Në Lojërat e 9-ta Olimpike të Amsterdamit, krahas pjesëmarrjes së femrave dhe asaj që aziatikët filluan të tregojnë një figurë të mirë, kanë ndodhur edhe dy gjëra shumë të rëndësishme në historinë olimpike.

Njëra është që u duk në olimpiadë për herë të parë sponsorizimi tregtar. Të gjithë e dinë që holandezët janë shumë të shkathët dhe janë të aftë në biznes. Në atë vit, janë ata që kanë futur për herë të parë në Lojërat Olimpike sponsorizimin tregtar. Komiteti Organizativ Olimpik i Amsterdamit e shiti të drejtën e fotografimit në ceremoninë e hapjes, ndërkohë, për të garantuar të ardhurat e shitjes së biletave dhe interesat e gazetave që kishin blerë të drejtën e fotografimit, komiteti refuzoi kërkesat e radios për transmetimin e drejtpërdrejtë. Krahas kësaj, Komiteti Organizativ Olimpik i Amsterdamit botoi edhe pullat artistike të Olimpiadës së 9-të dhe gjithashtu shiti këmisha dhe kollare të printuara me figurën e pesë unazave si suvenire të Lojërave Olimpike. Në këtë olimpiadë, kompania amerikane 'Koka Kola' i ofroi delegacionit amerikan mbi një mijë kuti pije freskuese, të cilat morën pjesë në Lojërat Olimpike bashkë me sportistët amerikanë. Duke shikuar nga largpamësia, ndërhyrja e biznesit është në të mirë të zhvillimit të Lojërave Olimpike, megjithatë në atë kohë, kjo atmosferë e dendur tregtare shkaktoi pakënaqësi dhe debate të shumta.

Tjetra gjë e rëndësishme e ndodhur në Olimpiadën e Amsterdamit është që Komiteti Olimpik Ndërkombëtar përcaktoi zyrtarisht figurën e anës së përparme të medaljeve olimpike. Për të nxitur zhvillimin e Lojërave Olimpike dhe për të inkurajuar më shumë njerëz të marrin pjesë në to, Komiteti Olimpik Ndërkombëtar përcaktoi që të ndahen medaljet olimpike në tre lloje: të arta, të argjendta dhe të bronzta, për të vlerësuar delegacionet dhe personat që kishin dhënë kontribut të madh në lojërat olimpike. E dimë që medaljet e çdo olimpiade janë ofruar nga komitetet organizative të vendeve të ndryshme organizatore, por këto medalje nuk u përkasin atyre, por vetëm Komitetit Olimpik Ndërkombëtar. Krahas kësaj, edhe projekti i medaljeve duhet të miratohet nga Komiteti Olimpik Ndërkombëtar. Në vitin 1928 në Lojërat Olimpike të Amsterdamit, Komiteti Olimpik Ndërkombëtar e përcaktoi zyrtarisht projektin e hartuar nga artisti nga Firenceja Giuseppe Cassioli si figurën e anës së përparme në medaljet olimpike. Në këtë figurë, Koloseumi i Romës është pjesa kryesore, pranë tij ndodhet një perëndeshë me lule në dorën e majtë, e cila mban lart dorën e djathtë me një degë ulliri. Sipër Koloseumit janë shënuar numri, vendi dhe viti i organizimit të olimpiadës. Gjithashtu, Komiteti Olimpik Ndërkombëtar përcaktoi edhe standardin e prodhimit të medaljeve olimpike. Sipas komitetit, çdo medalje duhet të jetë në formë rrethore me një diametër prej 60 milimetrash dhe trashësi prej 3 milimetrash. Krahas këtyre, komiteti përcaktoi edhe pastërtinë e medaljeve të arta dhe argjendta, d.m.th: në çdo medalje të artë ose të argjendtë, pastërtia e argjendit duhet të jetë mbi 92.5%. Prandaj, medalja e artë që shohim tashmë nuk është 100% flori, por është vetëm një medalje argjendi e larë me flori.

Qysh nga Olimpiada e Amsterdamit deri në atë të Sidnejit, d.m.th: nga viti 1932 deri në vitin 2000, në të gjitha medaljet është përdorur kjo figurë standarde. Por në Olimpiadën e Athinës në vitin 2004, Komiteti Olimpik Ndërkombëtar riprojektoi medaljet olimpike, duke ndryshuar figurën e mëparshme nga Koloseumi në amfiteatrin prej mermeri të Greqisë, ku u zhvilluan Lojërat e para Olimpike. Edhe poza ulur perëndeshës pranë Koloseumit është ndryshuar në pozën e qëndrimit më këmbë.

Lojërat Olimpike të Amsterdamit u zhvilluan nga 17 maji deri më 12 gusht, ato zgjatën pothuajse tre muaj. Kurse qysh nga Olimpiada e 10-të e Los Anxhelosit, kohëzgjatja e zhvillimit është shkurtuar afërsisht në 16 ditë. (Jiang lei)