të merrej më me Vushu, kam qarë shumë."

Pas kësaj, Li Lianjie hoqi dorë nga jeta e sportit të Vushu-së dhe shkoi në Hong-Kong për të xhiruar filma të Kungfu-së. Brenda disa vjetëve, ai xhiroi mbi 10 filma të tillë duke fituar përshëndetjen e madhe të shikuesve. Li Lianjie u bë ylli i filmit të Kungfu-së. Në vitin 1992, ai krijoi shoqërinë kinematografike "Zhengdong" dhe xhiroi shumë filma të suksesshme.

Pas vitit 1997, Li Lianjie filloi të xhirojë filma të Hollivudit dhe interpretoi personazhin kryesor të disa filmave që tërhoqën shumë shikues si "Lethal weapon", "Romeo must die", "Kiss of the dragon" etj. Në krahasim me figura në filma të Kungfu-së në gjuhën kineze, në filma të Hollivudit, Li Lianjie shfaqi stilin e ri të Kungfu-së.

Duke folur për eksperiencën e xhirimit të filmave të Hollivudit, Li Lianjie u shpreh se ai ka ruajtur karakterin tradicional të kinezëve:

"Në Azi kam shumë filmdashës, kurse në Hollivud jam një aktor i ri dhe duhet të nisem nga zero. Bëj përpjekje më të mëdha për të shfaqur Vushu-në kineze nëpërmjet filmit."

Në vitin 2002, Li Lianjie interpretoi personazhin kryesor të filmit të regjisorit të famshëm kinez Zhang Yimou "Hero" duke pasur sukses të madh brenda e jashtë vendit. Në këtë film, Li Lianjie shfaqi përsëri talentin e lartë të interpretimit dhe të Wushu-së.

Tani Li Lianjie ka pakësuar xhirimin e filmave dhe ka harxhur shumë kohë në çështjen e dashamirësisë. Në vitin 2004, ndodhi në Azinë Jugore cunami i madh, familja e Li Lianjies që po kalonte pushime në Maldive u mënjanua me fat të mirë nga vdekja. Pas shpëtimit, Li Lianjie lindi mendime të reja për jetën duke filluar përpjekje për t'i ndihmuar njerëzit në vështirësi. Në vitin 2007, Li Lianjie bashkëpunoi me Kryqin e Kuq të Kinës dhe krijoi "Fondacionin 1 juan". Ai u bën thirrje njerëzve të japin çdo muaj një juan për t'i ndihmuar njerëz me vështirësi. (Fani)