degjoni

Vëllerëzit Zhou janë dy artistë të famshëm në botë. Veprat e tyre të pikturave, të skulpturave etj. me stilin e veçantë vlerësohen lartë në qarqet artistike.

Ata quhen Zhou Shanzuo dhe Zhou Dahuang. Ata lindën në Rajonin Autonom të Guangsi Zhuanit të Kinës jugore me panorama të bukura në fillim të viteve '50 të shekullit të kaluar. Nga vendlindja e tyra ka piktura të lashta me bokërima malesh me një histori mbi 2000 vjeçare. Figurat e personazheve dhe të kafshëve në piktura janë abstrakte dhe të veçanta. Zhou Dahuang kujton:

"Kur ishim të vegjël, babai na sillte shpesh për të shikuar piktura me bokërima. Magjia e këtyre pikturave të lashta na ka lënë përshtypje shumë të thellë duke ushtruar ndikim të madh për krijimtarinë tonë të ardhshme artistike."

Me stilin e vet të veçantë artistik, në fillim të viteve '80 të shekullit të kaluar, veprat e vëllezërve Zhou filluan të fitojnë famë në Kinë. Në vitin 1986, ata vendosën të shkojnë në SHBA për të studiuar vizatime perëndimore. Ky vendim hapi një rrugë të gjerë artistike për vëllezërit Zhou.

Në SHBA, vëllezërit Zhou studiuan sistemakisht teorinë e vizatimeve perëndimore. Ata nuk kopjuan në mënyrë të thjeshtë mjeshtërinë e vizatimeve perëndimore, por e lidhën me krijimtarinë e vet. Krijimtaria e tyre zhvillohet zakonisht në kanavacë pikture të madhe sa një ekran kinemaje. Ata vizatojnë lirisht me furçë të madhe. Procesi i krijimtarisë i ngjan një shfaqjeje artistike.

Në shtator të këtij viti, vëllezërit Zhou zhvilluan në Galerinë e Arteve të Kinës në Pekin "ekspozitën e artit 30-vjeçar". Nikole Karos është biznesmeni që përkrah galerinë e pikturave të vëllezërve Zhou në SHBA. Ai erdhi posaçërisht në Pekin për të parë ekspozitën. Ai tha:

"Vij nga Çikago. Jam i mendimit se pikturat e vëllezërve Zhou kanë karakteristika të veçanta. Të gjithë qytetarëve të Çikagos u pëlqejnë veprat e tyre."

Deri më sot, Zhou Shanzuo dhe Zhou Dahuang kanë bashkëpunuar për 30 vjet dhe të gjitha veprat janë punuar bashkërisht nga dy vëllezërit. Shumë njerëz janë kureshtar të dinë se si mund të dalin piktura të bukura nga dy piktorë me karaktere të ndryshme. Vëllezërit Zhou u shprehën se në fillim ata shpresonin të shfaqnin mendime të njëjta gjatë krijimtarisë, por më vonë ata zbuluan se është diçka e natyrshme që të ekzistojnë mendime të kundërta midis dy artistëve. Nganjëherë këto mendime të kundërta mund të japin rezultate të mira artistike.

Pikturat e vëllezërve Zhou kanë tërhequr vëmendjen e qarqeve perëndimore të koleksionit, disa vepra të tyre u shitën bile me 5 milionë dollarë. Disa media perëndimore u shprehën se vëllezërit Zhou kanë hyrë në radhën e artistëve me vlerën më të lartë të veprave në botë. Vëllezërit Zhou u shprehën se suksesi ka ardhur jashtë parashikimit të tyre:

"Ne nuk jemi biznesmenë dhe nuk jemi të qartë për tregtinë. Jemi të mendimit se veprat tona kanë magji të veçantë artistike, prandaj kanë tërhequr koleksionistë të mbarë botës."

Në vitin 1994, vëllezërit Zhou krijuan fondacionin e vet artistik për të ndihmuar artistë të rinj. Zhou Shanzuo tha:

"Vitet e fundit, fondacioni jonë është zgjeruar më tej. Para disa vjetëve ne krijuam edhe qendrën artistike të vëllezërve Zhou dhe parkun e skulpturave për të organizuar aktivitete të ndryshme artistike." (Fani)