dëgjoni

Qyteti Tiancin do të organizojë 12 ndeshje futbolli të Lojërave Olimpike të Pekinit dhe të gjitha këto ndeshje do të zhvillohen në stadiumin e Qendrës Olimpike të Tiancinit. Puna për ndërtimin e këtij stadiumi, që ndodhet në pjesën jugore të qytetit, ka filluar që nga gushti 2003. Në stadium ka 60 mijë vende dhe ai mund të mbajë gjithsej 80 mijë shikues, gjë që mund të plotësojë kërkesat e veprimtarive ndërkombëtare të futbollit dhe të atletikës. Përreth stadiumit gjenden edhe instalime plotësuese, si supermarket, sallë ekspozite, sallë mbledhjeje, palestër etj.

Më interesantja është që forma e këtij stadiumi nuk është eliptike, por si pikë uji, prandaj banorët e Tiancinit e quajnë "Pika". Përgjegjësi i punëve të ndërtimit të stadiumit, z. Huang Yu, tregoi se "Tiancin" në gjuhën kineze ka kuptimin "pika ku perandori kalon lumin". Tiancini është qytet bregdetar dhe zonën urbane e të tij e përshkon lumi Haihe, prandaj në fillim të projektimit të këtij stadiumi, projektuesit kishin mendimin për konceptin "Pikë". Sipas rregullave ndërkombëtare, për stadiumin e Qendrës Olimpike të Tiancinit u zgjodh projektimi me tender të hapur ndaj gjithë botës. Sipas vlerësimit të specialistëve, kompania japoneze AXS "Satou" u shqua ndër 12 kompanitë konkurruese. Z. Huang Yu u shpreh:

"Të gjitha këto 12 kompani janë me potencial dhe kanë marrë pjesë në projektimin e stadiumeve e pallateve olimpike ose të Kupës së Botës në futboll. U zgjodh më në fund kjo kompani japoneze, sepse ajo përdori plotësisht elemente të 'ujit' dhe mori parasysh përpjesëtimin e mjedisit të përgjithshëm përreth, si dhe kulturën lindore."

Opinioni publik është i mendimit se projekti i këtij stadiumi jo vetëm merr parasysh bukurinë e pamjes së jashtme, por mund të shkrihet edhe me ndërtesa të tjera të Tiancinit. Ai do të bëhet një tjetër ndërtesë simbolike e qytetit. Z. Huang Yu bëri të ditur se si një stadium i ri për ndeshje olimpike futbolli, "Pika" nuk është më e dobët se çdo stadium i madh dhe i përparuar në Evropë.

"Ky stadium ka karakteristikat e veta. Nga ana teknike, ai nuk ka çarje në projektim, që do të thotë në tërë tribunën e shikuesve nuk mbetet çarje për nxehje e ftohje dhe, si rezultat, duket shumë i bukur nga pamja e jashtme; së dyti, të gjitha materialet, lëndët e para dhe sistemi i internetit në stadium janë projektuar dhe ndërtuar sipas standardit të lartë, duke marrë plotësisht parasysh kërkesat e Lojërave Olimpike."

Si stadium olimpik, në "Pikën" nuk mungojnë edhe projektime të posaçme për kujdesin ndaj sportistëve. Një tjetër përgjegjës për ndërtimin e stadiumit, z. Liu Xiaochuan, u shpreh:

"Po krijojmë dhomën e parapërgatitjes për sportistët. Në këtë dhomë gjendet edhe një fushë me bar të prerë artificial. Për shkak se do të zhvillohen me radhë disa ndeshje në ditë dhe dy ekipet që do të futen në ndeshjen e dytë nuk mund të bëjnë parapërgatitje në fushë, prandaj po krijojmë një dhomë të tillë, që futbollistët të kenë mundësi të bëjnë parapërgatitje të plotë edhe në sallë të mbyllur."

"Pika" e posaçme po pret ndeshje të mrekullueshme olimpike. (Wang Lei) (Artan)