degjoni

Fshati Chengnan i distriktit Fuping ishte stacioni i parë i vizitës së pasardhësve revolucionarë. Këtu ka lindur e bija e gjeneralkolonelit Wang Zhonghuai, Wang Yali. Ajo ka jetuar disa vjet në shtëpitë e fshatarëve dhe një mëndeshë vendase e mbajti si foshnjën e saj. Kur u kthye përsëri në fshatin e saj të vendlindjes, ajo ishte shumë e emocionuar dhe tha: "Jam shumë e emocionuar nga ardhja në këtë tokë të kuqe. Si pasardhës revolucionarë, ne jo vetëm do të vizitojmë këtë vend ku kanë jetuar, luftuar e kanë derdhur gjak baballarët revolucionarë, duke dhënë rininë e jetën e tyre për jetën e sotme të lumtur, por me anën e kësaj vizite, do të takohemi në emër të baballarëve me të afërmit e vendlindjes dhe t'u sjellim atyre përshëndetje të ngrohta."

Një vjershë që titullohet "Mëndesha" i përshkruan me saktësi ndjenjat e saj:

"Emri im është Tajhang

Mali Tajhang është vendi ku kanë luftuar baballarët tanë.

Lufta magjike nga sorgumi dhe pushka e thjeshtë,

Betejat e bëra në këtë vend ishin mahnitëse dhe fitimtare.

Në çdo majë të vargmaleve Tajhan, rrahin zemrat e luftëtarëve të Armatës së 8-të.

Këtu është vendlindja ime, që nuk do ta harrojë gjithë jetën dhe për të cilën më merr malli ditë e natë.

Këtu janë kujtimet e bukura të fëmijërisë dhe mëndesha ime e respektuar dhe e dashur.

..........

Ju më ushqeni me qumështin tuaj,

Për të ruajtur jetën time të vogël,

Ju e sakrifikoni birin tuaj të dashur nën shpatën e agresorëve japonezë.

Burri juaj ra dëshmor në rrugën për t'u dërguar drithërat,

Ju më ruani në mes të maleve dhe më çelikosni vullnetin.

Në vitin 1949, kur isha në moshën 3-vjeçare

U ndamë me hidhërim.

Qaja shumë gjatë ëndrrave për t'u takuar me mëndeshën.

Ju më porositët që të studioja me zell për ta ndërtuar mirë atdheun

Tani vendi im është fuqizuar, populli është pasuruar.

Nuk di a po gëzoni një jetë të lumtur dhe komode.

Sa dëshirë të madhe kam që ju të jeni mirë me shëndet,

O vargmalet Tajhan, ju jeni mëndesha ime.

Nëse do të kem jetë tjetër, do të jem përsëri bija juaj."

Gjatë qëndrimit për vizitë në provincat Hëbei dhe Shansi, delegacioni i pasardhësve revolucionarë vizitoi vendin-muze të shtabit të zonës ushtarake Jincaji, muzeun revolucionar Sibeipo, vendin-muze të KQ të PK të Kinës në Sibeipo, varrezat e dëshmorëve të zonës ushtarake të Kinës veriore në Shejiazhuang, vendin-muze të shtabit të divizionit 129 në distriktin Shëxien, muzeun e Armatës së 8-të në zonën e vargmaleve Tanhang, vendin-muze të betejave të njohura Pingxingguan dhe Huantuling, muzeun e 5 heronjve Lanyashan etj.

Kudo që shkoi, delegacioni u prit nxehtësisht nga liderët e distrikteve dhe provincave përkatëse, si dhe nga banorët vendas. Gjatë vizitës në provincën Shansi, delegacioni e prit nga sekretari i Komitetit të Partisë Komuniste të provincës Zhang Baoshun, i ngarkuari me funksionin e kryebashkiakut të provincës Shansi Meng Xuenong etj. Duke përshëndetur delegacionin dhe duke i shprehur mirëseardhjen atij, Zhang Baoshun tha se në vitet e vështira të luftës revolucionare, paraardhës të panumërt revolucionarë kanë bërë luftë heroike, të paepur dhe të përgjakshme për pavarësinë kombëtare dhe çlirimin e popullit. Ai i tha anëtarëve të delegacionit . "Ju keni marrë me vete kujtimet historike, duke ju takuar, na u kujtuan luftërat e përgjakshme të brezit të vjetër revolucionar. "Gjetja e gjurmëve të paraardhësve revolucionarë për të kujtuar vitet e luftës së përgjakshme plot sakrifica të brezave të baballarëve" është një aktivitet për të çuar më tej frymën revolucionare të paraardhësve dhe do të luajë një rol nxitës për zhvillimin e edukimit patriotik me tradita revolucionare dhe për ta çuar më tej këtë traditë në nxitjen e zhvillimit të reformës. (Zhai)