Ju flet Radio e Jashtme e Kinës! Të dashur dëgjues, unë jam Pina, po takohemi përsëri në programin e sotëm të muzikës popullore kineze. Në këtë program do t'ju paraqit përsëri disa melodi popullore të pakicave kombëtare. Së pari ju ftoj të shijoni melodinë e kombësisë yugu me titull "Bëjmë plisa"

Kombësia yugu është një nga pakicat kombëtare që jeton në provincën Gansu të Kinës veriperëndimore. Banorët e kësaj kombësie merren kryesisht me kullotjen shtegtare. Melodia e bukur dhe e tingëllueshme "Bëjmë plisa" është krijuar në bazë të këngëve të kënduara nga gratë punëtore të kësaj kombësie gjatë punës për të bërë plisa me lesh deleje për çadër.

Të dashur dëgjues, Kina është një vend me shumë kombësi, të cilat kanë krijuar këngë e melodi popullore shumë të bukura, të përhapura gjerësisht e për një kohë të gjatë. Kompozitorët kinezë në bazë të materialeve muzikore të mbledhura nga jeta e banorëve të pakicave kombëtare, kanë krijuar pjesë muzikore që karakterizohen nga veçoria e kombësive dhe nga fryma moderne. Tani le të shijojmë melodinë popullore të kombësisë kazake me titull "Gëzohemi bashkë".

Kombësia kazake jeton kryesisht në Sinjiang të Kinës perëndimore dhe merret me blegtori. Banorëve të kësaj kombësie u pëlqen të këndojnë dhe t'i bien veglës muzikore dongbula. Kudo e kurdoherë në jetën e tyre dëgjohen këngë. Këngët popullore kazake janë kumbuese dhe të gjera dhe karakterizohen nga atmosfera e theksuar e stepës. Melodia e lartë dhe e gëzueshme që ndoqët, përshkruan tablonë e hareshme të banorëve kazakë të mbledhur bashkë në ditët e festës, duke kënduar e vallëzuar.

Kombësia gelao, që jeton në Rajonin Autonom të Guangxi-Huangut të Kinës jugperëndimore, është një pakicë kombëtare së cilës i pëlqen të këndojë. Pothuajse çdo familje e fshatrave të kombësisë gelao ka partiturë dhe në çdo fshat ka këngëtarë. Më poshtë do të dëgjojmë së bashku melodinë me titull "Përgjigjet në çast", krijuar në bazë të këngëve popullore të kombësisë gelao.

Para dhe pas Festës së Hënës (që bie më 15 gusht sipas kalendarit bujqësor kinez), djemtë e vajzat e këtyre fshatrave, të veshur me kostumet e kombësisë këndojnë në shpate mali ose buzë liqenit në formë pyetje-përgjigjeje. "Përgjiet në çast" është pikërisht një këngë e tillë malësore, teksti i saj hartohet në çast nga këngëtarët, melodia është e thjeshtë dhe ritmet janë të lira. Kjo melodi e interpretuar me vegla muzikore popullore frymore e me tela ka një forcë të pasur imagjinuese.

Ju flet Radio e Jashtme e Kinës! Të dashur dëgjues, ndoqët një grup melodish popullore të pakicave kombëtare. Mirudëgjofshim të shtunën tjetër. Në mikrofon për ju, Pina.