Ditët e fundit, Drejtoria e Përgjithshme Shtetërore e Radio-Film-Televizionit e Kinës shpalli se, duke filluar nga l janari i vitit të ardhshëm, filmat televizivë të xhiruar bashkërisht nga pjesa kontinentale e Kinës dhe Tajvani, pas miratimit të sektorëve drejtues të pjesës kontinentale, mund të qarkullohen dhe të transmetohen si filmat televizivë të prodhuar në pjesën kontinentale, gjë që u ka shtuar përmbajtje të re shkëmbimeve kulturore midis dy brigjeve që po gjallërohen dita-ditës.

Në nënrubrikën e sotme "Kultura në fokus" do të dëgjoni reportazhin me titull: "Aktivitetet e shkëmbimeve kulturore midis pjesës kontinentale të Kinës dhe Tajvanit po shtohen dita-ditës".

Qysh nga vitet '80 të shekullit të kaluar, filmat televizivë të prodhimit të Tajvanit, si "Muzgu i kuq", "Iku dhe erdhi përs

ëri pranvera", "6 ëndrrat" etj., janë transmetuar në pjesën kontinentale të Kinës dhe janë pritur shumë mirë nga teleshikuesit, duke shënuar rekord në përqindjen e shikueshmërisë televizive.

Më pas, punonjësit e aktorët e filmave televizivë të të dy brigjeve kanë zhvilluar bashkëpunim të shumanshëm, duke prodhuar shumë filma të pëlqyer televizivë. Por gjatë këtij bashkëpunimi ekzistonin disa kufizime politike, si p. sh. gjatë xhirimit të këtyre filmave, autorët e aktorët tajvanezë nuk mund të kalonin një përqindje të madhe dhe këta filma zakonisht nuk transmetoheshin në orët më të ndjekura të transmetimeve televizive.

Këta faktorë kanë penguar nismat e personave të qarqeve kinematografike dhe televizive tajvaneze për zhvillimin e

aktiviteteve në pjesën kontinentale të Kinës. Kësaj here, pas rregullimeve të politikave përkatëse nga Drejtoria e Përgjithshme Shtetërore e Radio-Film-Televizionit të Kinës, filmat televizivë të xhiruar në bashkëpunim ndërmjet të dy brigjeve do të trajtohen njësoj në drejtim të qarkullimit dhe të transmetimit.

Aktorja dhe producentja e njohur tajvaneze, zonja Yang Peipei, tha se ky është një lajm i mirë."Kjo politikë është shumë e favorshme për ne. Sipas mendimit tim, perspektiva e bashkëpunimit midis Tajvanit dhe pjesës kontinentale të Kinës është shumë e ndritur. Si në anën e fondeve, ashtu edhe të teleshikuesve, gjërat po përmirësohen gjith

një e më shumë. Shumë punonjës tajvanezë kanë dëshirë të vijnë në pjesën kontinentale për të punuar. Në qoftë se do të kemi më shumë aktorë tajvanezë pjesëmarrës në filmat televizivë të xhiruar në bashkëpunim ndërmjet të dyja palëve, edhe teleshikuesit tajvanezë do t'i mirëpresin më shumë. Unë dëshiroj që këta filma të xhiruar bashkërisht të kthehen në tregun kryesor të Tajvanit".

Kjo politikë e re do të nxitë zhvillimin e përbashkët të sektorëve kinematografikë dhe televizivë të të dy brigjeve, sepse këta filma televizivë të xhiruar në bashkëpunim ndërmjet të dy brigjeve do të kenë mundësi të transmetohen në oraret më të ndjekura të dhjetëra kanaleve televizive satelitore. Kurse tani, në orët më të mira të ndjekjes televizive transmetohen vetëm filmat televizivë të prodhimit të pjesës kontinentale.  (Zhai)