dëgjoni

Vitet e fundit, një pjesë e madhe e familjeve kineze kanë blerë vetura. Në markat e shumta të veturave, vetura japoneze e markës Toyota zë një pjesë relativisht të madhe në tregun kinez të automjeteve. Të gjithë e dinë se Toyota është ndërmarrje e njohur e prodhimit të automjeteve. Por konsumatorët nuk kanë shumë njohuri për Aisin. Në fakt, si një korporatë e prodhimit të pjesëve të automjeteve, Korporata me përgjegjësi të kufizuar e prodhimit të pjesëve të automjeteve Aisin është një nga 500 korporatat më të fuqishme në botë dhe një ndërmarrje shumë e njohur në sektorët e makinerive. Para dy vjetëve, Aisini japonez krijoi ndërmarrjen me investime të pavarura në Tangshan të Kinës. Ditët e fundit, korrespondentja e Radios sonë shkoi në zonën e shfrytëzimit të teknologjive të reja dhe të larta të qytetit Tangshan, duke bërë një intervistë me drejtorin e përgjithshëm të Korporatës me përgjegjësi të kufizuar të prodhimit të pjesëve të automjeteve Aisin në Tangshan, z. Hiroshi Chono.

Zona e shfrytëzimit të teknologjive të reja dhe të larta Tangshan u krijua në prill të vitit 1992 dhe është një nga 8 zonat kryesore të shfrytëzimit në provincën Hëbei. Epërsia gjeografike dhe zhvillimi shkencor kanë nxitur zhvillimin e shpejtë të zonës së shfrytëzimit të teknologjive të reja dhe të larta të qytetit Tangshan.

Si një ndërmarrje e lidhur me Korporatën me përgjegjësi të kufizuar të automjeteve Toyota, Korporata e prodhimit të pjesëve të automjeteve Aisin është vendosur në Tangshan. Duke folur për këtë, drejtori i përgjithshëm i Korporatës Aisin, z. Hiroshi Chono tha: "Arsyeja e parë është që në Tangshan zgjedhja e talenteve është e lehtë. Arsyeja e dytë është që në një vend që është 20 kilometra larg zonës së shfrytëzimit të teknologjive të reja dhe të larta të qytetit Tangshan, ka një ndërmarrje të prodhimit ingranazheve pranë Korporatës Aisin. Ajo është fabrika e parë e Korporatës me përgjegjësi të kufizuar të prodhimit të pjesëve të automjeteve Aisin në Tangshan, duke krijuar disa kushte të favorshme për investimet e Korporatës Aisin në Tangshan. Arsyeja e tretë është përkrahja e administratës së qytetit Tangshan dhe e sektorëve të ndryshëm të zonës së shfrytëzimit të teknologjive të reja dhe të larta të qytetit Tangshan. Prandaj ne e kemi vendosur fabrikën tonë këtu."

Siç thotë zoti Hiroshi Chono, numri i ndërmarrjeve me investime të huaja të zonës së shfrytëzimit të teknologjive të reja dhe të larta të qytetit Tangshan nuk arrin në 700. Në këtë zonë ka forca pune të mjaftueshme dhe kostoja e tyre është shumë e lirë. Përveç këtyre, administrata e qytetit Tangshan ka marrë një sërë masash të favorshme për ndërmarrjet që kanë bërë investime në zonën e shfrytëzimit të teknologjive të reja dhe të larta të qytetit Tangshan.

Gjatë 2 vjetëve të fundit, me zhvillimin e shpejtë të industrisë së automjeteve të Kinës, Korporata me përgjegjësi të kufizuar e prodhimit të pjesëve të automjeteve Aisin në Tangshan është forcuar më tej. Deri në fund të tetorit të këtij viti, vëllimi i shitjes së kësaj korporate arriti në 30 milionë juanë.

Me gjithëse prodhimi dhe biznesi i kësaj korporate kanë pasur një efektivitet shumë të mirë, Korporata Aisin nuk e harron kurrë mbrojtjen e mjedisit. Më 30 prill të këtij viti, Korporata me përgjegjësi të kufizuar e prodhimit të pjesëve të automjeteve Aisin në Tangshan shpalli një "Kurs mjedisi". Kjo korporatë premtoi se gjatë prodhimit dhe biznesit, do të kursejë burimet, do të parandalojë ndotjen dhe do të pakësojë gradualisht sasinë e shkarkimit të ndotjeve. Zoti Hiroshi tha se hartimi i kursit të mjedisit ka për qëllim të zbatojë kërkesat e administratës së qytetit Tangshan për mbrojtjen e mjedisit dhe parimin konsekuent të Korporatës Aisin për mbrojtjen e mjedisit.

"Gjatë prodhimit, si të mbrohet më mirë mjedisi, ky është gjithmonë një parim i rëndësishëm. Tani në mbarë botën ka 35-40 degë të korporatës Aisin."Korporata Aisin e konsideron edhe konceptin e zhvillimit të vazhdueshëm si synim të saj. Në kulturën e ndërmarrjes duhet të shfaqet zhvillimi harmonik midis shoqërisë dhe natyrës.

"Vëmendja ndaj harmonisë midis shoqërisë dhe natyrës ka rëndësi shumë të madhe. Si një ndërmarrje, gjatë prodhimit, ajo ka dëmtuar natyrën, ndërsa nëpërmjet ripërdorimit, ajo ka përmirësuar përsëri natyrën, duke krijuar qarkullim të mirë."

Zoti Hiroshi tha gjithashtu se Korporata Aisin u kushton rëndësi shumë të madhe politikave dhe konceptit të qeverisë kineze për kursimin e energjisë e pakësimin e shkarkimit të gazit, ekonominë qarkulluese, zhvillimin e vazhdueshëm etj. Përveç këtyre, Korporata Aisin pa nga afër vendosmërinë e qeverisë kineze për zbatimin e këtyre politikave. Ai është i mendimit se koncepti i zhvillimit të vazhdueshëm është bërë një mendim i përbashkët i komunitetit ndërkombëtar. (Sihai)