dëgjoni

Ditët e fundit përfundoi në stadiumin e Universitetit të Teknologjisë të Pekinit Turneu ndërkombëtar me ftesë i gjimnastikës artistike, një nga veprimtaritë sportive seriale "Paç fat, Pekin!". Ekipi i fortë rus bëri të vetat medaljet e arta në disiplinat e gjimnastikës së përgjithshme individuale dhe ekipore, duke u bërë ekipi më i suksesshëm. Fakti i gëzueshëm është që në gjimnastikën e përgjithshme ekipore, ekipi kinez fitoi medaljen e bronztë të mbështetur te stili i veçantë kombëtar, duke shënuar rezultatin më të mirë në histori. Lidhur me këtë do të dëgjoni tani një reportazh të shkruar nga korrespondenti i radios sonë.

Në Kampionatin Botëror të Gjimnastikës Artistike 2007, ekipi kinez u radhit në vendin e 9-të në disiplinën e gjimnastikës së përgjithshme ekipore. Pas vetëm 3 muajve, megjithëse me të njëjtën seri lëvizjesh dhe gjithashtu duke konkurruar me 10 ekipet më të forta të kampionatit botëror, ekipi kinez zuri vendin e 3-të. Përse ekipi kinez ka pasur përparim aq të madh? Kapitenia e këtij ekipi, Zhang Shuo, shpjegoi:

"Pas kampionatit botëror, kemi përsosur koreografinë dhe kemi ndrequr të metat, duke ngritur epërsinë tonë. Shpresuam të kishim rezultat më të mirë dhe të realizojmë objektivin."

Ky turne ishte veprimtari eksperimentale për Lojërat Olimpike të Pekinit, prandaj morwn pjesw të 10 ekipet më të forta në disiplinën e gjimnastikës së përgjithshme në kampionatin botëror të sivjetshëm, duke përfshirë ekipin rus, fituesin e kampionatit të sivjetshëm botëror dhe njëkohësisht kampionin e Lojërave Olimpike të Athinës, dhe ekipin italian, fituesin e Kupës së Botës të këtij viti. Mund të themi se kjo veprimtari përfaqësoi nivelin më të lartë aktual të gjimnastikës artistike në botë.

Pavarësisht nga konkurrenca e ashpër, vajzat kineze që luftuan në vendin e vet u paraqitën shkëlqyeshëm. Në finale, ekipi kinez theksoi elementet kombëtare dhe stilin e veçantë në zbukurim, kostum, muzikë dhe koreografi. P. sh., në disiplinën ekipore me 5 individë dhe 5 fije, koreografia e lëvizjeve të ekipit kinez kishte si temë kryesore petkua, ndërsa në disiplinën e gjimnastikës së përgjithshme ekipore dy seri lëvizjesh të ekipit kinez u shoqëruan me melodinë e kombësisë mongole dhe me ritme të Operës së Pekinit. Mund të themi se elementet kombëtare ishin kyçi i shkëlqimit të stilit të ekipit kinez. Në Lojërat Olimpike 2008, ekipi kinez do të shfaqë përsëri këto dy seri lëvizjesh dhe do t'u përmbahet elementeve kombëtare kineze. Kapitenia e ekipit Zhang Shuo u shpreh:

"Lojërat Olimpike 2008 do të zhvillohen në Kinë, pra duam të zgjedhim muzikën klasike kineze dhe stilin e theksuar kombëtar, kështu do të nxitet atmosfera e shikuesve, sepse kinezët e njohin patjetër muzikën e vetë Kinës."

Paraqitja e ekipit kinez plot karakteristika kombëtare në finale mposhtoi jo vetëm gjyqtarët dhe shikuesit në stadium, por edhe anëtaret e ekipeve të tjera të forta. Kapitenia e ekipit italian Blançi Elisa tha:

"Ekipi kinez u paraqit mrekullueshëm. Lëvizjet e tyre janë shumë të sakta dhe shumë të pastra. Mendoj se kjo është një gjë shumë e gëzueshme për to, që fitojnë nderin e tillë në vendin e vet."

Megjithëse bëri paraqitje të mirë në këtë turne, në krahasim me ekipet e forta tradicionale, si ekipin rus dhe atë italian, ekipi kinez ka ende disnivel jo të vogël. Këtë anëtaret e ekipit e kanë shumë të qartë. Duke folur për rezultatin e kësaj here, anëtarja e ekipit kinez Sui Jianshuang u shpreh:

"Kësaj here interpretuam në nivelin normal, por kemi ende shumë pika të dobëta dhe kemi distancë të madhe me ekipin rus. Do të ngrihemi dalëngadalë."

Sigurisht, ekipi kinez duhet të forcohet edhe në shkallën e vështirësisë së lëvizjeve dhe në aftësinë e paraqitjes artistike, dhe ka ende hapësirë për përmirësim në trajtimin e shumë pikave të imëta. Mirëpo përparimet e tij gjatë viteve të fundit janë të pamohueshme. Kampionia në gjimnastikën e përgjithshme në Kampionatin Botëror të Gjimnastikës Artistike 2007, gjimnastja ukrainase Ana Besonova, shprehu mendimin se karakteristika e veçantë kombëtare e ekipit kinez do të jetë elementi kryesor i arritjes të rezultateve të mira në të ardhmen. Ajo tha:

"Mendoj se gjimnastet kineze janë shumë të dalluara. Ato duhet të ruajnë stilin e vet dhe do të arrijnë sukses më të madh në të ardhmen."

Sipas potencialit të tanishëm, ekipi kinez ndodhet në grupin e dytë ndër ekipet e të gjithë botës. Prandaj vajzat kineze kanë përcaktuar si objektiv të tyrin në Lojërat Olimpike 2008 vendin e 4-t dhe do të përpiqen për medalje olimpike. Nuk mbeten shumë kohë nga Lojërat Olimpike të Pekinit, ekipi kinez i gjimnastikës artistike po bën përgatitje me besim të plotë. (Wang Lei) (Artan)