dëgjoni

Zhang Liping është këngëtare e famshme kineze, kënga e bukur dhe interpretimi i shkëlqyer i saj kanë fituar përshëndetjen e shikuesve të mbarë botës.

Në mars të vitit 2004, me ftesën e teatrit të operës "Metropol" të Nju-Jorkut, Zhang Liping luajti personazhin kryesor të operës "Zonja flutur" duke ngjallur jehonë të madhe. Teatri i operës "Metropol" i Nju-Jorkut është skena që përfaqëson nivelin më të lartë botëror të operës, vetëm aktorët më të shquar të operës mund të japin shfaqje në këtë skenë. Shfaqja e Zhang Lipingut tërhoqi artistë të qarqeve të ndryshme, interpretimi i suksesshëm i saj e ndihmoi botën ta njohë talentin e këngëtarëve kinezë. Pas përfundimit të shfaqjes, hareja e shikuesve zgjati 20 minuta.

40-vjeçarja Zhang Liping lindi në provincën Hubei të Kinës Qendrore. Qysh nga mosha e re, asaj i pëlqente këndimi. Babai i Zhang Lipingut është një admirues i operës së Pekinit, me ndikimin e babait, Zhang Lipingut i pëlqen ky art:

"Kur isha e vogël, babai më sillte shpesh në teatër për të shikuar operën e Pekinit. Nuk mbaj mend se sa shfaqje kemi shikuar."

Në moshën mbi 10-vjeçare, Zhang Liping shikoi për herë të parë operën "Zonja Kamelie". Megjithëse nuk njohu tekstin e këngës, ajo u prek thellë nga atmosfera e hidhëruar e operës dhe derdhi lot. Qysh nga ajo kohë, Zhang Lipingut filloi t'i pëlqejë opera.

Në vitin 1989, Zhang Liping u diplomua në fakultetin e operës të Institutit Qendror të Muzikës të Kinës. Në vitin 1990, ajo shkoi në Institutin e Muzikës të Vankuverit të Kanadasë për studime. Pas mbarimit të studimeve, Zhang Liping u pranua nga teatri i operës i Vankuverit. Qysh nga ajo kohë, ajo filloi të shfaqë talentin në skenën ndërkombëtare të operës.

Në vitin 2004, teatri i operës "Metropol" i Nju-Jorkut ftoi për herë të parë këngëtaren kineze ? Zhang Lipingun të interpretojë personazhin kryesor të operës "Zonja flutur" Cio Cio San. "Zonja flutur" është vepra e dramaturgut italian Glacomo Puçini. Në këtë operë, personazhja kryesore, vajza japoneze Cio Cio San hoqi dorë nga besimi fetar për shkak të dashurisë dhe u martua me një ushtar amerikan në Japoni. Por pak kohë më vonë pas martesës, burri shkoi në atdhe dhe u martua me një vajzë tjetër. Pasi mori vesh këtë, Cio Cio San e hidhëruar vrau veten. Në vitin 1904, opera "Zonja flutur" u shfaq për herë të parë në Milan të Italisë duke pasur sukses të madh. Pas kësaj, "Zonja flutur" është shfaqur nga teatrot e operës të vendeve të ndryshme. Shumë këngëtare të famshme kanë interpretuar personazhin Cio Cio San, Zhang Liping e interpretoi këtë personazhe me karakteristikat e saj. Kënga e veçantë e saj shfaqi plotësisht ndjenjat e ndërlikuara të personazhit duke prekur zemrën e shikuesve. Zhang Liping tha:

"Në fakt muzika e operës preku shikuesit, jo interpretimi im. Mendoj se shikuesit mund të ndiejnë këngën e lëshuar nga zemra ime."

Zhang Liping është e vetmja këngëtare kineze që interpreton personazhin kryesor në një teatër tjetër të operës të nivelit më të lartë të botës ? teatrin mbretëror të operës të Anglisë. Deri tani Zhang Liping ka interpretuar personazhin kryesor të mbi 20 operave në vende të ndryshme duke fituar përshëndetje të gjerë.

Çdo vit Zhang Liping jep shfaqje për 7 ose 8 muaj jashtë vendit. Ajo u shpreh se ajo e ka zët të largohet nga djali 7-vjeç sepse nuk ka shumë kohë ta shoqërojë. Për fat të mirë djali e mirëkupton shumë nënën.

Në vitin 2006, me ftesën e Institutit Qendror të Muzikës të Kinës, Zheng Liping u bë profesoresha e institutit për të përgatitur aktorë të operës. Njëkohësisht ajo merret me punën e përhapjes së operës me qëllim që më shumë kinezë ta njohin këtë art perëndimor. (Fani)