dëgjoni 

Ditët e fundit përfunduan punët e zgjedhjeve të kandidatëve për mbajtësit e pishtarit olimpik. Në mbarë Kinën u zgjodhën 11534 kandidatë. Do t'ju njoh me njërin prej tyre, Zhou Guoyun.

Më 1 dhjetor paradite, Zhou Guoyun që po punonte në kantierin e stadiumit kryesor të Lojërave Olimpike të Pekinit "Foleja e zogut", mori shumë telefonate nga të afërmit dhe miqtë, që i uruan për zgjedhjen si kandidtat për mbajtës të pishtarit të Lojërave Olimpike 2008.

Zhou Guoyun tha se para mbi një muaj dëgjoi në kantier se në Pekin do të zgjidheshin fshatarë që punojnë në qytet të marrin pjesë në stafetën e pishtarit olimpik, por nuk ka menduar asnjëherë që do të zgjidhet ai. Në mendimin e Zhout, mbajtësit e pishtarit olimpik duhet të jenë Yao Ming dhe Liu Xiang, këta kampionë olimpikë ose yje të mëdha. Atij nuk i doli ndër mend që si anëtar i thjeshtë i qindra mijë ndërtues të pallateve të stadiumeve të Lojërave Olimpike, edhe ai mund të marrë pjesë në këtë stafetë.

Zhou Guozun vjen nga fshati Zhoutan të provincës Henan të Kinës qendrore. Ai ka punuar në Pekin për mbi 20 vjet dhe ka marrë pjesë në ndërtimin e shumë veprave të mëdha. Që nga viti 2003 ai filloi të marrë pjesë në ndërtimin e veprave olimpike, si të stadiumit kombëtar "Foleja e zogut", pallatin kombëtar dhe fshatin olimpik. Tani pallati kombëtar u inaugurua dhe në të po zhvillohen veprimtari sportive seriale "Pac fat, Pekin!". Në fshatin olimpik po bëhet projekti i zbukurimeve.

Në krahasim me zgjedhjen si mbajtës i pishtarit olimpik, për Zhou Guoyun më emocionuar është që mund të marrë pjesë nga afër në ndërtimin e pallateve e stadiumeve olimpike.

"Si ne ndërtuesit, veçanërisht brezi jonë, është një nder i madh që takojmë këtë edicion të Lojërave Olimpike në Kinë." 

43 vjeçari Zhou Guoyun filloi të punonte në Pekin që nga viti 1984, pasi pësoi humbje në provim për pranimin në shkollë të lartë. Si një fshatar që punon në qytet, ai ka punuar me shumë zell. Duke punuar, ai vetmësoi edhe teknika të ndërtimit. Me vullnetin e fortë dhe në bazë të punëve të vështira, ai është bërë gradualisht i dalluar ndër ndërtuesit. Me besimin e vet, ai bëhet i njohur në qarqet e ndërtimit të Pekinit dhe ka marrë pjesë me radhë në mbi 160 vepra, duke përfshirë shumë ndërtesa të famshme, si Tribunën Kineze të Shekullit, Teatrin Kombëtar, "Folenë e zogut" etj.

Që nga viti 2003, Zhou Guoyun, në krye të një grupi pararoje të ndërtimit të titulluar me emrin e tij, ka marrë pjesë me radhë në ndërtimin e disa veprave olimpike. Gjatë konkursit të punës të ndërtimit të këtyre veprave, "grupi i pararojës Zhou Guoyun" fitoi gjithmonë vendin e parë. Veçanërisht në veprën e "Folesë së zogut", ai jetoi gjithë ditë e natë në frontin e parë të kantierit, gjë që inkurajoi shumë frymën e punëtorëve të grupit, duke krijuar "shpejtësinë e Folesë" dhe "frymën e Folesë". Cilësia e veprës u vlerësua lartë nga specialistët kinezë e të huaj të arkitekturës. Duke i demonstruar gazetarit çmimet e fituara nga ai, Zhou Guoyun tha:

"Ky është çmimi i parë që fitova gjatë ndërtimit të veprave olimpike, 'ndërtuesi i shquar i veprave olimpike'. E fitova në veprën e 'Foles së zogut', pra e çmoj shumë." 

Në saje të rezultateve të dukshme, Zhou Guoyun u vlerësua edhe si 10 fshatarët kinezë më të shquar që punojnë në qytet, shembull kombëtar i punës etj.

Pas arritjes së suksesit në qytet, në vendlindjen e tij, Zhou Guoyun investoi shumë para për hapjen e puseve, ndërtimin e rrugëve dhe ndërtoi edhe një shkollë fillore. Njëkohsisht ai ka dhuruar shumë edhe për nxënës të varfër në perëndim të Kinës.(Wang Lei)