dëgjoni

Në Turneun ftues ndërkombëtar të gjimnastikës 2007, që përfundoi pak kohë më parë, 19 vjeçarja gjimnaste kineze Cheng Fei fitoi 3 medalje të arta përkatësisht në disiplinat e kërcimit në kaluç, në gjimnastikën e lirë dhe në trarin e ekujlibërit, duke paraqitur potencialin e saj të fuqishëm. Kjo vajzë e re do të ngarkohet me detyrë më të rëndë si kryetare e ekipit kombëtar të gjimnastikës së femrave në Lojërat Olimpike 2008. Kush është kjo vajzë në moshë të re por me talent të dalluar? Do t'ju njoh me yllin kinez të gjimnastikës, Cheng Fei.

Cheng Fei vjen nga provinca Hubei e Kinës qendrore. Ajo duket shumë e qetë dhe ka një buzëqeshje shumë të ëmbël dhe simpatike. Nga pamja e jashtme ajo nuk ndryshon nga vajzat e tjera, por eksperienca e saj ndoshta habit shumë njerëz. Kur ishte 15 vjeç ajo u shpall kampione për kërcim në kaluç dhe të gjimnastikës së lirë në Kampionatin Aziatik të Gjimnastikës; në moshën 17vjeçare ajo u bë kampione botërore për kërcim në kaluç, që ishte gjithashtu kampionja e parë e Kinës në këtë disiplinë; në vitin 2005, 18 vjeçarja Cheng Fei fitoi medaljet e arta në garën në ekip dhe në kërcim në kaluç e gjimnastikën e lirë në Kampionatin Botëror të Gjimnastikës. Sivjet, 19 vjeçarja mbroi përsëri titullin e kampiones në Kampiontin Botëror të Gjimnastikës.

Në qarqet kineze të gjimnastikës, fama e Cheng Feit vjen edhe nga një lëvizje e kërcim në kaluç të emërtuar me emrin e saj, "Kërcimo Cheng Fei". Kjo është një lëvizje me vërtitje shumë të ndërlikuara. Në garën e kërcimit në kaluç në Kampionatin Botëror të Gjimnastikës 2005, Cheng Fei kreu me sukses këtë lëvizje përfaqësuese, ndërsa para asaj asnjë gjimnaste nuk mund të kryente një lëvizje me vështirësi të tillë. Prandaj kjo lëvizje u emërtuar zyrtarisht nga Federata Ndërkombëtare e Gjimnastikës si "Kërcimi Cheng Fei". Kjo është edhe e para lëvizje e emërtuar me një gjimnaste kineze në historinë e gjimnastikës.

Nga ana teknike, "Kërcimi Cheng Fei" thith elemente të lëvizjeve të meshkujve me vëshitësi të madhe, gjë që e bën këtë vajzë mahnitëse. Në fakt, gjimnastika nuk është e gjitha pjesë e jetës së Cheng Feit. Ashtu si vajza të tjera, ajo kalon kohë të lirë të larmishme.

"Hobi im i parë është shikimi i futbollit. Më pëlqen shumë ekipi Arsenal. Ky ekip luan lirisht dhe veçanërisht sulmon mrekullueshëm. Tërësia e ekipit është shumë e mirë."

Një vajzë e re tifozefutbolli? Ajo me të vërtetë duket si ndonjë karakter djali. Edhe trajnerja e saj Liu Qunlin tha se Cheng Fei është futbolldashëse e njohur në ekip, ndërsa karakteri i saj djaloshar ka lidhje me prirjen e thithjes së elementeve mashkullore në lëvizjet e gjimnasteve viteve të fundit.

Ndryshon nga karakteri i gjallë i gjimnastëve, futbolldashësja Cheng Fei është e qetë në jetë dhe lexon shumë libra. Trajnerja Liu tha se librat historike janë të preferuar më shumë nga ajo.

"Asaj i pëlqejnë libra klasike dhe veçanërisht historike. Në përgjithësi, ajo parapëlqen libra me mendime të thella."

Librat historik kanë kultivuar karakterin e Cheng Feit, të qetë dhe të matur. Trajnerja Liu mendon se kjo vajzë ka shumë dëshirë për mësim dhe ka mendjen e vet. Gjatë garave ajo mund të marrë parasysh gjendjen e përgjithme dhe ta trajtojë të arsyeshme.

"Pavarësisht nga mosha e re, para garave ajo bën përgatitje të plota dhe gjatë garave ajo mund të mendojë përgjithësisht të tërë problemet."

Ashtu siç tha trajnerja Liu, Cheng Fei trajton çdo gjë në jetë me shumë seriozitet. P.sh. kur mëson një lëvizje të re, ajo do ta mendojë herë pas here dhe të stërvitet pandërprerë, deri sa mund të kryej këtë lëvizje në mënyrë të përsosur. Pavarësisht në jetë apo në stërvitje e në garë, Cheng Fei has shumë vështirësi, ajo shpreson vetën mund t'i përballojë këto vështirësi me trimëri.

"Shpresoj se kur të has vështirësi të tjera do të tregohem më trime dhe do të kem më shumë vetëbesim."

Në nëntor 2007, Cheng Fei u emërua si kryetare e ekipit kombëtar të gjimnastikës së femrave të Kinës. Në Lojërat Olimpike 2008, ajo së bashku me anëtare të tjera të ekipit synon për medaljet e arta olimpike. Ajo u shpreh se fitimi i medaljeve olimpike në vendin e saj ka qenë ëndrra e saj dhe do ta çmojë e do ta kapë këtë rast të rrallë. (Wang Lei)