degjoni

Në kuadrin e 70-vjetorit të krijimit të bazës mbështetëse të luftës së rezistencës kundër pushtuesve japonezë në rajonin Jinchaji (provincat Hëbei dhe Shansi), kohët e fundit një delegacion i posaçëm i përbërë nga 160 pasardhës revolucionarë shkoi për vizitë në rajonin Jincaji (provincat Hëbei dhe Shansi), për të gjetur gjurmët e paraardhësve revolucionarë dhe për të kujtuar vitet e luftës së përgjakshme plot sakrifica të brezave të baballarëve.

Ndër ta janë bijtë e bijat e marshallëve dhe gjeneralëve themelues të Republikës Popullore të Kinës dhe bijtë e bijat e revolucionarëve të thjeshtë. Krahas kujtimeve dhe gjsetjes së gjurmëve të paraardhësve revolucionarë, ata ndien nga afër miqësinë e thellë midis ushtrisë dhe popullit dhe ndryshimet e reja të ndodhura në këtë tokë të bazës revolucionare.

Në nënrubrikën e sotme "Kultura në fokus" do të dëgjoni reportazhin me titull: "Gjetja e gjurmëve të paraardhësve revolucionarë për të kujtuar vitet e luftës së përgjakshme plot sakrifica të brezave të baballarëve".

Vizita e delegacionit të pasardhësve revolucionarë në rajonin Jincaji, në provincat Hëbei dhe Shansi, është një aktivitet me titull "Dashuria për zonat e vargmaleve Taihang", i organizuar nga drejtoritë e propagandës të komiteteve të PK të Kinës të provincave Hëbei dhe Shansi dhe nga shoqata e studimit të veprimtarisë së marshallit Nie Rongzhen etj., kushtuar 70-vjetorit të krijimit të bazës mbështetëse të luftës së rezistencës kundër pushtuesve japonezë në rajonin Jincaji.

Gjatë takimit me delegacionin e pasardhësve revolucionarë, drejtori i Drejtorisë së Propagandës të Komitetit të PK të Kinës të provincës Hëbei Nie Chenxi tha se "Fryma revolucionare e trimërisë të treguar nga paraardhësit revolucionarë gjatë luftës së rezistencës kundër pushtuesve japonezë është gjithmonë forcë inkurajuese për banorët e provincës Hëbei në rrugën e marshimit përpara!". Ai shprehu dëshirën:"Ju pasardhësit revolucionarë të shkoni për vizitë në zona të ndryshme të provincës Hëbei dhe të paraqitni sugjerimet e çmuara për zhvillimin e provincës Hëbei".

Delegacioni vizitoi së pari distriktin Fuping, distrikt i njohur revolucionar, që ka qenë qendra e rajonit Jincaji. Nga viti 1937 deri në vitin 1948, nën udhëheqjen e PK të Kinës, liderët e saj Nie Rongzhen dhe Penzhen krijuan këtu bazën e parë mbështetëse të luftës së rezistencës kundër pushtuesve japonezë. Kjo bazë ka qenë mbështetje e fortë e Kinës veriore në luftën e popullit kinez kundër pushtuesve japonezë dhe fronti i luftës çlirimtare për marrjen e gjithë Kinës veriore, prandaj është vlerësuar lart nga shoku Mao Ce Dun si "bazë shembullore e luftës së rezistencës kundër pushtuesve japonezë".

Përpara sheshit të muzeut revolucionar të rajonit Jincaji në lokalitetin Chengnanzhuang u organizua një ceremoni solemne përkujtimore.

E bija e marshallit Nie Ronzhen, gjeneralkolonelja Nie Li, u dhuroi luftëtarëve veteranë të distriktit Fuping librin e saj "Male të larta dhe lumenj të gjatë", përfaqësuesit e delegacionit "Dashuria për zonën e vargmaleve Taihang" i dhuruan muzeut revolucionar të rajonit mbështetës Jincaji flamuj të kuq me nënshkrimin e emrave të 160 pasardhësve revolucionarë, dhe i biri i heroit të njohur në luftën kundër pushtuesve japonezë Ma Benzhai, i kombësisë hui, gjeneralmajori Ma Guochao, i dhuroi shkollës fillore të lokalitetit Chengnanzhuang pikturën e tij kineze "Trëndafilat". (Zhai)