degjoni

Gjatë Lojërave Olimpike 2008, pjesa dërrmuese e ndeshjeve do të zhvillohen në Pekin. Në 6 qytete bashkërenduese, përveç Hong-Kongut dhe Qingdaos, në Shangai, Tiancin, Shenyang dhe Qinghuangdao do të zhvillohet pjesa dërrmuese e ndeshjeve të futbollit.

Në Shangai, ndeshjet olimpike të futbollit do të zhvillohen në Stadiumin e Shangait, më i madhi në qytet. Në këtë stadium me kapacitet prej 80 mijë vetash, u zhvilluan Spartakiada Kombëtare e Kinës. Këtu zhvillohen çdo vit edhe Çmimi i Madh i Artë i Federatës Ndërkombëtare të Atletikës dhe veprimtari të tjera të rëndësishme sportive ndërkombëtare. Në tetor të vitit 2007, këtu u zhvilluan edhe ceremonia e hapjes dhe ajo e mbylljes e Lojërave të Posaçme Olimpike Verore.

Për të organizuar si duhet ndeshjet e futbollit të Lojërave Olimpike, sektorët përkatës të Shangait rindërtuan dhe zgjeruan stadiumin e Shangait. Presidenti i Grupit të Sporteve Dongya, që përgjigjet për funksionimin e stadiumit, z. Li Ming, u shpreh:

"Me rindërtimin e stadiumit, do të përmirësohet funksioni i tij dhe, në radhë të parë, duhet të arrihet në standardin aktual të shkallës së parë ndërkombëtare."

Për t'u përputhur me standardin ndërkombëtar, Grupi Dongya shkallëzoi stadiumin në mënyrë të gjithanshme.

Përmirësimi mishërohet së pari në ndriçimin e fushës sportive. Pajisjet e ndriçimit jo vetëm mund të plotësojnë kërkesat e veprimtarive tradicionale sportive, por mund të përputhen plotësisht edhe me kërkesat e transmetimit digjital. Kështu, sinjalet televizive të transmetuara nga ky stadium do të bëhen më të pastra.

Në drejtim të sigurimit, Grupi Dongya investoi veçanërisht në sistemin qendror të garantimit të sigurisë. Nëpërmjet më shumë se 400 kamerave të instaluara në kënde të ndryshme, tërë stadiumi dhe instalimet sportive përreth janë në sferën e kontrollit të këtij sistemi. Duke u kombinuar me sistemin e shitjes sipas emrit të vërtetë të biletave të veprimtarive të rëndësishme, kundrejt çdo gjendjeje të jashtëzakonshme në çdo kënd të stadiumit, sektori i garantimit të sigurisë do të reagojë në mënyrë të saktë dhe të shpejtë.

Përveç këtyre, ekrani i madh në stadium do të jetë mjaft i pastër, pista do të arrijë standardin e shkallës së parë të Federatës Ndërkombëtare të Atletikës, ndërsa karriget e shikuesve do të shndërrohen etj. Sigurisht, të gjitha këto do të arrihen në nivelin e parë ndërkombëtar. Njëkohësisht, gjatë rindërtimit të stadiumit është zbatuar koncepti i "vënies së njeriut në qendër". Karriget për shikuesit do të jenë më të rehatshme, ndërsa instalimet pa pengesë për personat me aftësi të kufizuar do të jenë më të përsosura.

Të dashur dëgjues, gjatë përgatitjes për Lojërat Olimpike, komiteti organizativ zbuloi se në shumë qytete kineze nuk janë të qarta dhe të standardizuara shënimet për instalimet e komunikacionit dhe të pallateve e stadiumeve, në veçanti shënimet në gjuhën angleze. Për të përmirësuar këtë gjendje, komiteti organizativ i Lojërave Olimpike të Pekinit ka bërë shumë punë. Në stadiumin e Shangait, ky problem do të zgjidhet pas përfundimit të rindërtimit. Presidenti i Grupit Dongya Li Ming u shpreh:

"Theksojnë krijimin e sistemit të shënimeve në dy gjuhë. Në të kaluarën, në pallatet e stadiumet sportive të Kinës, shënimet ishin në gjuhën kineze dhe me alfabetin fonetik. Kësaj here theksojmë të shënohet gjuha angleze njësoj me gjuhën kineze, që të gjithë të jenë të qartë nëpërmjet këtij sistemi me dy gjuhë."

Sipas përcaktimit të Federatës Ndërkombëtare të Futbollit, të gjitha stadiumet e futbollit për Lojërat Olimpike duhet të pajisen me një fushë rezervë. Në kohën e shfaqjes së ndonjë problemi në fushën kryesore, fusha rezervë do të vihet në shfrytëzim. Stadiumi profesional i futbollit i Shangait, "Hongkou", do të ngarkohet me këtë rol. Ky stadium ishte gjithashtu stadiumi kryesor i Kupës së Botës në Futboll për Femra, që u zhvillua në shtator 2007 në Shangai. Në stadiumin "Hongkou", i rindërtuar krejt i ri, përgjegjësi i saj Ren Changjian u shpreh:

"Tani jemi në gjendje të organizojmë ndeshjet e Kupës së Botës në Futboll të Femrave, që është veprimtari e nivelit më të lartë e futbollit në botë. Pra, mund të themi se çdo veprimtari zyrtare ndërkombëtare mund të zhvillohet këtu. Si instalimet, ashtu edhe ndriçimi, mund të plotësojnë kërkesat."

Si një qytet i madh dhe me historinë e ndërkombëtarizimit, Shangai i hapur dhe i zhvilluar ka fituar përvojë të pasur për organizimin e veprimtarive të ndryshme sportive. Në bazë të dy stadiumeve të rindërtuara sipas standardit ndërkombëtar, kemi besim të plotë që ndeshjet e futbollit të Lojërave Olimpike 2008 do të zhvillohen mbarë në Shangai. (Wang Lei) (Artan)